1 YOANES 4:1 - Nanduk Ngget Tul Pidnak Wene

¹ Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.

1 YOANES 4:1 ပူးပေါင်းရင်းမြစ်များ

YEREMIA 14:14

Yosolakmu, Nagawan Indo-nen onggo yosolar-e: ”It iri-ge an-nen yidnak nggal kwasa enesiget yili-o. It iri-ge an-nen na wirik inpigit lak, ’Iri nggal yurag-o’ luk enpem na pigit lak, inmin na wene yigit lag-er-o. It-nen nabi nggal pem kaidnak kiringgili ereba-ge an-nen mirik inpidnag-e lag-o. ’Iri nggal kwat ma-o’ luk yili ereba-ge it ondomok inndi-nen yebet kaidnak ebe lak ereba na yili-o.

YEREMIA 23:16

Nagawan Indo Mondok Amawi Worak iri na-nen Yerusalem woragwi nap yak ondosolar-e: ”Kir-e an nene lomboksa yugwi nap nggal kwasa-nen ebe lak wene yak kindili ereba-ge mondok kulurak pug-o. It-nen yak kondogolat worali ereba-ge an-nen yak indidnak wene-ge lag-o. It ondomok inndi-nen yebet kaidnak ereba na-t mbela yak kondogolat worali-o.

MARAKUS 13:21

Iri tarem ap-nen kit yak kondogolar-e: ’Kerisut-e yu-o. Kerisut-e iri-o’ luk yak kondogola-ge, ndemerer-o luk yebet kudtak pug-o.

LUKAS 12:57

Yuruk, Yesus-nen yosolar-e: ”Noluk-nen kir-e: ’Ndungtak kwarurak mende-ge yur-o’ luk kondomok-nen wat tak pili bug-o?

LUKAS 21:8

Yogolikma-ge, Yesus-nen yosolar-e: ”Kit konmbol pem lujwa naru, kwil kwalsa wolmer-o. Nde, an nggal kwasa ap kwarat lobok yogolat-nen yogolar-e: ’Kerisut na an-er-o’ yogolar-e: ’Iri kwat ma tarem-e panggo yij-o’ luk yil lobok yuwa-t nde, kit-nen iri yuwa nap enne mondok kulurak pug-o.

YIDNAK YIDNAK WENE 17:11

O iri me woragwi Yawuri nap iri-ge it Tesalonika woragwi Yawuri nap nggal-e lag-o. Inndi konak irit woragolar-e, aid wene-ge enalen min-et wanogolat, iri yili wene-ge ndemeret wene, lak? luk enaru moklug-e, Mbal Pem Nagawan Engga-ge pempa mbenarogolat woraiga-o.

YIDNAK YIDNAK WENE 20:29

Nde, an-e naru-o. An mburumu nimbirig-e, isilepma worak ndakngge-nen kit kennggendumu ngguwasolar-e, lomba wam ndok worak iri mondok keya buwa-ge lag-o.

1 KORINTUS 12:10

Konak Indi-nen wok ondosolar-e, ap misig-e kwiye worak mende kwarurak amawi wok tosolat, nin nab-e Mbal Pem Nagawan-nen yidnak wene lomboksa yurak amawi wok tosolat, nin nap mbi-ge Konak Indi-nen idnak we wok ondoso mende min Konak Indi-nen wok indigit lak mende min mbenatluk yenggerak purak amawi wok tosolat yusu-o. Ap misik wok tosolar-e, nin wene nan wene bem yurak amawi wok tosolat, ap mbi-ge nin wene nan wene bem yidnak iri na nden yaga ndomoksa-t yurak amawi wok tosolat yusu-o.

1 KORINTUS 14:29

Mberen nap-nen ala na, kenan nap-ne ala na, Mbal Pem Nagawan-nen yidnak wene yogola-ge, it erep-nen-e it-nen yidnak wene iri-ge yebet kagolat wolmag-o.

1 TESALONIKA 5:20

Konak Indi-nen yi wene ndi wene yak kindidnak iri-ge te rak purak pug-o.

1 TESALONIKA 5:21

Yi mende ndi mende oboksa kwara lombot puruk-net konak mende ala, puksa tena wolmer-o.

2 TESALONIKA 2:2

Ap-nen yogolar-e: ”Lag-o. Nagawan Indo lobok yurak Tarem irit kwat agaij-o” luk yogola na, kirimbi yogola na, ”Irit yamu-o” luk nit-nen mbaridnak engga nggal yak kondogola na, kulurug-e, kir-e ndag-et nak wendet luk, kinndi pok yurak pug-o.

1 TIMOTIUS 4:1

Konak Indi-nen mondok nam-et yosolar-e: ”Abok woragolar-e, ap ereb-e inndi angin tubu yidnak keya buruk, ap kabak tak unpugwi inndi langgal luk mborogolat, kugi-nen mul ondoso wene na langgal luk mborogolat yuwa-o” luk yij-o.

2 TIMOTIUS 3:13

Nde, meya yugwi nap min ap onmbol pem lagwi nap min-e meya kwarat ebem lud lud kwarogolar-e, ap onmbol pem lali-t nde, it na enambik onmbol pem lali-o.

2 PETERUS 2:1

Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

1 YOANES 2:18

Nilirak wa-e. Woroksiyem-e panggo yij-o! ”Kerisut imin sirid nab-e lobok yuwa-o” luk yak kindiga na-ge yawo-ge Kerisut imin sirid nab-e kwarat men yigarik me, iri bem-nen worok tak purak tarem panggo yusu-o luk nenaru yili-o.

1 YOANES 2:7

Nanggamirak kenabuwa worak wa-e. Imiri mbarak pidnak wene ngget nin mbal kundusu-ge lag-o. Are, nandug-et yak kindidnak wene, nanduk imiri mbarak pidnak wene na-t mbal kundusu-o. Wene iri-ge kit obi-net kuligep nar-o.

2 YOANES 1:7

Nde, ap onmbol pem lagwi nap kwarar-e yi wi ndi wi waring kali-o. Nde, it iri-nen yogolar-e: ”Yesus Kerisut iri-ge nggweyak ma nap nggal lobok yij-o” luk yili bug-o. Nde, iri yugwi nap iri-ge Kerisut uwim nap, ap onmbol pem lagwi-nen yili-o.

3 YOANES 1:11

Nanggam nindi kundik wa-e. Meya kwarugwi na kat-nen nde mul mul meya kwarurak pug-o. Are, konak nak kwarugwi irit nde mul mul kwarurag-o. Konak nak kwarugwi nab-e Mbal Pem Nagawan ilirak-nen yili-o. Nde, meya nak kwarugwi nab-e Mbal Pem Nagawan kagwi buk nap-net yili-o.

NAM PARA WENE 2:2

Kit-nen kwarugwi min kit-nen kenmawi min yabu wanugwi min kit-nen mamak puruk woragwi min iri-ge an-e naru-o. Kit-nen meya yugwi nap kinsili rak inpili min, ap-nen yogolar-e: ’Nir-e wirik ninpidnak nap-nen yili-o’ luk yogola-t nde, kit-nen lombot unpuruk, ennesiget yugwi nab-er-o luk yenggerak inpili min iri na an-e naru-o.