1 YOANES 4:12 - Nanduk Ngget Tul Pidnak Wene

¹² Ap misiger-o luk tet Mbal Pem Nagawan mondok kagwi bug-o. Nde, Nit-nen nde nabuwa kabuwa yogola-ge, Mbal Pem Nagawan-e nit nenarem woralat, nit nenarem-e at-nen enabuwa kaso elem na-ge iminep mbarak irit wolma-o.

1 YOANES 4:12 ပူးပေါင်းရင်းမြစ်များ

NDAK WIRIDNAK WENE 32:30

Nde, Yakup-nen yosolar-e: ”An-e Mbal Pem Nagawan kagi-t nde, nurug-et worasu-o” yosoluk, o yig nggwisa sa iri na unu-ge Piniel irit yarij-o.

MBIRIGA WENE 33:20

Nde, an nerare-ge ap-nen kudtak na meya, nerare kaidnak nap-nen na uruk wolmomtak na meya-o. Iri ala karuk, kimbiri bem nerare nuk kamin pug-o.

WONARIDNAK WENE 12:8

Nde, an-nen imin wene mbarosolar-e, nentare mboma buruk, wene mbarogolat, nden karuk wene bem mbatli-ge lag-o. Are, nam-et nak wene mbarogolat, nebage min-et neyasu yu-t nde, kir-e noluk-nen kwiye lag-et an ndegel noboso nap Musa yu-ge obok pigeb-o?” luk yak indij-o. 12:9-16 Ayat ya arem-e Miriam na-nen Musa obok pidnak pem angin worak ebem pidnak wene mbarak worasu.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

1 KORINTUS 13:13

Nde, yawo-nen-e kenan yu worasu-o: Inndi angin tubu yugwi min inndi mbung mbung tak woragwi min ap enabuwa kagwi min worasu-t nde, ija lombog-e ap enabuwa kagwi irir-o.

1 TIMOTIUS 1:17

Woralik nalik yoso Nagawan, lak yoso buk Nagawan, ap-nen kagwi buk, misig-et nak woraso Mbal Pem Nagawan iri nak erembel wanogolat, unu kek tak pogolat pem-et woralik nalik mag-o. Amen.

1 TIMOTIUS 6:16

At arig-et nak wat yoso buk-nen yusu-o. Ap-nen panggosa eram wok yugwi buk yaya bem woraso-nen yusu-o. Ap misiger-o luk tet mondok eyagwi bug-o. Iri-nen na ap-nen at eyudtak na meya-o. At unu nak kek tak pugwi min at amawi min-e pem-et worasolat nasolat mag-o! Amen.

IBERANI 11:27

Nde, Musa na indi angin tubu yidnak pem-net Pirayon isilepma at ebem posola-t nde, kwiye lag-et Mesira wi keya buruk mbirij-o. Enlengen-nen kagwi buk Mbal Pem Nagawan iri-ge at-nen-e kaidnak nggal kwarosolar-e, at indi-n pidnak sa irit mboroso komo nak yij-o.

1 YOANES 2:5

Alat nde, Mbal Pem Nagawan-nen yidnak yidnak nak kwaroso nap perak nde, ar-e Mbal Pem Nagawan abuwa kaso-ge iminep mbarak irit worasu-o. Iri bem-nen nir-e Mbal Pem Nagawan imin kundik misiget worali-o luk nenaru yusu-o.

1 YOANES 3:24

Nde, Mbal Pem Nagawan-nen yidnak yidnak kwarusu nab-e ar-e Mbal Pem Nagawan arem-et worasu-o. Nde, Mbal Pem Nagawan na at arem worasu-o. Nde, Mbal Pem Nagawan-e nit nenarem worasu iri-ge at-nen wok nindidnak Konak Indi nenarem worasu iri bem-net nenaru yili-o.

1 YOANES 4:16

Mbal Pem Nagawan-e nit nenabuwa kaso na-ge nir-e nenaru yogolat, ebem ninndi angin tubu yogolat yili-o. Mbal Pem Nagawan-e enabuwa kaso elem-nen yusu-o. Ta-nen nde ap erep enabuwa kererenak woraso ala-ge, ar-e Mbal Pem Nagawan arem woralat, nde, Mbal Pem Nagawan na at arem worasu-o.

1 YOANES 4:20

Nde, ap misik-nen-e: ”An-e Mbal Pem Nagawan abuwa kaso-o” luk yosolar-et nde, at anggam mbi isili rak poso ala-ge, iri yoso nab-e enesiget wene yoso-nen yusu-o. At anggam na at erengen-nen nam kaso-net nde, abuwa kaso buk-nen-e at erengen-nen kaso buk Mbal Pem Nagawan na abuwa kujwa bug-er-o.

1 YOANES 4:6

Alat nde, nir-e Mbal Pem Nagawan ilirak-nen yili-o. Mbal Pem Nagawan enaru nap-nen-e nit nenne kulili-o. Nde, Mbal Pem Nagawan ilirak kwat yigit lak nap-nen-e nit nenne kulili bug-o. Iri kwatli iri bem-nen ndemeret Konak Indi min kabak tak onposo indi min-e yenggerak pili-o.