1 YOANES 5:18 - Nanduk Ngget Tul Pidnak Wene

¹⁸ Mbal Pem Nagawan ilirag-e Mbal Pem Nagawan Ambara-nen nggitlik unpuruk woraso me, meya kwat tenak worali bug-o luk nenaru-o. Nde, Meya Kwaroso Nap-nen na yi lik ndi lik kwat unpuwa bug-o.

1 YOANES 5:18 ပူးပေါင်းရင်းမြစ်များ

NDAWI ENGGA 119:101

An-e kat-nen yidnak yidnak kwareyek-nen meya kwarugwi mende oboksa keya busu-o.

MATIUS 5:37

’Ye’ yogolar-e, ’Ye’ yurag-o. Nde, ’Lag-o’ yogolar-e, ’Lag-o’ nak yurag-o. Nde, wene nin tak nan tak yili iri-ge Sere eram-nen lobok yidnak wene yili-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

YOANES 1:13

Iri yidnak nap ndet onposolar-e, ki nap-nen ndet inpigit lag-o. Are, Ineid Mbal Pem Nagawan at-net ndet inpij-o.

YOANES 14:30

Nggweyak yu tena woraso na panggo yusu me, wene mor-et yak kindimin pug-o. At iri-ge an nimin ndak ndag-e lag-o, teberak-net yusu-o.

YOANES 15:4

An narem puksa woragola-ge, an na kit kenarem puksa woramin-o. Inggi na e elem min kundigit lak, arik woralar-e, engen poso bug-o. Iri nggal, kit-nen na an narem puksa woragit lak ala-ge, engen pugup pug-o.

YOANES 15:7

Kit-nen nde an narem puksa woragolat, an-nen yidnak wene na kit kenarem woralat-nen kit kindingen mende mbi Neid eram nggi yogola-ge, wog-et kunduwa-o.

YOANES 15:9

An Neid-nen an nabuwa kaso nggal, an-nen na kit kenabuwa kasu-o. Nde, kir-e an-nen kenabuwa kaso iri na bem-et puksa-t wolmer-o.

YIDNAK YIDNAK WENE 11:23

Wirik ibikma, wok yidnggal-e, Mbal Pem Nagawan-nen we wok ondoso mende iri na kasolug-e, alin alen kagaij-o. Karuk, it pidsa-nen tugup lak Nagawan Indo-nen yidnak yidnak kwat tenak wolmakluk nggomo indij-o.

YAKOBUS 1:18

At ondomok indi-n pidnak pem-net lud tak nak yoso ene bem-nen-e nit ndak wat nonposolar-e, at-nen ndak worak pidnak tengge oboksa ennggendumu nir-e at indi kundik tak nenpeyekluk, ndak worak ninpij-o.

YAKOBUS 1:27

Mbal Pem Nagawan erengen pem at erembel wanugwi ndemeret iminep mbarak, marak nak wolmomtag-e yu-o: li mul min kweyap togwe min anggun panggun woragola-ge, yongga ondogolat; iri-nen na nggweyak ma yu-nen meya rak unpuwa naru, it na it-nen kwil kwalsa wolmomtag-o.

1 PETERUS 1:23

Mbal Pem Nagawan-nen yidnak wene, urug-et woralik nalik woraso wene iri-nen-e mberen pem ndet konposolar-e, ki nap-nen ndet unpugwi nggal ndet kinpigit lag-o. Are, Nineid pem-et woralik nalik woraso-nen ndet kinpij-o.

1 YOANES 2:29

Nde, Kerisut na-ge lud tak nak kwaroso-nen yusu-o luk, kenaru nar-o. Iri bem-e, lud tak nak kwatli nap pidsa-ge Mbal Pem Nagawan ilirak-nen yili-o luk kenaru mer-o.

1 YOANES 3:12

Kain-nen kwarid nggal nit-nen kwarurag-e meya-o. At iri-ge Meya Kwaroso ambara me, at ambik owot wirij-o. Noluk-nen at owot wirij-o? At Kain-nen kwaroso mende-ge meya nak kwaroso-t nde, at owot-nen kwaroso-ge konak nak kwaroso ala karuk-nen wirij-o.

1 YOANES 3:3

Iri kwat mul-o luk, iri bem indi mbung mbung tak worasu nab-e Kerisut na mbek tag-et woraso nggal, ap iri na at na at-net mbek tag-et wolmomtag-o.

1 YOANES 3:9

Mbal Pem Nagawan ambara kwat yidnak nab-e at arem-e Mbal Pem Nagawan abage-t worasu me, meya kwat tenak worasu bug-o. Nde, Mbal Pem Nagawan iri-ge at Eid me, at-nen-e meya kwat tenak wolmomtag-e meya-o.

1 YOANES 4:6

Alat nde, nir-e Mbal Pem Nagawan ilirak-nen yili-o. Mbal Pem Nagawan enaru nap-nen-e nit nenne kulili-o. Nde, Mbal Pem Nagawan ilirak kwat yigit lak nap-nen-e nit nenne kulili bug-o. Iri kwatli iri bem-nen ndemeret Konak Indi min kabak tak onposo indi min-e yenggerak pili-o.

1 YOANES 5:1

Ta-nen nde Yesus-e Kerisut-nen yusu-o luk ebem inndi angin tubu yili nab-e Mbal Pem Nagawan ilirak-nen yili-o. Nde, Eid abuwa kasu nab-e at ambara iri na-t abuwa kasu-o.

1 YOANES 5:15

Nde, nit-nen nggi yidnak mende nenne koloso nenaru ala-ge, nit-nen at ebem nggi yidnak mende na wog-et nunduwa-o luk nenaru yili-o.

1 YOANES 5:19

O nggweyak yu pidsa-ge Meya Kwaroso Nap inggem worasu-t nde, nir-e Mbal Pem Nagawan ilirak-net yili-o luk nenaru worali-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

1 YOANES 5:21

Nilirak wa-e. Kir-e kugiwak kwarugwi na kwarugup naru, mondok kwil kwalsa wolmer-o.

1 YOANES 5:4

Nde, Mbal Pem Nagawan ilirak-nen-e nggweyak ma yu pinik tak purag-e ndak-nen yusu-o. Nde, nit ninndi angin tubu yidnak pem-net nggweyak ma yu pinik tak pul-o.

YURAS 1:21

Mbal Pem Nagawan-nen ap enabuwa kaso elem pem woragolar-e, kit na kit-net kinndi ndegel koragolar-e, nit Nenagawan Indo Yesus Kerisut-e nit nunpud-nen nunlug-et woralik nalik momtak elem wok nunduwakluk, yik karok wolmer-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,

NAM PARA WENE 2:13

Kit worali sa iri-ge an-e naru-o. Sere-nen tena woraso sa iri me-t worali-t nde, kir-e an puksa tena nuburuk worali-o. An-nen yidnak wene mot mot nak konggoroso nap Antipas na-ge kit kennggendumu-nen Sere woraso sa iri me-nen wiriga-t nde, kir-e kinndi an nebem angin tubu yidnag-e keya bigit lag-o.