1 YOANES 3:20 - Nanduk Ngget Tul Pidnak Wene

²⁰ Nde, nit nondomok ninndi-nen meya-t kwarigen-o luk yak nondosola-ge, nit ”ninndi-nen” yebet kagwi iri-ge te-nen yuso-o. Alat nde, Mbal Pem Nagawan-e mondok terak minik nggok me, yi mende ndi mende pidsa aru-o luk nenaru yili-o.

1 YOANES 3:20 ပူးပေါင်းရင်းမြစ်များ

NDAWI ENGGA 90:8

Kat-nen-e nit-nen lugud tak kwarugwi ereba na waga nam tak posolat keram pusu-o. Nit-nen meya kwarugwi-ge kura ma-t nde, kat kerengen pem-e nam nak kasu-o.

YEREMIA 23:24

An-e nin me nan me mbal pem-nen na irit, nggweyak pem-nen na irit, oboksa worala me, an nerengen pem-e ap misiger-o luk mbi-nen kurak yurag-e mondok meya-nen yusu-o.

YOANES 21:17

Yak turuk, kenan pem tak posolat Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tij-o. Nde, Yesus-nen kenan pem-et: ”Kar-e an nabuwa kasu, lak?” luk yak tosola karuk, at Peterus na indi puru luk-nen Yesus yak tosolar-e: ”Nagawan Indo wa-e. Kar-e pidsa karu me, an-nen kat kabuwa kaso iri-ge kat karu irir-o!” luk yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o.

YOANES 8:9

Wene na yak ondosoloma kulurug-e, it yu na mborogolar-e, inndi worak nanduk-nen nggigi nggigi, pidsa mbiriga-o. Alama-ge, Yesus min kwe mendak na min enaruk keya inpiga-o.

YIDNAK YIDNAK WENE 5:33

Yogola kulurug-e, it na ebem lud insilepma lug-e, it wirik inpidnak nap yu na unduwokluk yiga-o.

OROMA 8:34

ta-nen nenpem wene mbaruwa-o? Kerisut Yesus na wat yij-et nde, uruk tak pamu, Mbal Pem Nagawan inggi kigit nggwe woralar-e, nit nenmanggim Mbal Pem Nagawan emengen mbal tenak worasu-o.

1 KORINTUS 4:4

An-nen meya yidnak mbi nindi-nen yebet kasu bug-o. Alat nde, iri kwarusu iri bem-nen an lud tak nubusu bug-o. An nebem wene mbaruwa nab-e Nagawan Indo-net yusu-o.

TITUS 3:11

Iri kwaroso nap iri-ge lugud tak nggwe mburusu-o luk karu nar-o. At meya yidnak iri-nen ndowaga at ondomok are pusu-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.

IBERANI 6:13

Nde, Mbal Pem Nagawan-nen Abaram urul paga yak tosolar-e, owak mbarosolat-nen urul pid irir-o. Nde, Mbal Pem Nagawan ombol pem kek tak terak minik misig-e mondok lak me, at ondomok unu bem-et owak mbarosolat-nen yak tosolar-e:

1 YOANES 3:19

Yu nggal kwasa nir-e Mbal Pem Nagawan ilirak kwat yili-o luk nenaru yogolar-e, Mbal Pem Nagawan eram ninndi yamuk yili-o.

1 YOANES 3:21

Nanggamirak kenabuwa worak wa-e. Nit nondomok ninndi-nen meya-t kwarigen-o luk yak nindigit lak ala-ge, nir-e Mbal Pem Nagawan eram kwiye lag-et wok yurag-e ndak-nen yusu-o.

1 YOANES 4:4

Alat nde, nilirak wa-e. Kir-e Mbal Pem Nagawan ilirak me, enesiget Mbal Pem Nagawan ene lomboksa yugwi nap iri-ge kit-nen urugwe nggwe rak inpigeb-o. Nggweyak ma nap enarem worasu indi iri-ge ndeyak-nen yusu-t nde, kit kenarem worasu Konak Indi-ge amawi worak terak minik-nen yusu-o.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.