1 YOANES 3:19 - Nanduk Ngget Tul Pidnak Wene

¹⁹ Yu nggal kwasa nir-e Mbal Pem Nagawan ilirak kwat yili-o luk nenaru yogolar-e, Mbal Pem Nagawan eram ninndi yamuk yili-o.

1 YOANES 3:19 ပူးပေါင်းရင်းမြစ်များ

YESAYA 32:17

Ap enambiktak lombok-nen ndemeret lud tak, mot mot nak kwat tenak woragola-ge, pem irit yamuksa enalen pem nak irit woralik nalik wolma-o.

YOANES 13:35

Kit-nen-e nabuwa kabuwa nak kagola-ge, ap pidsa-nen-e kir-e an nowosirak-nen yili-o luk yenggerak kiniyujwa-o” luk yij-o.

YOANES 18:37

Yosoloma-ge, Pilatus-nen at kin wok obosolar-e: ”Iri ala-ge, kar-e nagawan–nen yusu, lak?” yosoloma. Yesus-nen yosolar-e: ”Kat-nen yigen irir-o. Nde, an nggweyak ma yu me lobok yigirik, ndet yigi yu-ge, ndemeret wene-ge irir-o luk kenggereyekluk-net lobok yigi-o. Nde, ndemeret wene imin kundik nap-nen-e an-nen yidnak wene irit kulili-o” luk yij-o.

OROMA 4:21

”Mbal Pem Nagawan-nen urul paga yak niridnak iri-ge at amawi kwarat me, kwar-et ma-o” luk at indi mondok wat tak irit woragaij-o.

OROMA 8:38

Nde, Yesus nenabuwa kaso iri na arem-nen kuri worak nunpurak mende-ge mondok lag-o. Wat yugwi mende-nen na, unluk woragwi mende-nen na, aid nap-nen na, teram woraso amawi-nen na, yawo worasu mende-nen na, abok wok ma mende-nen na,

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

IBERANI 10:22

Iri bem-e, nit-nen Mbal Pem Nagawan eram panggosa mborogolar-e, ninndi mot mot tak puruk, ninndi ndemeret kwara angin tubu luk, meya yebet kagwi na mbek tak ninpidnak pem-net, kop kap lak yi bem nenpe mat ninpidnak pem-net panggosa mburuwog-o.

IBERANI 11:13

Nde, it ap iri oboksa-ge inndi angin tubu yogolat-net wat yikma-o. Nde, Mbal Pem Nagawan-nen urul paga yak indidnak iri-ge ir-e wanigit lag-et nde, wanurak mende iri-ge erepma-nen yik karuk, iri-net yusu-o luk, enalen kagolat woraiga-o. Iri bem-nen it-nen nam-et yogolar-e: ”Nir-e nggweyak ma yu me worali yu-ge ap sal, luru lobok yidnak irit worali-o” luk yiga-o.

1 YOANES 1:8

Nit-nen nde: ”Nit meya yugwi bug-o” luk yogolar-e, nenambikpebe nonmbol pem lali-o. Nde, ndemeret wene-ge nit nenarem-e mondok lag-o.

1 YOANES 2:21

Iri ala-ge, kir-e ndemeret wene kenaru buk ala, engga yu mbal kundusu-ge lag-o. Are, ndemeret yoso Mbal Pem Nagawan iri-ge mondok enesiget yoso bug-o kenaru yili iri bem-nen engga yu mbal kundusu-o.

1 YOANES 3:14

Nde, nennggamirak enabuwa kali iri bem-nen nir-e wat yugwi elem keya buruk, nunlug-et wolmomtak elem tenaige-o luk nenaru yili-o. Ap enabuwa kaso buk nab-e wat yugwi elem arem iri na-t worasu-o.

1 YOANES 3:20

Nde, nit nondomok ninndi-nen meya-t kwarigen-o luk yak nondosola-ge, nit ”ninndi-nen” yebet kagwi iri-ge te-nen yuso-o. Alat nde, Mbal Pem Nagawan-e mondok terak minik nggok me, yi mende ndi mende pidsa aru-o luk nenaru yili-o.

1 YOANES 3:21

Nanggamirak kenabuwa worak wa-e. Nit nondomok ninndi-nen meya-t kwarigen-o luk yak nindigit lak ala-ge, nir-e Mbal Pem Nagawan eram kwiye lag-et wok yurag-e ndak-nen yusu-o.