1 YOANES 4:21 - Nanduk Ngget Tul Pidnak Wene

²¹ Iri bem-e, Kerisut-nen ”Iri kwarer-o” luk yak nindidnak wene-ge yu-o: Ta-nen nde Mbal Pem Nagawan abuwa kasolar-e, at anggam na mondok abuwa-t kudtag-o.

1 YOANES 4:21 ပူးပေါင်းရင်းမြစ်များ

TEPAN OMBO-NEN KWARURAK WENE 19:18

Kit kwat kinpidnak pem onggo purak pug-o. Kinsilepma na ap enpem purak pug-o. Kit kondomok kenabuwa kali nggal kit na kit-net nabuwa kabuwa wolmer-o. An-e Nagawan Indo-nen yusu-o.

MATIUS 5:43

Nde ’Kat kanggamirak nde enabuwa kudtag-o. Nde, kat kimin sirid nap perak nde kisili rak unpurag-o’ luk yidnak wene yu-ge kir-e kulugwi nar-o.

LUKAS 10:37

Yosoloma-ge, imiri mbarak pidnak wene mul ondoso nap-nen yosolar-e: ”At abuwa kagaid nap irir-o” luk yosoloma-ge, Yesus-nen at yak tosolar-e: ”Iri ala-ge, at-nen kwarid iri nggal-et kat-nen na mburugundik, iri nggal-et kwari-o” luk yak tij-o.

YOANES 15:12

An-nen kenpem pusu wene-ge yu-o. An-nen kit kenabuwa kasu nggal, iri nggal kit na kit-net nabuwa kabuwa kagolat wolmer-o.

NGGALATIA 5:14

Nde, imiri mbarak pidnak wene oboksa-ge wene misiget nak arem worasu-o. Wene iri-nen yosolar-e: ”Kat kambik kabuwa kasu nggal, kat kimin woragwi nap enabuwa kasolat wolmin-o” luk yij-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

1 TESALONIKA 4:9

”Kennggamirak inmin nabuwa kabuwa wolmer-o” luk an-nen engga mbal kundurag-e lag-o. Mbal Pem Nagawan-nen ”Ap-nen nabuwa kabuwa yugwi-ge iri nggal-o” luk mirik kinpid naro-o.

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

1 PETERUS 4:8

Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.

1 YOANES 2:7

Nanggamirak kenabuwa worak wa-e. Imiri mbarak pidnak wene ngget nin mbal kundusu-ge lag-o. Are, nandug-et yak kindidnak wene, nanduk imiri mbarak pidnak wene na-t mbal kundusu-o. Wene iri-ge kit obi-net kuligep nar-o.

1 YOANES 3:11

Nanduk nandug-et kuligep wene-ge yu-o: Nit na nit-net mondok nabuwa kabuwa yogolat wolmomtag-o.

1 YOANES 3:14

Nde, nennggamirak enabuwa kali iri bem-nen nir-e wat yugwi elem keya buruk, nunlug-et wolmomtak elem tenaige-o luk nenaru yili-o. Ap enabuwa kaso buk nab-e wat yugwi elem arem iri na-t worasu-o.

1 YOANES 3:18

Nilirak wa-e. Nir-e ap enabuwa kagolar-e, we nenemnde bem nak-nen: ”An-e ap enabuwa kaso-o” luk yurag-e meya-o. Are, ndemeret ap enabuwa kagolar-e, nininggi-nen kwarugwi mende bem-net kudtag-o.

1 YOANES 3:23

Nde, at-nen: ”Irit kwarer-o” luk yidnag-e yu-o: At Ambara Yesus Kerisut unu bem nit ninndi angin tubu luk, Kerisut-nen yak nindid ndak ndag-et nabuwa kabuwa yogolat wolmomtag-o.

1 YOANES 4:11

Nanggamirak kenabuwa worak wa-e. Mbal Pem Nagawan-nen nit nenabuwa iri nggal kaidnak pem, nit na nit-net nabuwa kabuwa wolmomtag-o.