1 YOANES 5:14 - Nanduk Ngget Tul Pidnak Wene

¹⁴ Nit-nen nde at indi-n pidnak ndak ndag-et at ebem yi mende ndi mende nggi yak togola-ge, nenne koloso me, nir-e kwiye lag-et Mbal Pem Nagawan eram mbitli-o.

1 YOANES 5:14 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 3:12

kat-nen nggi yigen iri-ge kwar-et kibimin-o. Iri kwat kobosolar-e, kar-e mondok terak mena kindi nggat nggat worak tak kibimin-o. Ap erep kat ndet yigit lak ma-nen enaru yugwi mende enaru yiga min abok-nen enaru yugwi mende enaru yuwa min ereba-ge teberak nggal-et nde, kar-e enaru yugwi mende-ge terak minik irit karu rak pimin-o.

NDAWI ENGGA 145:19

At-nen-e at indi aye worak worali nap inndi alen tak onposolat, at-nen it enne mbo bil laidnak kuluruk, inmiri yosolat kwaroso-o.

NDAWI ENGGA 34:17

Nagawan Indo inndi aye worak woragwi nap-nen at eram wene mbo bil lagola-ge, at-nen enne kuluruk, anggun panggun kagwi arem-nen inmiri yoso-o.

NDAWI ENGGA 69:33

Nagawan Indo-ge insilobulo lak nap enne-ge koloso-o. At ilirak o kubu me worali nab-e meme rak onposo bug-o.

NGGOMO WENE 15:29

Konak nap iri-nen nde tepan yosola-ge, Nagawan Indo-nen-e ene koloso-o. Alat nde, wene taroso nap ene-ge koloso bug-o.

MATIUS 21:22

Kit kinndi angin tubu luk, tepan yogolat-nen nggi yugup mende-ge wanugub-er-o” luk yij-o.

YOANES 11:42

Kar-e an nene pempa koloso iri-ge an naru-t nde, ap ndok wiriga yeba-nen kuluruk, an-e kat-nen ibil lobok yamu-o luk inndi angin tubu yuwakluk-nen wene yu yusu-o” luk yij-o.

YOANES 14:13

Nde, an nebem-nen Neid kek tak puwakluk, an nunu bem kit-nen nggi yugub mende-ge pidsa kwat kinpimin-o.

YOANES 15:7

Kit-nen nde an narem puksa woragolat, an-nen yidnak wene na kit kenarem woralat-nen kit kindingen mende mbi Neid eram nggi yogola-ge, wog-et kunduwa-o.

YOANES 16:24

Kir-e nanduk-net an nunu bem yi mende ndi mende mbi nggi yigit lak worali-o. Kit kenalen na iminep mbal maklug-e, nggi yer-o. Nde, nggi yogola-ge, wanugub-er-o” luk yij-o.

YOANES 9:31

Meya yugwi nap-nen yidnak wene Mbal Pem Nagawan-e koloso bug-o luk nenaru nar-o. Alat nde, at unu kek tak pugwi nap min at indi-n pidnag-et kwarugwi nap min-nen yidnak wene perak nde, ar-e koloso-o.

EPESUS 3:12

At ebem-nen nir-e Mbal Pem Nagawan eram nggogolar-e, at ebem ninndi angin tubu yidnak pem kwiye lag-et ninndi embem min-et nggwili-o.

IBERANI 10:35

Iri bem-e, kit kinndi kabak yili-ge meyog-o. Nde, kinndi angin tubu luk woragup pem-e onggo mondok nggulok wanugup nar-o.

IBERANI 3:14

Nir-e nanduk-net ebem ninndi mbung mbung tak pige wene na puksa tena irit worakmu, woroksiyem-nen-e nit pidsa-ge Kerisut arengge na at totno winde mul-o.

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

YAKOBUS 4:3

Kit kondomok ukwe ukwe mende iri na wanuwokluk nggi yogolat tepan yili iri-ge lugud tak nggwe yili-o. Iri bem-nen kit-nen tepan yili-t nde, yi mende ndi mende wanili bug-o.

YAKOBUS 5:16

Iri bem-e, kit ki rak kunpuwaklug-e, kit na kit-net meya yidnak pal kerak mbogolat, kit na kit-net tepan pegerak mbogolat wolmer-o. Lud tak nak kwaroso nap-nen indi angin tubu yosolat-nen tepan yusu iri-ge amawi kwarat-nen yusu-o.

1 YOANES 2:28

Nde, nilirak wa-e. Kerisut lobok yuwa tarem-e ninggiri min lak, mondok kwiye lag-et at eram wok yuwok-nen Kerisut imin kundik irit wolmer-o.