1 YOANES 5:19 - Nanduk Ngget Tul Pidnak Wene

¹⁹ O nggweyak yu pidsa-ge Meya Kwaroso Nap inggem worasu-t nde, nir-e Mbal Pem Nagawan ilirak-net yili-o luk nenaru worali-o.

1 YOANES 5:19 ပူးပေါင်းရင်းမြစ်များ

LUKAS 4:6

Mirik uburuk, Sere-nen at yak tosolar-e: ”Nggweyak ma nagawan enmawi-nen tenagaidnak wi pidsa min iri me woraso yi mende ndi mende pidsa min kar-et wok kirimin-o. Yeba pidsa-ge an ninggem pidnak me, ta-nen nde an-nen wok turak perasolug-e, wog-et timin-o.

YOANES 12:31

Nggweyak ma yu ebem wene mbatlik, nggweyak yu tena woraso na mbo bilik momtak tarem-e yawo ndak yij-o.

YOANES 14:30

Nggweyak yu tena woraso na panggo yusu me, wene mor-et yak kindimin pug-o. At iri-ge an nimin ndak ndag-e lag-o, teberak-net yusu-o.

YOANES 16:11

Nde, nggweyak tena woraso na-ge abu ebem wene mbarak pidnak worasu me, Mbal Pem Nagawan-nen-e ap enpem wene mbarurag-e abu tel korarik worasu-o luk mirik unpuwa-o.

YOANES 17:15

An-nen-e: ’Nggweyak ma yu me wolma naru, wok inpi-o’ luk kemengen mbarusu bug-et nde, ’Meya Yoso Nap-nen it meya rak unpuwa naru, kwara untum wiri-o’ luk kemengen mbarusu-o.

OROMA 8:16

Mbal Pem Nagawan Indi-ge nit ninndi imin kundik woralat-nen mirik nonposolar-e: ”Kir-e Mbal Pem Nagawan ilirak-net yili-o” luk yusu-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

2 KORINTUS 5:1

Wene yu-ge nenaru-o. Nit nggweyak ma yu me luru woragwi nunuwi na mijarak pogola-ge, Mbal Pem Nagawan-nen nit nenmanggim wiridnak uwi mbi aid arem worasu-o. Nde, o iri-ge ininggi-nen wiridnak wi-ge lag-o. Are, woralik nalik wolmomtak wi irit worasu-o.

NGGALATIA 1:4

Kerisut-nen-e nit meya yidnak pem yawo worasu nggweyak ma meya yu me-nen wisirik nenpeyeklug-e ar-e ondomok iminep wisirik pamu-o. Iri kwarosolar-e, Nineid Mbal Pem Nagawan indi-n pidnak ndak ndag-et kwarij-o.

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.

1 YOANES 3:14

Nde, nennggamirak enabuwa kali iri bem-nen nir-e wat yugwi elem keya buruk, nunlug-et wolmomtak elem tenaige-o luk nenaru yili-o. Ap enabuwa kaso buk nab-e wat yugwi elem arem iri na-t worasu-o.

1 YOANES 3:24

Nde, Mbal Pem Nagawan-nen yidnak yidnak kwarusu nab-e ar-e Mbal Pem Nagawan arem-et worasu-o. Nde, Mbal Pem Nagawan na at arem worasu-o. Nde, Mbal Pem Nagawan-e nit nenarem worasu iri-ge at-nen wok nindidnak Konak Indi nenarem worasu iri bem-net nenaru yili-o.

1 YOANES 5:10

Iri bem-e, ta-nen nde Mbal Pem Nagawan Ambara ebem indi angin tubu yuwa nab-e kinggiridnak wene na-ge at arem worasu-o. Nde,ta-nen nde Mbal Pem Nagawan-nen kinggiridnak na wanigit lak me, Mbal Pem Nagawan-e enesiget yoso nap tak pusu-o.

1 YOANES 5:13

Mbal Pem Nagawan Ambara unu bem kinndi angin tubu yigep napnen-e nir-e nunlug-et woralik nalik momtak elem irit winde yige-o luk kenaru yobokluk-nen engga yu mbal kundusu-o.

1 YOANES 5:15

Nde, nit-nen nggi yidnak mende nenne koloso nenaru ala-ge, nit-nen at ebem nggi yidnak mende na wog-et nunduwa-o luk nenaru yili-o.

1 YOANES 5:18

Mbal Pem Nagawan ilirag-e Mbal Pem Nagawan Ambara-nen nggitlik unpuruk woraso me, meya kwat tenak worali bug-o luk nenaru-o. Nde, Meya Kwaroso Nap-nen na yi lik ndi lik kwat unpuwa bug-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 20:3

Iri luk, aid nap iri-nen waro na-ge wat yugwi mbun arem pil ngguruk, tu imig worak puruk, kuwak ma naru lop nok tak pugwi mende bem panggarak pid iri-ge olengen seribu (1,000) iri awo lak yigit lak ma ap enlem oboksa onmbol pem lujwa naru-nen kwarij-o. Nde, iri rak puruk, siyag-et nak wolmomtak pem mondok wisirik ubuwa-o.