1 YOANES 3:17 - Nanduk Ngget Tul Pidnak Wene

¹⁷ Ap misik isilobulo kwarat worala-t nde, at anggam arengge lak me, indi kabak worala karug-et nde, at anggam yongga wirigit lak alar-e, iri yoso nab-e nggesa-nen ”An-e Mbal Pem Nagawan abuwa kasu-o” luk yuwa-o?

1 YOANES 3:17 ပူးပေါင်းရင်းမြစ်များ

LUKAS 3:11

Yogolikma-ge, Yoanes-nen it yak ondosolar-e: ”Sum mberen worak nap-nen-e misig-e sum lak nap wok tosolat, nunggwi mende worak nap-nen na iri nggal-et kwasa tumbururag-o” luk yij-o.

2 KORINTUS 8:9

Nit Nagawan Indo Yesus Kerisut-nen we wok ondoso elem iri-ge kir-e kenaru nar-o: At isilobulo kwarat worag-et nde, kit kenmanggim-nen isilobulo lak nap agaij-o. Iri agaid iri-ge at isilobulo lak yidnak pem-nen kit kinsilobulo kwarat winde rak kenpeyekluk-nen iri yij-o.

IBERANI 13:16

Nde, kir-e konak nak kwarogolat, yongga yongga wolmomtak iri-ge meme rak purak pug-o. Iri kwarugwi iri-ge, Mbal Pem Nagawan alen tak pogolat, amanggim wam wosa pugwi nggal-nen yusu-o.

YAKOBUS 2:15

Kit kennggamirak ap ala na, kwami ala na, yururak sum min it norak nunggwi mende min lag-et woragola-t nde,

YAKOBUS 2:16

kit misik-nen it yak ondogolar-e: ”Embem sum ob-et yiri-o. Nde, nunggwi mende na ob-et min-o” luk yak ondogolar-et nde, it-nen ukwe peraidnak mende wok indigit lak ala-ge, iri-ge no manggim yak undurag-o?

1 YOANES 4:20

Nde, ap misik-nen-e: ”An-e Mbal Pem Nagawan abuwa kaso-o” luk yosolar-et nde, at anggam mbi isili rak poso ala-ge, iri yoso nab-e enesiget wene yoso-nen yusu-o. At anggam na at erengen-nen nam kaso-net nde, abuwa kaso buk-nen-e at erengen-nen kaso buk Mbal Pem Nagawan na abuwa kujwa bug-er-o.

1 YOANES 5:1

Ta-nen nde Yesus-e Kerisut-nen yusu-o luk ebem inndi angin tubu yili nab-e Mbal Pem Nagawan ilirak-nen yili-o. Nde, Eid abuwa kasu nab-e at ambara iri na-t abuwa kasu-o.