1 YOANES 4:9 - Nanduk Ngget Tul Pidnak Wene

⁹ Mbal Pem Nagawan-nen nit nenabuwa kaso na nam tak posolar-e, nir-e at Ambara ebem-nen nunlug-et wolmaklug-e, Mbal Pem Nagawan-nen-e at Ambara misiget nderak na nggweyak ma yu me pil mbuwagaij-o.

1 YOANES 4:9 ပူးပေါင်းရင်းမြစ်များ

NDAK WIRIDNAK WENE 22:2

Yosoloma, Mbal Pem Nagawan-nen yak tosolar-e: ”Kar-e kambara misiget nderak Isak kindi kundik iri imin luk, o Moria nggwe mbiri-o. Nde, ereba ma-nen an-nen-e ndobo misik mirik kibimin-o. Nde, ndobo iri bem-e kambara iri-ge an namanggim wosa kan pi-o” luk yak tij-o.

NDAWI ENGGA 2:7

Nagawan-nen yosolar-e: ”Nagawan Indo-nen ’Irit kwaruwa-o’ luk yidnak wene-ge an-nen yimin-o. At-nen an yak norosolar-e: ’Kar-e an Nambara-o. Yawo-net kat keid kwat yusu-o.

MARAKUS 12:6

Yogolikma-ge, yabu winde eram-e ap misiget nak woragaij-o. Nde, iri-ge at ambara indi kundugu irit worala-ge, abok nggwe-ge at ambara-ge it endam wirik obosolat-nen yebet kasolar-e: ’An nambara yu-ge it-nen-e kek tak ubuwa-o’ luk yebet kagaij-et nde,

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

YOANES 10:10

Yariya wanugwi nap na lobok yugwi-ge, yariya wanurak pem min undurak pem min lak tak unpurak pem min lobok yugwi-o. Alat nde, an lobok yigi-ge, lomba wam-nen-e unlug-et wolmomtak elem mondok kwarat wanuwakluk-nen lobok yigi-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 3:16

Mbal Pem Nagawan-nen ki nap pidsa nenabuwa nggulok karuk, at Ambara misiget nderak wok nendamu-o. Ta-nen nde at ebem inndi angin tubu yuwa nab-e lak yigit lag-et, are, pem-et unlug-et woralik nalik momtak elem irit wanuwa-o.

YOANES 3:18

Ambara an nebem inndi angin tubu yuwa nap na enpem-e lak tak unpurak wene mbaruwa bug-o. Nde, inndi angin tubu yigit lak nab-e Mbal Pem Nagawan Ambara misiget nderak an nebem inndi angin tubu yigit lak me, it enpem-e lak tak unpurak wene-ge mondok mbarak puruk worasu-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

YOANES 6:29

Yogolikma-ge, Yesus-nen it yak ondosolar-e: ”Mbal Pem Nagawan indi-n kit-nen kwaruwag-o luk perasu-ge yu-o: At-nen wirik nibil lobok yidnak nap an nebem nak kinndi angin tubu yer-o” luk yak indij-o.

YOANES 6:51

An-e aid arem-nen mbuwaidnak unluk yaga wok ondoso mburu-nen yusu-o. Nde, ap-nen mburu yu nujwa nab-e unlug-et pem-et woralik nalik ma-o. Nde, ki nap pidsa unlug-et wolmaklug-e, wok indimin mburu iri-ge an nebe nde yigi-o” luk yij-o.

YOANES 6:57

Urug-et woraso Neid-nen nibil lobok yidnak me, an-e at ebem-et nurug-et worasu-o. Iri nggal, an nebe nasu nab-e an nebem-et urug-et wolma-o.

YOANES 8:29

An wirik nibil lobok yidnak nab-e an totno-t worali-o. An-e at indi-n pidnak nak kwaroso me, at-nen-e narik keya noboso bug-o” luk yij-o.

YOANES 8:42

Yogolikma-ge, Yesus-nen it yak ondosolar-e: ”Kir-e ndemeret Mbal Pem Nagawan ilirak-nen yili nggal-e, kir-e an nabuwa kaleb-o. Nde, an-e Mbal Pem Nagawan eram-nen lobok yigirik, yawo yu me worasu-o. An-e an nindi-n pidnak pem lobok yigit lag-o. Are, Mbal Pem Nagawan-net wirik nibil lobok yij-o.

YOANES 9:3

Yogolikma-ge, Yesus-nen yosolar-e: ”Ap yu min at eid ija min-nen meya yidnak pem kwarij-e lag-o. Are, Mbal Pem Nagawan amawi-ge ap yu ebem-nen nam tak posola, ap-nen kujwakluk-nen at erengen ngguru ndet yid irir-o.

OROMA 8:32

At ambik Ambara abuwa kagit lak, nit pidsa nenmanggim iminep wisirik pamu-o. Nde, at Ambara-t nde, wok nendarik me, yi mende ndi mende pidsa wok nundurak iri-ge nggog-a?

IBERANI 1:5

Mbal Pem Nagawan-nen-e aid nap misiget ter-o luk yak tosolar-e: ”Kar-e an Nambara-net yusu-o. Yawo-t an-e kat Keid kwat yigi-o” luk mondok yak ondoso bug-o. Iri-nen Mbal Pem Nagawan-nen aid nap mbi imin yosolar-e: ”An-e at Eij-et timin-o. Nde, ar-e an Nambara ma-o” luk mondok inmin yoso bug-o.

1 YOANES 3:16

Ap enabuwa kagwi elem-e yu bem-nen nenaru yili-o: Kerisut-e nit nenmanggim at-net at iminep wisirik pij-o. Iri nggal-et nit-nen na nit nennggamirak enmanggim nit-net nit ninminep wisirik purag-o.

1 YOANES 4:10

Enabuwa kagwi elem-e yur-o. Nit nanduk-nen Mbal Pem Nagawan abuwa kaige-ge lag-o. Are, at-nen nit nenabuwa karuk, nit meya yidnak amberam tak puwakluk at Ambara pil mbuwagaij-o.

1 YOANES 4:16

Mbal Pem Nagawan-e nit nenabuwa kaso na-ge nir-e nenaru yogolat, ebem ninndi angin tubu yogolat yili-o. Mbal Pem Nagawan-e enabuwa kaso elem-nen yusu-o. Ta-nen nde ap erep enabuwa kererenak woraso ala-ge, ar-e Mbal Pem Nagawan arem woralat, nde, Mbal Pem Nagawan na at arem worasu-o.

1 YOANES 5:11

Kinggiridnak wene-ge yu-o. Mbal Pem Nagawan-nen-e nunlug-et woralik nalik momtak elem wok nindij-o. Nde, at Ambara iri-ge unlug-et woralik nalik momtak iri elem-nen yusu-o.

1 YOANES 5:13

Mbal Pem Nagawan Ambara unu bem kinndi angin tubu yigep napnen-e nir-e nunlug-et woralik nalik momtak elem irit winde yige-o luk kenaru yobokluk-nen engga yu mbal kundusu-o.