1 YOANES 4:6 - Nanduk Ngget Tul Pidnak Wene

⁶ Alat nde, nir-e Mbal Pem Nagawan ilirak-nen yili-o. Mbal Pem Nagawan enaru nap-nen-e nit nenne kulili-o. Nde, Mbal Pem Nagawan ilirak kwat yigit lak nap-nen-e nit nenne kulili bug-o. Iri kwatli iri bem-nen ndemeret Konak Indi min kabak tak onposo indi min-e yenggerak pili-o.

1 YOANES 4:6 ပူးပေါင်းရင်းမြစ်များ

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

OSEA 4:12

Nde, ir-e tu mirik kunpurak kore yogolar-e, e abare mbarak ereba na min wangun min yak kunduwakluk kin wok ibili-o! Kir-e kweyap-nen ununtak keya unpuruk, terak waring kagwi nggal, kir-e an keya nuburuk, kit kenpe-ge kegera kugwiwak ereba na wok tili-o.

MIKA 2:11

Kit-nen ennesiget yogolat, enmberam lagolat yugwi nap-nen ennesiget urul pogolar-e: ’Kir-e anggut min inndi nden kaso yi min kwarat ombo yugub-o’ luk yugwi nap ereba na kinndingen tak inpili-o” luk yij-o.

MIKA 3:8

Alat nde, an perak nde, Nagawan Indo-nen at indi narem posolat, amawi wok norosolat kwarusu-o. At-nen wok norosolar-e, mot mot kwarurak yebet kagwi elem wok norosolat, iri-nen Isarael nap-nen meya kwatli ereba na ”Iri kwatli meyog-o” luk yak undurak amawi kwiye lak elem wok norosolat kwarusu-o.

LUKAS 10:22

An Neid-nen-e yi mende ndi mende pidsa an ninggem pid irir-o. Neid arig-et nak-nen Ambara an aru yusu-o. Nde, Ambara an-nen na irit, Ambara an-nen ’Neid iri enaru mag-o’ eberamin nap-nen na irit, Neid iri enaru yili-o” luk yij-o.

YOANES 10:16

Nde, an nolomba erep na worasur-o. Lomba ereba-ge ngenwa yu me nggwigit lak nde yigi-o. An-nen na it oboksa mondok inpil lobok yimin-o. It-nen an nene kologolat, it pidsa misiget nak luk, lomba wam ombo na misiget nak wolma-o.

YOANES 10:27

An nolomba-nen-e an nene kulili-o. Nde, an-nen-e ir-e naru me, an nimin nili-o.

YOANES 10:3

Nggosola-ge, lomba wam tumende yik karok woraso nap-nen-e lomba wam ombo na nggumakluk tu kuwarak poso-o. Nggosolar-e, lomba wam na enarik tak unnu luk wene mbo onposola kuluruk, lit eneyaruk at imbirik mbepme mburugwi-o.

YOANES 13:20

An-e ndemeret yak kundusu-o. Ap-nen-e an-nen wirik ibidnak nap wok ubusu iri-ge an-net wok nubusu-o. Nde, an wok nubusu iri-ge an wirik nibil lobok yidnak nap iri na-t wok ubusu-o” luk yak indij-o.

YOANES 14:17

Konak Indi iri-ge ndemeret Mbal Pem Nagawan Mirik Konposo irit wok kunduwa-o. Nde, nggweyak ma nap-nen at kagolat, enaru yogolat yurak meya me, at wok uburag-e meya-o. Alat nde, ar-e kit kinmin worasolat, kit kenarem worasolat yusu me, ar-e kir-e kenaru-o.

YOANES 15:26

Nde, an Neid eram-nen Yongga Kundurak Nap na ibil mbuwamin-o. At iri-ge Konak Indi ndemeret Mbal Pem Nagawan Mirik Konposo irir-o. Nde, at lobok yuwarig-e, at-nen an nowene kenggel kondosolat wolma-o.

YOANES 16:13

Alat nde, Konak Indi na lobok yuwarig-e, lud tag-et Mbal Pem Nagawan mirik konposolar-e, lud tak nak kwarugwi mende pidsa mirik kunpuwa-o. Nde, at indi-n pidnak wene-ge yak kunduwa bug-o. Are, at-nen kulidnak wene nak yak kondosolat, abok-nen kwat momtak wene nde yak kondosolat ma-o.

YOANES 18:37

Yosoloma-ge, Pilatus-nen at kin wok obosolar-e: ”Iri ala-ge, kar-e nagawan–nen yusu, lak?” yosoloma. Yesus-nen yosolar-e: ”Kat-nen yigen irir-o. Nde, an nggweyak ma yu me lobok yigirik, ndet yigi yu-ge, ndemeret wene-ge irir-o luk kenggereyekluk-net lobok yigi-o. Nde, ndemeret wene imin kundik nap-nen-e an-nen yidnak wene irit kulili-o” luk yij-o.

