1 YOANES 3:23 - Nanduk Ngget Tul Pidnak Wene

²³ Nde, at-nen: ”Irit kwarer-o” luk yidnag-e yu-o: At Ambara Yesus Kerisut unu bem nit ninndi angin tubu luk, Kerisut-nen yak nindid ndak ndag-et nabuwa kabuwa yogolat wolmomtag-o.

1 YOANES 3:23 ပူးပေါင်းရင်းမြစ်များ

NDAWI ENGGA 2:12

Nagawan Indo isilepma-ge mimo yoso me, Nagawan Indo isilepma yosolat ereya na-net lak tak kunpuwa naru, kwiye min-et Nagawan Indo eram tebe yer-o. Nde, Nagawan Indo indipma worali nab-e mondok enalen kagolat wolmag-o.

MATIUS 22:39

Nde, imiri mbarak pidnak wene iri min ndak ndak wene nggok misig-e: ’Kat kambik kabuwa kasu nggal, kat kimin woragwi nap na enabuwa ki-o.’

MARAKUS 9:7

Yosoloma-ge, nggan nggan mbi-nen it muruksa keya onposoloma-ge, nggan nggan arem-nen ene mbi-nen yosolar-e: ”Yu-ge an Nambara nindi kundik-nen yusu-o. At ene nak koler-o” luk yosola kuliga-o.

YOANES 1:12

Alat nde, ap erep-nen-e at wok uburuk, at ebem inndi angin tubu yiga nab-e Mbal Pem Nagawan ilirak kwat momtak amawi wok indij-o.

YOANES 13:34

An-nen-e imiri mbarak pidnak wene ngget yu wok kundusu-o: Nabuwa kabuwa nak kagolat wolmer-o. An-nen kit kenabuwa kaso nggal kit-nen na nabuwa kabuwa irit kagolat wolmer-o.

YOANES 14:1

Yuruk, Yesus-nen yosolar-e: ”Kit kinndi kabak yili-ge meyog-o. Kinndi-ge Mbal Pem Nagawan ebem angin tubu yogolar-e, an nebem na kinndi angin tubu yer-o.

YOANES 15:12

An-nen kenpem pusu wene-ge yu-o. An-nen kit kenabuwa kasu nggal, iri nggal kit na kit-net nabuwa kabuwa kagolat wolmer-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 2:23

Nde, O Anggul Pandok Mbiridnak tarem iri na yebet kagolat Yesus na Yerusalem worasola-ge, Yesus-nen kwiye worak mende kwarosola karug-e, ap kwarat-nen at ebem inndi angin tubu yiga-o.

YOANES 3:18

Ambara an nebem inndi angin tubu yuwa nap na enpem-e lak tak unpurak wene mbaruwa bug-o. Nde, inndi angin tubu yigit lak nab-e Mbal Pem Nagawan Ambara misiget nderak an nebem inndi angin tubu yigit lak me, it enpem-e lak tak unpurak wene-ge mondok mbarak puruk worasu-o.

YOANES 6:29

Yogolikma-ge, Yesus-nen it yak ondosolar-e: ”Mbal Pem Nagawan indi-n kit-nen kwaruwag-o luk perasu-ge yu-o: At-nen wirik nibil lobok yidnak nap an nebem nak kinndi angin tubu yer-o” luk yak indij-o.

YIDNAK YIDNAK WENE 16:31

Yosoloma-ge, it-nen at yak togolar-e: ”Kat kindi Nagawan Indo Yesus ebem angin tubu yosola-ge, kat min kat kama woragwi nap min kinmiri yaga wok kunduwa-o” luk yiga-o.

EPESUS 5:2

Kerisut na-ge nit nenabuwa kagaid nggal, iri nggal kir-e ap enabuwa kagwi elem pem-et waring kagolat wolmer-o. Kerisut-e nit nenabuwa kasolar-e, nit nenmanggim at-nen at ondomok indi wisirik posolar-e, Mbal Pem Nagawan indi alen tak poso emben konak mende nggal luk, at eyabi Mbal Pem Nagawan amanggim pij-o.

1 TESALONIKA 4:9

”Kennggamirak inmin nabuwa kabuwa wolmer-o” luk an-nen engga mbal kundurag-e lag-o. Mbal Pem Nagawan-nen ”Ap-nen nabuwa kabuwa yugwi-ge iri nggal-o” luk mirik kinpid naro-o.

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 4:8

Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.

1 YOANES 2:7

Nanggamirak kenabuwa worak wa-e. Imiri mbarak pidnak wene ngget nin mbal kundusu-ge lag-o. Are, nandug-et yak kindidnak wene, nanduk imiri mbarak pidnak wene na-t mbal kundusu-o. Wene iri-ge kit obi-net kuligep nar-o.

1 YOANES 3:11

Nanduk nandug-et kuligep wene-ge yu-o: Nit na nit-net mondok nabuwa kabuwa yogolat wolmomtag-o.

1 YOANES 4:15

”Yesus-e Mbal Pem Nagawan Ambara-nen yusu-o” luk para yuwa nab-e, Mbal Pem Nagawan-e iri yidnak nap na arem woralat, nde, at na Mbal Pem Nagawan arem worasu-o.

1 YOANES 4:21

Iri bem-e, Kerisut-nen ”Iri kwarer-o” luk yak nindidnak wene-ge yu-o: Ta-nen nde Mbal Pem Nagawan abuwa kasolar-e, at anggam na mondok abuwa-t kudtag-o.

1 YOANES 5:13

Mbal Pem Nagawan Ambara unu bem kinndi angin tubu yigep napnen-e nir-e nunlug-et woralik nalik momtak elem irit winde yige-o luk kenaru yobokluk-nen engga yu mbal kundusu-o.