1 YOANES 3:6 - Nanduk Ngget Tul Pidnak Wene

⁶ Iri bem-e, Kerisut arem worali nab-e meya kwat tenak worali bug-o. Nde, meya nak kwat tenak worali nab-e Kerisut na eyagit lak, enaru bug-et worali-o.

1 YOANES 3:6 ပူးပေါင်းရင်းမြစ်များ

2 KORINTUS 3:18

Iri ala-ge, nit oboksa sum nentare bem na wabidnak me, papalo pem kaidnak nggal Nagawan Indo abinal iri-ge nit nentare bem worasu-o. Iri ala-ge, Nagawan Indo Indi na-nen nin tak nonposolar-e, at abage nggal tak nonposola-ge, abinal iri na nggok nggok mburusu-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

1 YOANES 2:28

Nde, nilirak wa-e. Kerisut lobok yuwa tarem-e ninggiri min lak, mondok kwiye lag-et at eram wok yuwok-nen Kerisut imin kundik irit wolmer-o.

1 YOANES 2:3

Nde, nit nde Mbal Pem Nagawan-nen imiri mbarak pidnak wene-nen yidnak yidnak nak kwarogolar-e, iri bem-net nir-e ndemeret at nenaru yili-o luk yenggerak pili-o.

1 YOANES 2:4

Nde, ap misik-nen nde: ”Mbal Pem Nagawan-e an naru-o” luk yosolar-et nde, at-nen yidnak yidnak kwarigit lak yosolar-e, iri yusu nab-e enesiget wene yoso-nen yusu-o. At iri na arem-e ndemeret wene-ge mondok lag-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.

1 YOANES 3:9

Mbal Pem Nagawan ambara kwat yidnak nab-e at arem-e Mbal Pem Nagawan abage-t worasu me, meya kwat tenak worasu bug-o. Nde, Mbal Pem Nagawan iri-ge at Eid me, at-nen-e meya kwat tenak wolmomtag-e meya-o.

1 YOANES 4:8

Mbal Pem Nagawan-e enabuwa kagwi elem-nen yusu me, enabuwa kaso buk nab-e Mbal Pem Nagawan aru buk nap-nen yusu-o.

1 YOANES 5:18

Mbal Pem Nagawan ilirag-e Mbal Pem Nagawan Ambara-nen nggitlik unpuruk woraso me, meya kwat tenak worali bug-o luk nenaru-o. Nde, Meya Kwaroso Nap-nen na yi lik ndi lik kwat unpuwa bug-o.

3 YOANES 1:11

Nanggam nindi kundik wa-e. Meya kwarugwi na kat-nen nde mul mul meya kwarurak pug-o. Are, konak nak kwarugwi irit nde mul mul kwarurag-o. Konak nak kwarugwi nab-e Mbal Pem Nagawan ilirak-nen yili-o. Nde, meya nak kwarugwi nab-e Mbal Pem Nagawan kagwi buk nap-net yili-o.