YOANES 20:21

Yogolikma-ge, Yesus-nen tuguruk it yak ondosolar-e: ”Nowosirag-o. Kinndi yek tag-et wolmer-o. Neid-nen an wirik nibil lobok yid nggal-et, an-nen na kit wirik kunpusu-o” luk yij-o.

YOANES 8:19

Yosoloma-ge, it-nen at kin wok obogolar-e: ”Kat keij-e ngge me-o?” luk yogolikma-ge, Yesus-nen yosolar-e: ”Kit-nen-e an min an Neid min kenaru bug-o. Nde, kit-nen nde an kenaru nggal-nen-e an Neid na kenaru yeleb-o” luk yij-o.

YOANES 8:23

Yogolikma-ge, Yesus-nen it yak ondosolar-e: ”Kir-e ena nggwe-nen lobok yidnak nap-nen yili-o. Nde, an-e teram-nen lobok yidnak-nen yusu-o. Kir-e nggweyak ma nab-o. Nde, an-e nggweyak ma nab-e lag-o.

OROMA 1:1

Kerisut Yesus ndegel oboso nap Paulus an-nen engga yu mbarusu-o. Mbal Pem Nagawan-nen aid wene ap yak indil nurak pem wene mbo nuburuk, an-e wirik nibidnak nap tak nuburak pem len nibid nap-nen yusu-o.

OROMA 11:8

Mbal Pem Nagawan engga mbarak pem-nen yosolar-e: ”Mbal Pem Nagawan-nen it inndi min yebet kagwi min yimil mbid tak enpamu, yawo na it enlengen-nen kagit lak, it eneyanggo-nen na kuligit lak irit worali-o” luk yij-o.

1 KORINTUS 14:37

Ta-nen nde: ”An-e Mbal Pem Nagawan ene lomboksa yoso nap, Konak Indi-nen we tembet ondoso mende wanigi-o” luk perasu nab-e, an-nen mbal kundusu wene yu-ge ndemeret Nagawan Indo-nen yidnak wene-net yusu-o luk yebet kujwag-o.

2 KORINTUS 10:7

Kit-nen ap eneyagolar-e, entare nak kali-o. Ap misik-nen nde at indi yebet kasolar-e: ”An-e ndemeret Kerisut arengge-nen yusu-o” luk perasolar-e, at iri-ge tuguruk yebet kujwag-o. At iri-ge Kerisut arengge-nen yusu nggal, nit-nen na iri nggal-et Kerisut arengge-nen yili-o.

2 TESALONIKA 1:8

Kan mare min lobok yosolar-e, Mbal Pem Nagawan-e ndemerer-o luk yugwi buk nap min Nenagawan Indo Yesus-nen yidnak aid wene kuruk tugwi nap min enpem angin worak mende puwa-o.

1 TIMOTIUS 4:1

Konak Indi-nen mondok nam-et yosolar-e: ”Abok woragolar-e, ap ereb-e inndi angin tubu yidnak keya buruk, ap kabak tak unpugwi inndi langgal luk mborogolat, kugi-nen mul ondoso wene na langgal luk mborogolat yuwa-o” luk yij-o.

2 PETERUS 3:2

An yak kundusu yu-ge nanduk Mbal Pem Nagawan ene lomboksa yugwi marak nap-nen yidnak wene min Nagawan Indo Ninmiri Yoso Nap-nen yidnak wene wirik inpidnak nap-nen yak kindidnak wene min yeberak worabokluk yak kundusu-o.

1 YOANES 4:1

Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.

1 YOANES 4:4

Alat nde, nilirak wa-e. Kir-e Mbal Pem Nagawan ilirak me, enesiget Mbal Pem Nagawan ene lomboksa yugwi nap iri-ge kit-nen urugwe nggwe rak inpigeb-o. Nggweyak ma nap enarem worasu indi iri-ge ndeyak-nen yusu-t nde, kit kenarem worasu Konak Indi-ge amawi worak terak minik-nen yusu-o.

1 YOANES 4:8

Mbal Pem Nagawan-e enabuwa kagwi elem-nen yusu me, enabuwa kaso buk nab-e Mbal Pem Nagawan aru buk nap-nen yusu-o.

1 YOANES 5:19

O nggweyak yu pidsa-ge Meya Kwaroso Nap inggem worasu-t nde, nir-e Mbal Pem Nagawan ilirak-net yili-o luk nenaru worali-o.

YURAS 1:17

Alat nde, nanggamirak kenabuwa worak wa-e. Nit Nenagawan Indo Yesus Kerisut-nen idnak wirik inpidnak nap-nen nanduk yak kindiga wene na-ge yebet yebet tak wolmer-o.