1 YOANES 5:13 - Nanduk Ngget Tul Pidnak Wene

¹³ Mbal Pem Nagawan Ambara unu bem kinndi angin tubu yigep napnen-e nir-e nunlug-et woralik nalik momtak elem irit winde yige-o luk kenaru yobokluk-nen engga yu mbal kundusu-o.

1 YOANES 5:13 ပူးပေါင်းရင်းမြစ်များ

YOANES 1:12

Alat nde, ap erep-nen-e at wok uburuk, at ebem inndi angin tubu yiga nab-e Mbal Pem Nagawan ilirak kwat momtak amawi wok indij-o.

YOANES 2:23

Nde, O Anggul Pandok Mbiridnak tarem iri na yebet kagolat Yesus na Yerusalem worasola-ge, Yesus-nen kwiye worak mende kwarosola karug-e, ap kwarat-nen at ebem inndi angin tubu yiga-o.

YOANES 20:31

Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.

YOANES 21:24

Engga yu arem kwaridnak yeba wene-ge Yesus imin noso an-net konggorosolat, engga yu mbarigi-o. Nde, an-nen kinggiridnak wene yu-ge ndemeret wene-o luk nenaru-o.

YOANES 3:18

Ambara an nebem inndi angin tubu yuwa nap na enpem-e lak tak unpurak wene mbaruwa bug-o. Nde, inndi angin tubu yigit lak nab-e Mbal Pem Nagawan Ambara misiget nderak an nebem inndi angin tubu yigit lak me, it enpem-e lak tak unpurak wene-ge mondok mbarak puruk worasu-o.

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

YIDNAK YIDNAK WENE 3:16

Nde, Yesus unu bem indi angin tubu yidnak me, at unu iri-nen ap yu-ge kir-e kenlengen-nen karuk yenggerak pili nap yu-ge amawi yaga wok tij-o. Indi-ge Yesus ebem angin tubu yidnak alat, ap yu-ge kit kinmbiri bem-et mondok ki agaid yur-o.

YIDNAK YIDNAK WENE 4:12

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

2 KORINTUS 5:1

Wene yu-ge nenaru-o. Nit nggweyak ma yu me luru woragwi nunuwi na mijarak pogola-ge, Mbal Pem Nagawan-nen nit nenmanggim wiridnak uwi mbi aid arem worasu-o. Nde, o iri-ge ininggi-nen wiridnak wi-ge lag-o. Are, woralik nalik wolmomtak wi irit worasu-o.

NGGALATIA 4:6

Kir-e ndemeret at ilirak-nen yili-o luk mirik kenpeyeklug-e, Mbal Pem Nagawan-nen at Ambara Indi-ge nit ninndi arem ibil lobok yosola, at Indi na-nen wene mbo bosolar-e: ”Neid wa-e. Neid wa-e” yusu-o.

1 PETERUS 5:12

An engga poro-t kenmanggim mbarigi yu-ge an-nen eberasolat mot mor-et yoso nonowot Silas-nen yongga norosola, mbarigi-o. ”Wene yu-ge ndemeret Mbal Pem Nagawan-e we wok ondoso elem-nen yusu-o” luk kinndi embem tak posolat-nen engga yu mbarusu-o. Mbal Pem Nagawan we wok ondoso pem-et tugup lak mendak wolmer-o.

1 YOANES 1:4

Nit nenalen-e iminep mbal maklug-e, engga yu kenmanggim mbatli-o.

1 YOANES 2:1

Nilirak wa-e. Kir-e meya yugup naru, an-e engga yu mbal kundusu-o. Alat nde, ap mbi-nen meya kwarosola-ge, nit nonowene Nineid imin konoso nap, lud tak nak kwaroso nap Yesus Kerisut irit worasu-o.

1 YOANES 2:21

Iri ala-ge, kir-e ndemeret wene kenaru buk ala, engga yu mbal kundusu-ge lag-o. Are, ndemeret yoso Mbal Pem Nagawan iri-ge mondok enesiget yoso bug-o kenaru yili iri bem-nen engga yu mbal kundusu-o.

1 YOANES 2:25

Nde, Kerisut at-net urul yak nondosolar-e: ”Kunlug-et pem-et woralik nalik woragub-o” luk yak nindik nar-o.

1 YOANES 2:26

An engga mbarusu yu-ge kit konmbol pem lokluk enmawi kundili nap iri wene mbarusu-o.

1 YOANES 3:23

Nde, at-nen: ”Irit kwarer-o” luk yidnag-e yu-o: At Ambara Yesus Kerisut unu bem nit ninndi angin tubu luk, Kerisut-nen yak nindid ndak ndag-et nabuwa kabuwa yogolat wolmomtag-o.

1 YOANES 4:9

Mbal Pem Nagawan-nen nit nenabuwa kaso na nam tak posolar-e, nir-e at Ambara ebem-nen nunlug-et wolmaklug-e, Mbal Pem Nagawan-nen-e at Ambara misiget nderak na nggweyak ma yu me pil mbuwagaij-o.

1 YOANES 5:10

Iri bem-e, ta-nen nde Mbal Pem Nagawan Ambara ebem indi angin tubu yuwa nab-e kinggiridnak wene na-ge at arem worasu-o. Nde,ta-nen nde Mbal Pem Nagawan-nen kinggiridnak na wanigit lak me, Mbal Pem Nagawan-e enesiget yoso nap tak pusu-o.

1 YOANES 5:11

Kinggiridnak wene-ge yu-o. Mbal Pem Nagawan-nen-e nunlug-et woralik nalik momtak elem wok nindij-o. Nde, at Ambara iri-ge unlug-et woralik nalik momtak iri elem-nen yusu-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.