1 YOANES 3:14 - Nanduk Ngget Tul Pidnak Wene

¹⁴ Nde, nennggamirak enabuwa kali iri bem-nen nir-e wat yugwi elem keya buruk, nunlug-et wolmomtak elem tenaige-o luk nenaru yili-o. Ap enabuwa kaso buk nab-e wat yugwi elem arem iri na-t worasu-o.

1 YOANES 3:14 ပူးပေါင်းရင်းမြစ်များ

NDAWI ENGGA 16:3

Ap marak o yu me worali-ge an-e kek tak unpusu-o. An-e it inmin lambuksa wolmomtak irit nindingen perasu-o.

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

LUKAS 15:24

An nambara yu-ge wat yidnag-et nde, uruk luk lobok yij-o. Pul agaij-et nde, nam yij-o’ luk yosoloma-ge, it na kijik kijak wiriga-o.

LUKAS 15:32

Alat nde, kat kowot iri-ge wat yidnag-et nde, uruk luk, pul yidnag-et nde, wok yid pem-e nit-nen ijok kerengge sakolat, kijik kijak worogolat yili yu-ge ob-et yili-o’ luk yak tij-o.”

LUKAS 7:5

At iri-ge nit nenlem nap nenabuwa kasolat, nit tepan yugwi wi misig-e at nak-nen worak nonposolat yidnak nap ala-n yige-o” luk yiga-o.

YOANES 13:35

Kit-nen-e nabuwa kabuwa nak kagola-ge, ap pidsa-nen-e kir-e an nowosirak-nen yili-o luk yenggerak kiniyujwa-o” luk yij-o.

YOANES 15:12

An-nen kenpem pusu wene-ge yu-o. An-nen kit kenabuwa kasu nggal, iri nggal kit na kit-net nabuwa kabuwa kagolat wolmer-o.

YOANES 15:17

An-nen kenpem pusu wene-ge yu-o: ’Nabuwa kabuwa nak kagolat wolmer-o’ luk yak kundusu-o.

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

2 KORINTUS 5:1

Wene yu-ge nenaru-o. Nit nggweyak ma yu me luru woragwi nunuwi na mijarak pogola-ge, Mbal Pem Nagawan-nen nit nenmanggim wiridnak uwi mbi aid arem worasu-o. Nde, o iri-ge ininggi-nen wiridnak wi-ge lag-o. Are, woralik nalik wolmomtak wi irit worasu-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

EPESUS 1:15

Iri bem-e, kit kinndi-ge Nagawan Indo Yesus ebem angin tubu yidnak wene min Mbal Pem Nagawan winde nap oboksa enabuwa kali wene min kulurug-e,

EPESUS 2:1

Nanduk kir-e wene kuruk tidnak pem-nen na, meya yidnak pem-nen na, wat yidnag-et woraigeb-o.

EPESUS 2:5

nir-e at ene kuruk tidnak pem-nen ninndi wat yidnak woraige-t nde, Kerisut uruk tak pid tarem-e Kerisut imin nit na nunluk tak pij-o. Mbal Pem Nagawan-nen we wok ondoso elem pem-net kir-e kinmiri yij-o.

KOLOSE 1:4

Iri yili iri-ge, Kerisut Yesus ebem kit kinndi angin tubu yigep wene min marak nap oboksa enabuwa kali wene min kuluruk-nen yili-o.

1 TESALONIKA 4:9

”Kennggamirak inmin nabuwa kabuwa wolmer-o” luk an-nen engga mbal kundurag-e lag-o. Mbal Pem Nagawan-nen ”Ap-nen nabuwa kabuwa yugwi-ge iri nggal-o” luk mirik kinpid naro-o.

IBERANI 13:1

Kerisut ebem-nen nanggam kanggam woragolat nabuwa kabuwa yugwi iri-ge puksa tena wolmer-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

2 PETERUS 1:7

Nde, Mbal Pem Nagawan-nen kwaroso nggal kwarugwi na lombok tak pogolar-e, konowe konowosi enabuwa kagwi na lambuksa waner-o. Nde, konowe konowosi enabuwa kagwi na min lombok tak pogolar-e, ap pidsa enabuwa kagwi elem lambuksa waner-o.

1 YOANES 2:3

Nde, nit nde Mbal Pem Nagawan-nen imiri mbarak pidnak wene-nen yidnak yidnak nak kwarogolar-e, iri bem-net nir-e ndemeret at nenaru yili-o luk yenggerak pili-o.

1 YOANES 3:23

Nde, at-nen: ”Irit kwarer-o” luk yidnag-e yu-o: At Ambara Yesus Kerisut unu bem nit ninndi angin tubu luk, Kerisut-nen yak nindid ndak ndag-et nabuwa kabuwa yogolat wolmomtag-o.

1 YOANES 4:12

Ap misiger-o luk tet Mbal Pem Nagawan mondok kagwi bug-o. Nde, Nit-nen nde nabuwa kabuwa yogola-ge, Mbal Pem Nagawan-e nit nenarem woralat, nit nenarem-e at-nen enabuwa kaso elem na-ge iminep mbarak irit wolma-o.

1 YOANES 5:13

Mbal Pem Nagawan Ambara unu bem kinndi angin tubu yigep napnen-e nir-e nunlug-et woralik nalik momtak elem irit winde yige-o luk kenaru yobokluk-nen engga yu mbal kundusu-o.

1 YOANES 5:2

Nir-e Mbal Pem Nagawan abuwa kagolat, at-nen yidnak yidnak kwarogolar-e, nir-e Mbal Pem Nagawan ilirak enabuwa kali-o luk nenaru yili-o.