1 YOANES 5:20 - Nanduk Ngget Tul Pidnak Wene

²⁰ Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

1 YOANES 5:20 ပူးပေါင်းရင်းမြစ်များ

YESAYA 44:6

Nagawan Indo Mondok Amawi Worak Isarael nap nggetlel onposo Nagawan Indo iri na-nen yid wene-ge yu-o: ”Mbal Pem Nagawan misiget an narik nak tel koroso min woroksiyem min-nen yusu-o. Mbal pem nagawan erep mbi mondok worasu bug-o.

YESAYA 54:5

Kat ndak wat kibij-e kat kun nggal ma-o. Isarael Embal Pem Nagawan Marak iri-ge kimiri yoso-nen yusu-o. At unu-ge Nagawan Indo Mondok Amawi Worak irir-o. Ar-e yi wi ndi wi tena woraso-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YEREMIA 23:6

Nde, at-nen o tena worala-ge, Yewura nab-e inmiri yosolat, nde, Isarael nab-e kona yamuksa wolma-o. Nagawan iri na imin yogolar-e: ’Nagawan Indo iri-ge nit Ninmiri Yoso Nap-nen yusu-o’ luk yuwa-o” luk yij-o.

MATIUS 13:11

Yogolikma-ge, at-nen wene erep nggarosolar-e: ”Kit perak nde Mbal Pem Nagawan-nen tenagaidnak wi kura wene iri kenaru momtak we wok ondoso mende wok kindij-et nde, ir-e wok indigit lag-o.

LUKAS 21:15

An-nen wene mot mot yobokluk kinndi nggat nggat lem wok kundumu me, kit kunuwim nap ap misiget ter-o luk-nen wene yugup na tarogolat, wene eyak wururag-e meya ma-o.

LUKAS 24:45

Yak unduruk, Mbal Pem Nagawan engga bem-nen mbaridnak iri na ebe-ge iri yosolat-nen yamu-o, luk yebet kujwaklug-e, Yesus-nen it inndi tu kuwarak posolat-nen

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 10:30

An min Neid min-e misiget nak-nen yusu-o” luk yak indij-o.

YOANES 14:20

Iri tarem wok yosola-ge, an-e Neid arem woralat, kit na an narem woragolat, an na kit kenarem woralat yusu-o luk kenaru yugub-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 14:9

Yosoloma-ge, Yesus-nen at yak tosolar-e: ”Pilipus wa-e. An-e pempa kit kinmin worasu-t nde, kar-e yenggerak neyasu bug-a? An neyali nap-nen-e an Neid iri kali-t nde, noluk-nen kat-nen-e: ’Kat Keid iri mirik ninpi-o’ luk yigen-o?

YOANES 15:4

An narem puksa woragola-ge, an na kit kenarem puksa woramin-o. Inggi na e elem min kundigit lak, arik woralar-e, engen poso bug-o. Iri nggal, kit-nen na an narem puksa woragit lak ala-ge, engen pugup pug-o.

YOANES 17:14

An-e kat-nen yidnak wene yak indigi-o. Iri bem-e, an-e nggweyak ma nab-e lag-o. Iri nggal-et it na nggweyak ma nab-e lak ala karuk, nggweyak ma nap-nen-e it insili rak inpiga-o.

YOANES 17:25

Lud tak nak Kwaroso Neid wa-e. Nggweyak ma nap-nen-e kat enaru buk worali-t nde, an perak nde kat naru-o. Nde, kat-nen an wirik nibil lobok yij-o luk it yu-nen perak nde enaru-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 20:28

Yak tosoloma-ge, Tomas-nen at yak tosolar-e: ”Kar-e an-nen idnak Nagawan Indo min an Nembal Pem Nagawan min-nen yusu-o!” luk yak tij-o.

YOANES 8:42

Yogolikma-ge, Yesus-nen it yak ondosolar-e: ”Kir-e ndemeret Mbal Pem Nagawan ilirak-nen yili nggal-e, kir-e an nabuwa kaleb-o. Nde, an-e Mbal Pem Nagawan eram-nen lobok yigirik, yawo yu me worasu-o. An-e an nindi-n pidnak pem lobok yigit lag-o. Are, Mbal Pem Nagawan-net wirik nibil lobok yij-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

OROMA 9:5

Isarael nap na-ge na nenlawingga-nen wigarak-net yili-o. Kerisut abage nggweyak ma nap en-page worak iri-ge it Isarael nap-nen wigarak-net yusu-o. Nde, yi mende ndi mende oboksa ombol pem kek tak woraso Mbal Pem Nagawan na-ge unu kek tak woralik nalik irit wolmag-o. Amen.

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

2 KORINTUS 5:17

Ta-nen nde Kerisut imin kundik worasola-ge, at abage ngget tak ibidnak-nen yusu-o. Abage nanduk na-ge lak lug-e, abage ngget irit kwat yamu-o.

