1 YOANES 4:16 - Nanduk Ngget Tul Pidnak Wene

¹⁶ Mbal Pem Nagawan-e nit nenabuwa kaso na-ge nir-e nenaru yogolat, ebem ninndi angin tubu yogolat yili-o. Mbal Pem Nagawan-e enabuwa kaso elem-nen yusu-o. Ta-nen nde ap erep enabuwa kererenak woraso ala-ge, ar-e Mbal Pem Nagawan arem woralat, nde, Mbal Pem Nagawan na at arem worasu-o.

1 YOANES 4:16 ပူးပေါင်းရင်းမြစ်များ

YESAYA 64:4

Mbal pem nagawan misik mbi-nen kat-nen kwaroso nggal ap ebem inndi mbung mbung tak woragwi nap yongga indidnak wene-ge ap erep-nen na kologolat, ap erep-nen na kagolat mbi mondok kwarigit lag-o.

YOANES 6:69

Mbal Pem Nagawan eram-nen lobok yidnak konak nab-e kat-net yusu-o nenaru luk, kat kebem ninndi angin tubu yili-o” luk yak tij-o.

YOANES 9:3

Yogolikma-ge, Yesus-nen yosolar-e: ”Ap yu min at eid ija min-nen meya yidnak pem kwarij-e lag-o. Are, Mbal Pem Nagawan amawi-ge ap yu ebem-nen nam tak posola, ap-nen kujwakluk-nen at erengen ngguru ndet yid irir-o.

1 KORINTUS 2:9

Alat nde, Mbal Pem Nagawan engga mbarak pem-nen yosolar-e: ”Ap enlengen-nen kagwi buk mende min eneyanggo-nen kulugwi buk mende min ap inndi-nen peragwi buk mende min iri perak nde Mbal Pem Nagawan-nen at abuwa kagwi nap enmanggim lid lud tak pamu-o” yij-o.

1 YOANES 3:1

Nineid-nen nit nenabuwa kwarat kaidnak pem ap-nen nit ninmin-e ”Mbal Pem Nagawan ilirag-o” luk yak nindili bem wir-o! Nde, nir-e ndemeret at ilirak-net yili-o. Iri bem-nen nggweyak ma nap-nen-e nit Nineid enaru buk woragwi me, nit na yenggerak ninpili bug-o.

1 YOANES 3:16

Ap enabuwa kagwi elem-e yu bem-nen nenaru yili-o: Kerisut-e nit nenmanggim at-net at iminep wisirik pij-o. Iri nggal-et nit-nen na nit nennggamirak enmanggim nit-net nit ninminep wisirik purag-o.

1 YOANES 3:24

Nde, Mbal Pem Nagawan-nen yidnak yidnak kwarusu nab-e ar-e Mbal Pem Nagawan arem-et worasu-o. Nde, Mbal Pem Nagawan na at arem worasu-o. Nde, Mbal Pem Nagawan-e nit nenarem worasu iri-ge at-nen wok nindidnak Konak Indi nenarem worasu iri bem-net nenaru yili-o.

1 YOANES 4:7

Nanggamirak kenabuwa worak wa-e, Enabuwa kagwi elem-e Mbal Pem Nagawan eram-nen lobok yusu me, nabuwa kabuwa yogolat wolmog-o. Enabuwa kagwi nab-e Mbal Pem Nagawan ilirak, Mbal Pem Nagawan enaru nap-nen yili-o.