1 YOANES 3:21 - Nanduk Ngget Tul Pidnak Wene

²¹ Nanggamirak kenabuwa worak wa-e. Nit nondomok ninndi-nen meya-t kwarigen-o luk yak nindigit lak ala-ge, nir-e Mbal Pem Nagawan eram kwiye lag-et wok yurag-e ndak-nen yusu-o.

1 YOANES 3:21 ပူးပေါင်းရင်းမြစ်များ

NDAWI ENGGA 101:2

An-e nebage meya kwaroso buk irit woramin-o. Kar-e mepme-nen an neram lobok yugun-o? An-e meya kwarigit lak nama irit woramin-o.

OROMA 14:22

Kat-nen konag-o luk peraso mende iri-ge kat kondomok kamanggim Mbal Pem Nagawan imbiri bem nak kwarosolat wolmin-o. Nde, at-nen konag-et kwarusu-o luk kwaridnak pem at na at ondomok ebem wene mbaroso buk nab-e alen min-et worasu-o.

1 KORINTUS 4:4

An-nen meya yidnak mbi nindi-nen yebet kasu bug-o. Alat nde, iri kwarusu iri bem-nen an lud tak nubusu bug-o. An nebem wene mbaruwa nab-e Nagawan Indo-net yusu-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

EPESUS 3:12

At ebem-nen nir-e Mbal Pem Nagawan eram nggogolar-e, at ebem ninndi angin tubu yidnak pem kwiye lag-et ninndi embem min-et nggwili-o.

1 TIMOTIUS 2:8

Ap-nen tepan nin me nan me-nen yogolar-e, insilepma na lak, yuk puk na lak woragolat, ininggi marak irit ligik puruk-nen tepan yurak iri-ge an nindingen-o.

IBERANI 10:22

Iri bem-e, nit-nen Mbal Pem Nagawan eram panggosa mborogolar-e, ninndi mot mot tak puruk, ninndi ndemeret kwara angin tubu luk, meya yebet kagwi na mbek tak ninpidnak pem-net, kop kap lak yi bem nenpe mat ninpidnak pem-net panggosa mburuwog-o.

IBERANI 4:16

Iri bem-e, Mbal Pem Nagawan indi op koreyak worasu sa at eram wok yogolar-e, ninndi kwiye lag-et wok yuwog-o. Nit nenabuwa kasolat, nit ninndi kabak yidnak tarem-nen we irit yongga nunduwakluk wok yuwog-o.

1 YOANES 2:28

Nde, nilirak wa-e. Kerisut lobok yuwa tarem-e ninggiri min lak, mondok kwiye lag-et at eram wok yuwok-nen Kerisut imin kundik irit wolmer-o.

1 YOANES 2:7

Nanggamirak kenabuwa worak wa-e. Imiri mbarak pidnak wene ngget nin mbal kundusu-ge lag-o. Are, nandug-et yak kindidnak wene, nanduk imiri mbarak pidnak wene na-t mbal kundusu-o. Wene iri-ge kit obi-net kuligep nar-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.

1 YOANES 3:20

Nde, nit nondomok ninndi-nen meya-t kwarigen-o luk yak nondosola-ge, nit ”ninndi-nen” yebet kagwi iri-ge te-nen yuso-o. Alat nde, Mbal Pem Nagawan-e mondok terak minik nggok me, yi mende ndi mende pidsa aru-o luk nenaru yili-o.

1 YOANES 4:17

Nir-e nggweyak ma yu me woragolar-et nde, Kerisut abage nggal worali me, nit nenpem wene mbarurak tarem wok yosola, kwiye lag-et wolmakluk, iri bem-nen enabuwa kagwi elem na nit nenarem iminep mbal yusu-o.

1 YOANES 5:14

Nit-nen nde at indi-n pidnak ndak ndag-et at ebem yi mende ndi mende nggi yak togola-ge, nenne koloso me, nir-e kwiye lag-et Mbal Pem Nagawan eram mbitli-o.