EPESUS 3:18

kit min marak nap oboksa min-nen-e Kerisut-nen ap enabuwa kaso elem na ndak worogolar-e, abag-e ngge nggal-o, mot nggugurig-e ngge nggal-o, teram-e ngge nggal-o, arem-e ngge nggal-o luk kenaru yobokluk an-e kenmanggim tepan yoso-o.

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

IBERANI 1:8

Alat nde, Mbal Pem Nagawan-nen at Ambara yak tosolar-e: ”Mbal Pem Nagawan wa-e. Kat-nen tenagaidnak wi-ge pem-et woralik nalik ma-o. Kat-nen tenagaidnak wi arem woragwi nap enpem wene mbarosolar-e, wene lud tak nak mbaroso-o.

1 YOANES 2:23

Ta-nen nde: ”Ambara na naru bug-o” yusu nab-e Eid na wok ubusu bug-o. Nde, ta-nen nde: ”Ambara iri-ge naru-o” yusu nab-e Eid na wok ubusu-o.

1 YOANES 2:24

Iri bem-e, nandug-et kuligep wene na-ge kwara parugu wolmer-o. Nde, nandug-et kuligep wene iri na kit kenarem puksa parugu woragola-ge, kir-e pempa Ambara min Eid min inmin kundik woragub-o.

1 YOANES 2:6

Ta-nen nde: ”An-e Mbal Pem Nagawan imin kundik worasu-o” luk yosolar-e, ar-e Yesus Kerisut abage nggal-et wolmomtag-o.

1 YOANES 4:14

Mbal Pem Nagawan Ambara na nit nenlengen karuk, nit-nen ap erep yak ondogolar-e: ”At Ambara na-ge nggweyak ma nap inmiri yuwak-luk Eid-nen Ambara na pil mbuwagaij-o” luk yak indili-o.

1 YOANES 4:16

Mbal Pem Nagawan-e nit nenabuwa kaso na-ge nir-e nenaru yogolat, ebem ninndi angin tubu yogolat yili-o. Mbal Pem Nagawan-e enabuwa kaso elem-nen yusu-o. Ta-nen nde ap erep enabuwa kererenak woraso ala-ge, ar-e Mbal Pem Nagawan arem woralat, nde, Mbal Pem Nagawan na at arem worasu-o.

1 YOANES 4:2

Mbal Pem Nagawan-nen idnak Konak Indi-nen yusu-o luk yu bem-nen yenggerak pugub-o. ”Yesus Kerisut iri-ge ki nap nggal luk lobok yij-o” luk yuwa nap pidsa-ge Mbal Pem Nagawan-nen idnak Konak Indi-ge at arem worasu-o luk yenggerak pugub-o.

1 YOANES 5:1

Ta-nen nde Yesus-e Kerisut-nen yusu-o luk ebem inndi angin tubu yili nab-e Mbal Pem Nagawan ilirak-nen yili-o. Nde, Eid abuwa kasu nab-e at ambara iri na-t abuwa kasu-o.

1 YOANES 5:15

Nde, nit-nen nggi yidnak mende nenne koloso nenaru ala-ge, nit-nen at ebem nggi yidnak mende na wog-et nunduwa-o luk nenaru yili-o.

1 YOANES 5:18

Mbal Pem Nagawan ilirag-e Mbal Pem Nagawan Ambara-nen nggitlik unpuruk woraso me, meya kwat tenak worali bug-o luk nenaru-o. Nde, Meya Kwaroso Nap-nen na yi lik ndi lik kwat unpuwa bug-o.

1 YOANES 5:5

Tarak-nen nggweyak ma yu pinik tak puwa-o? Yesus-e Mbal Pem Nagawan Ambara-o luk inndi at ebem angin tubu yuwa nap-net nggweyak ma yu pinik tak puwa-o.

NAM PARA WENE 15:3

It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.

NAM PARA WENE 19:11

Iri luk, an yik kaginggal-e, aid arem tu kuwak yosolar-e, kuda wam loro misik kagi-o. Nde, kuda wam iri ombolwak pem koreyak iri unu-ge Yidnak Yidnag-et Kwaroso, Lud tak Nak Kwaroso irir-o. At iri-nen ap enpem wene mbarosolat na, wim posolat na, mot mor-et kwaroso irir-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.

NAM PARA WENE 3:7

”Pilandelpia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge ndemeret marak nap iri-nen yusu wene-o. Nde, at iri-ge Ndaud-nen idnak tu imig worak pugwi tena woraso-o. Nde, at-nen nde tu kuwarak posoma-ge, ap misiger-o luk-nen lerak purag-e meya-o. Nde, at-nen tu lerak posoma-ge, ap misiger-o luk-nen kuwarurag-e meya-o.

NAM PARA WENE 6:10

It iri-nen enne ngguloksa yogolar-e: ”Kamawi Mondok Kwarat worak, lenak irit woraso, lud tak nak kwaroso Nagawan Indo wa-e! Nunggurik woraruk-nen nggweyak ma woragwi nap enpem wene mbatluk, nit nindiga onggo pugun-o?” luk yiga-o.