1 YOANES 4:2 - Nanduk Ngget Tul Pidnak Wene

² Mbal Pem Nagawan-nen idnak Konak Indi-nen yusu-o luk yu bem-nen yenggerak pugub-o. ”Yesus Kerisut iri-ge ki nap nggal luk lobok yij-o” luk yuwa nap pidsa-ge Mbal Pem Nagawan-nen idnak Konak Indi-ge at arem worasu-o luk yenggerak pugub-o.

1 YOANES 4:2 ပူးပေါင်းရင်းမြစ်များ

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

1 KORINTUS 12:3

Iri bem-e, an-nen wene yu-ge kwara kenaru rak peyeg-o. Konak Indi arem woraso nap-nen-e ap misiger-o luk tet-nen yosolar-e: ”Yesus iri-ge imbiri lamut mag-o!” luk yoso bug-o. Nde, ap misiger-o luk tet-nen yosolar-e: ”Yesus iri-ge Nagawan Indo-nen yusu-o” luk yoso iri-ge Konak Indi arem worasu iri bem nak-nen yoso-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

1 YOANES 1:2

Urug-et woraso iri-ge ap-nen kujwakluk nam tak posola-ge, nit-nen kaige-o. Iri bem-e, at owene iri yak kondogolat, Eid imin woraso pem-et urug-et woralik nalik wolmomtak elem nit ninmbiri bem nam tak pid iri na kenggel kondogolat yili-o.

1 YOANES 2:23

Ta-nen nde: ”Ambara na naru bug-o” yusu nab-e Eid na wok ubusu bug-o. Nde, ta-nen nde: ”Ambara iri-ge naru-o” yusu nab-e Eid na wok ubusu-o.

1 YOANES 4:15

”Yesus-e Mbal Pem Nagawan Ambara-nen yusu-o” luk para yuwa nab-e, Mbal Pem Nagawan-e iri yidnak nap na arem woralat, nde, at na Mbal Pem Nagawan arem worasu-o.

1 YOANES 4:3

Alat nde, ”Yesus Kerisut iri-ge ki nap nggal luk lobok yij-o” luk yusu buk nab-e Mbal Pem Nagawan-nen idnak Konak Indi-ge at arem worasu-ge lag-o. Nde, at arem-e Kerisut uwim nap indi worasu-o. Nde, iri yidnak indi lobok yuwa-o luk kuligep na-ge yawo nggweyak ma yu me wok yarik worasu-o.

1 YOANES 5:1

Ta-nen nde Yesus-e Kerisut-nen yusu-o luk ebem inndi angin tubu yili nab-e Mbal Pem Nagawan ilirak-nen yili-o. Nde, Eid abuwa kasu nab-e at ambara iri na-t abuwa kasu-o.

2 YOANES 1:7

Nde, ap onmbol pem lagwi nap kwarar-e yi wi ndi wi waring kali-o. Nde, it iri-nen yogolar-e: ”Yesus Kerisut iri-ge nggweyak ma nap nggal lobok yij-o” luk yili bug-o. Nde, iri yugwi nap iri-ge Kerisut uwim nap, ap onmbol pem lagwi-nen yili-o.