1 YOANES 5:1 - Nanduk Ngget Tul Pidnak Wene

¹ Ta-nen nde Yesus-e Kerisut-nen yusu-o luk ebem inndi angin tubu yili nab-e Mbal Pem Nagawan ilirak-nen yili-o. Nde, Eid abuwa kasu nab-e at ambara iri na-t abuwa kasu-o.

1 YOANES 5:1 ပူးပေါင်းရင်းမြစ်များ

MATIUS 16:16

Yosoloma-ge, at Simon Peterus-nen wene erep nggarosolar-e: ”kar-e Kerisut, uruk nak woraso Mbal Pem Nagawan Ambara-nen yusu-o” luk yij-o.

LUKAS 7:5

At iri-ge nit nenlem nap nenabuwa kasolat, nit tepan yugwi wi misig-e at nak-nen worak nonposolat yidnak nap ala-n yige-o” luk yiga-o.

YOANES 1:3

Mbal Pem Nagawan-nen at ebem-net yi mende ndi mende oboksa ndak worak pij-o. Nde, at lak nggal-nen-e ndak worak pidnak mende yeba-ge misiger-o luk tet ndak worak pelep pug-o.

YOANES 15:23

An isili rak nubusu nab-e, an Neid na isili rak ubusu-o.

YOANES 3:3

Yosoloma-ge, Yesus-nen at yak tosolar-e: ”An-e ndemeret yak kurusu-o. Mberen pem ndet ibigit lak nab-e Mbal Pem Nagawan-nen tenagaidnak wi-ge erengen kujwa bug-o” luk yij-o.

YOANES 6:69

Mbal Pem Nagawan eram-nen lobok yidnak konak nab-e kat-net yusu-o nenaru luk, kat kebem ninndi angin tubu yili-o” luk yak tij-o.

YOANES 8:42

Yogolikma-ge, Yesus-nen it yak ondosolar-e: ”Kir-e ndemeret Mbal Pem Nagawan ilirak-nen yili nggal-e, kir-e an nabuwa kaleb-o. Nde, an-e Mbal Pem Nagawan eram-nen lobok yigirik, yawo yu me worasu-o. An-e an nindi-n pidnak pem lobok yigit lag-o. Are, Mbal Pem Nagawan-net wirik nibil lobok yij-o.

YIDNAK YIDNAK WENE 8:36

It iri-ge tula mbiriga mbiriga-ge, yi ma wok yogolar-e, iyiri wabidnak nap-nen yosolar-e: ”Yi yu worasu yu ki-o. An yi ma nuburag-e nunggwirig-o?” luk yij-o.

YIDNAK YIDNAK WENE 8:37

Yosoloma-ge, Pilipus-nen yosolar-e: ”Kat kindi-ge ebis-et angin tubu yidnak ala-ge, ob-o” luk yij-o. Yosoloma-ge, at-nen yosolar-e: ”Yesus Kerisut iri-ge Mbal Pem Nagawan Ambara-nen yusu-o luk nindi angin tubu yigi-o” luk yij-o.

YAKOBUS 1:18

At ondomok indi-n pidnak pem-net lud tak nak yoso ene bem-nen-e nit ndak wat nonposolar-e, at-nen ndak worak pidnak tengge oboksa ennggendumu nir-e at indi kundik tak nenpeyekluk, ndak worak ninpij-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

1 YOANES 2:10

Nde, at anggam abuwa kaso nab-e yaya arem worasu me, at arem-e ap enare purak mende mbi worasu bug-o.

1 YOANES 2:29

Nde, Kerisut na-ge lud tak nak kwaroso-nen yusu-o luk, kenaru nar-o. Iri bem-e, lud tak nak kwatli nap pidsa-ge Mbal Pem Nagawan ilirak-nen yili-o luk kenaru mer-o.

1 YOANES 3:14

Nde, nennggamirak enabuwa kali iri bem-nen nir-e wat yugwi elem keya buruk, nunlug-et wolmomtak elem tenaige-o luk nenaru yili-o. Ap enabuwa kaso buk nab-e wat yugwi elem arem iri na-t worasu-o.

1 YOANES 3:17

Ap misik isilobulo kwarat worala-t nde, at anggam arengge lak me, indi kabak worala karug-et nde, at anggam yongga wirigit lak alar-e, iri yoso nab-e nggesa-nen ”An-e Mbal Pem Nagawan abuwa kasu-o” luk yuwa-o?

1 YOANES 3:9

Mbal Pem Nagawan ambara kwat yidnak nab-e at arem-e Mbal Pem Nagawan abage-t worasu me, meya kwat tenak worasu bug-o. Nde, Mbal Pem Nagawan iri-ge at Eid me, at-nen-e meya kwat tenak wolmomtag-e meya-o.

1 YOANES 4:2

Mbal Pem Nagawan-nen idnak Konak Indi-nen yusu-o luk yu bem-nen yenggerak pugub-o. ”Yesus Kerisut iri-ge ki nap nggal luk lobok yij-o” luk yuwa nap pidsa-ge Mbal Pem Nagawan-nen idnak Konak Indi-ge at arem worasu-o luk yenggerak pugub-o.

1 YOANES 4:20

Nde, ap misik-nen-e: ”An-e Mbal Pem Nagawan abuwa kaso-o” luk yosolar-et nde, at anggam mbi isili rak poso ala-ge, iri yoso nab-e enesiget wene yoso-nen yusu-o. At anggam na at erengen-nen nam kaso-net nde, abuwa kaso buk-nen-e at erengen-nen kaso buk Mbal Pem Nagawan na abuwa kujwa bug-er-o.

1 YOANES 4:7

Nanggamirak kenabuwa worak wa-e, Enabuwa kagwi elem-e Mbal Pem Nagawan eram-nen lobok yusu me, nabuwa kabuwa yogolat wolmog-o. Enabuwa kagwi nab-e Mbal Pem Nagawan ilirak, Mbal Pem Nagawan enaru nap-nen yili-o.

1 YOANES 5:18

Mbal Pem Nagawan ilirag-e Mbal Pem Nagawan Ambara-nen nggitlik unpuruk woraso me, meya kwat tenak worali bug-o luk nenaru-o. Nde, Meya Kwaroso Nap-nen na yi lik ndi lik kwat unpuwa bug-o.

1 YOANES 5:4

Nde, Mbal Pem Nagawan ilirak-nen-e nggweyak ma yu pinik tak purag-e ndak-nen yusu-o. Nde, nit ninndi angin tubu yidnak pem-net nggweyak ma yu pinik tak pul-o.

1 YOANES 5:5

Tarak-nen nggweyak ma yu pinik tak puwa-o? Yesus-e Mbal Pem Nagawan Ambara-o luk inndi at ebem angin tubu yuwa nap-net nggweyak ma yu pinik tak puwa-o.