Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 YOANES 5:10 - Nanduk Ngget Tul Pidnak Wene

10 Iri bem-e, ta-nen nde Mbal Pem Nagawan Ambara ebem indi angin tubu yuwa nab-e kinggiridnak wene na-ge at arem worasu-o. Nde,ta-nen nde Mbal Pem Nagawan-nen kinggiridnak na wanigit lak me, Mbal Pem Nagawan-e enesiget yoso nap tak pusu-o.

အခန်းကိုကြည့်ပါ။ ကော်ပီ




1 YOANES 5:10
22 ပူးပေါင်းရင်းမြစ်များ  

Nde, iri-ge Nagawan Indo-nen-e meya yugwi nab-e isili rak onposolat, nde, inndi mot mot woragwi nab-e mondok inmin panggarak woraso-nen yusu-o.


Ap enlem iri na-nen onggo yogolar-e: ”Ta-nen nit-nen kulidnak ereba na bem indi angin tubu yamu-o? Tarak inmbiri bem Nagawan Indo amawi-ge nam tak pij-o?


Noluk-nen an-e andi bandi nak kerenak worasu-o? Noluk-nen an ud yu-ge ambut yigit lak, emesiyak nak worasu-o? Kar-e iri kwat nubusu iri-ge o kibi bem-nen yi eberek yusu iri na nggal an nindi sik ndiyak yosolat, nindi kabak makluk-nen kwarusu-a?” luk yigi-o.


Mbal Pem Nagawan iri-ge ki nap nggal enesiget yoso bug-o. ’O! Niri nera-o’ na yoso buk. Mbal Pem Nagawan-nen nde ’Irit kwarimin-o’ yosolug-e, mondok iri na-t kwaroso-o. Nde, at-nen nde wene yosola-ge, mondok yidnak iri nat kwat yoso-o.


Mbal Pem Nagawan-nen ki nap pidsa nenabuwa nggulok karuk, at Ambara misiget nderak wok nendamu-o. Ta-nen nde at ebem inndi angin tubu yuwa nab-e lak yigit lag-et, are, pem-et unlug-et woralik nalik momtak elem irit wanuwa-o.


Ambara an nebem inndi angin tubu yuwa nap na enpem-e lak tak unpurak wene mbaruwa bug-o. Nde, inndi angin tubu yigit lak nab-e Mbal Pem Nagawan Ambara misiget nderak an nebem inndi angin tubu yigit lak me, it enpem-e lak tak unpurak wene-ge mondok mbarak puruk worasu-o.


Nde, at-nen yidnak wene ndemerer-o luk perali nap-nen-e: ”Mbal Pem Nagawan iri-ge lud tak nak kwaroso-nen yusu-o” luk yili-o.


at-nen wirik nibil lobok yidnak nap an nebem kinndi angin tubu yigit lak yili me, at-nen yidnak wene-ge kit kenarem-e mondok lag-o.


Yosoloma-ge, Pilipus-nen yosolar-e: ”Kat kindi-ge ebis-et angin tubu yidnak ala-ge, ob-o” luk yij-o. Yosoloma-ge, at-nen yosolar-e: ”Yesus Kerisut iri-ge Mbal Pem Nagawan Ambara-nen yusu-o luk nindi angin tubu yigi-o” luk yij-o.


Mbal Pem Nagawan Indi-ge nit ninndi imin kundik woralat-nen mirik nonposolar-e: ”Kir-e Mbal Pem Nagawan ilirak-net yili-o” luk yusu-o.


An-e yu yosolat-nen yigi-o: At eid isilobulo winde yurak la iri-ge yi mende ndi mende winde-t nde, ar-e la marik worala-ge, ndegel oboso nap nggal-et woraso-o.


Kir-e ndemeret at ilirak-nen yili-o luk mirik kenpeyeklug-e, Mbal Pem Nagawan-nen at Ambara Indi-ge nit ninndi arem ibil lobok yosola, at Indi na-nen wene mbo bosolar-e: ”Neid wa-e. Neid wa-e” yusu-o.


Kir-e wat yigepma-o. Nde, kunluk worali iri-ge Kerisut ebem-net Mbal Pem Nagawan arem kura worali-o.


Nanggamirak wa-e. Kit kennggendumu ap misik-nen indi meya yosolat, indi angin tubu yigit lak yuwarik me, urug-et woraso Mbal Pem Nagawan urula keya buwa naru, kir-e kwara wolmer-o.


Iri bem-e, Mbal Pem Nagawan ene lomboksa yugwi nap-nen yidnak wene na-ge kwara nenaru yili-o. Nde, urul pidnak wene na-ge ndamuk woraso sa tal pago pidnak nggal-nen yusu-o. Nde, tal iri amare irit worasoma, o nda yosolat o nda nda wonaru pil wasolar-e, kit kenarem yaya rak purak iri na yik karok woragolar-e, kir-e wene iri na kwara yebet kagolat wolmomtag-e ob-o.


Nde, nit-nen nde: ”Nit meya yugwi bug-o” luk yogolar-e, nit-nen-e Mbal Pem Nagawan na enesiget yoso nap tak pili-o. Nde, at-nen yidnak wene-ge nit nenarem-e mondok lag-o.


Ta-nen nde Yesus-e Kerisut-nen yusu-o luk ebem inndi angin tubu yili nab-e Mbal Pem Nagawan ilirak-nen yili-o. Nde, Eid abuwa kasu nab-e at ambara iri na-t abuwa kasu-o.


Iri ala karuk, waro na kwe iri na ebem isilepma kwarat puruk, kwe iri-nen wigarak erep inmin wim peyekluk mbirij-o. Nde, it iri-ge Mbal Pem Nagawan-nen yidnak yidnak nak kwarogolat, Mbal Pem Nagawan-nen yidnak wene Yesus-nen nam tak pidnak wene na wanugwi nab-o.


Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, an-nen-e kura woraidnak no mende mburu (manna) na mak timin-o. Iri luk, kerep loro misik wok indimin-o. Nde, kerep loro iri na bem-e unu ngget yarak mbarag-o. Nde, unu iri-ge ap nin-nen enaru buk, wanuwa nap enarik nak-nen enaru ma-o.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