1 YOANES 3:12 - Nanduk Ngget Tul Pidnak Wene

¹² Kain-nen kwarid nggal nit-nen kwarurag-e meya-o. At iri-ge Meya Kwaroso ambara me, at ambik owot wirij-o. Noluk-nen at owot wirij-o? At Kain-nen kwaroso mende-ge meya nak kwaroso-t nde, at owot-nen kwaroso-ge konak nak kwaroso ala karuk-nen wirij-o.

1 YOANES 3:12 ပူးပေါင်းရင်းမြစ်များ

NDAK WIRIDNAK WENE 4:25

Aram ogwe min-e li ap mbi ndaiga-o. Ndagurug-e, Awa-nen yosolar-e: ”Kain-nen wirid Abel iri na ondolma nambara mbi wok nirij-o” yij-o. Iri ala karug-e, Awa-nen-e la na unu-ge Set yarij-o.

NDAWI ENGGA 37:12

Meya yoso nap-nen-e konak nap iri na meya rak uburak pem wene mbarak puruk woralat, yik kasolar-e, isili min yik kaso-o.

NGGOMO WENE 27:4

Insilepma yugwi iri-ge enlengen lamburak nak kwarogolat, yigisa lak tak onposo mende-nen yusu-o. Alat nde, enlengen ale yugwi iri-ge ta-nen mamak puruk wolma-o?

MATIUS 13:19

Ap misig-e Mbal Pem Nagawan-nen tenagaidnak wi wene iri kulidnag-et nde, indi-nen yebet kasu buk ala-ge, Sere na lobok luk, at arem pil kaidnak uwi iri na mengga waruk mburusu iri-ge uwi tulabiyem mbidnak iri nggal-nen yusu-o.

MATIUS 13:38

Nde, yabu iri-ge nggweyak ma yu-net yusu-o. Nde, uwi konak ereba-ge Mbal Pem Nagawan-nen tenagaidnak wi winde yili nab-er-o. Nde, kuri ereba-ge Sere ilirak-nen yili-o.

MATIUS 23:35

Iri kwarogolar-e, lud tak nak kwaroso Abel wirid kuri Mbereka ambara Sakaria wirigep kuri lud tak nak kwarugwi nap oboksa eneyabi-ge kit konmbol pem-o. Nde, Sakaria na worogolar-e, Mbal Pem Nagawan uwi wok Mbal Pem Nagawan amanggim wam wosa pugwi sa wok enggendumu iri me-nen wirigeb-o.

MATIUS 27:23

Alat nde, Pilatus-nen kin wok onposolar-e: ”Noluk-nen iri yili-o? Ar-e meya no kwaramu-o?” luk yij-et nde, it ereba na enne paleksa amawi min-et yogolar-e: ”E lang pang tak pem paggarak uburag-er-o!” luk yiga-o.

MATIUS 5:37

’Ye’ yogolar-e, ’Ye’ yurag-o. Nde, ’Lag-o’ yogolar-e, ’Lag-o’ nak yurag-o. Nde, wene nin tak nan tak yili iri-ge Sere eram-nen lobok yidnak wene yili-o.

LUKAS 11:51

Nde, Abel na wirid kuri, Sakaria wiriga kuri, indidnak nap enmena purak nde yigi-o. Sakaria na worogolar-e, Mbal Pem Nagawan amanggim wam wosa pugwi sa wok Mbal Pem Nagawan wi wok enggendumu iri me-nen wiriga-o. Kenaru mer-o. Yawo worali nap kir-e it pidsa enmena kunpuwa-o.

YOANES 10:32

Alama-ge, Yesus-nen it yak ondosolar-e: ”An Neid-nen konak kwarurak mende kwarat nebem posola, kit kinmbiri bem kwarigirik me, ngge kwaridnak pem-nen kir-e kerep pem an nuruwokluk yili-o?” luk yak indij-o.

YOANES 8:40

Nde, ndemeret wene Mbal Pem Nagawan-nen yak niridnak iri na-t yak kondosolat woragi-t nde, kit-nen an nuruwokluk yili-o. Abaram-nen-e iri nggal kwaroso bug-o!

YOANES 8:41

Kit-nen-e kineid-nen kwaroso mende irit kwatli-o” luk yak indij-o. Iri yosoloma-ge, it-nen at yak togolar-e: ”Nir-e mbabi-n nderag-e lag-o. Nit Nineij-e misiget nak, Mbal Pem Nagawan-net yusu-o” luk yiga-o.

YIDNAK YIDNAK WENE 7:52

Mbal Pem Nagawan ene lomboksa yugwi nap, kit kenlawingga-nen lel mberel inpigit lak nab-e ta rak nag-o? Konak Nab-et lobok yuwa-o luk urul pogolat woraiga nab-e kit kenlawingga-nen indiga-o. Nde, yawo kit-nen na Konak Nap iri iminep wisirik puruk wirigep nar-o.

1 TESALONIKA 2:14

Nanggamirak wa-e. Mbal Pem Nagawan-nen idnak lambuk tak inpidnak nap, Kerisut Yesus arengge Yurea woragwi nap iri na kwat inpiga nggal, kit na iri nggal-et kwat kinpiga-o. It enlem Yawuri nap-nen it andi bandi rak inpiga nggal, kit na kenma nap-net iri nggal-et andi bandi rak kinpiga-o.

IBERANI 11:4

Nde, Abel na indi angin tubu yidnak pem-net Mbal Pem Nagawan amanggim wosa posolar-e, Kain-nen pidnak nggal-e lag-o, are, terak minik konak mende Mbal Pem Nagawan amanggim pamu-o. At indi angin tubu yidnak na bem-e ”Kar-e lud tak nak kibidnak nab-o” luk Mbal Pem Nagawan-e Abel-nen pidnak mende na bem alen kagaij-o. Nde, Abel na wat yij-et nde, at indi angin tubu yidnak iri na-ge yawo-nen na nit mul nondosolat worasu-o.

IBERANI 12:24

Ngget tul pidnak wene imin kundik ninpidnak nap Yesus eram wok yogolat, nde at eyabi nggweyel kaidnak na eram wok yigeb-o. Nde, Abel eyabi iri-nen wene te nggal yij-et nde, Yesus eyabi iri-nen mondok terak minik konak wene irit yij-o.

1 PETERUS 4:4

Nde, yawo-ge Mbal Pem Nagawan enaru buk nap-nen-e kir-e it-nen meya kwatli mende na inmin kwarugwi na kwarigit lak ala karuk, ir-e inndibok yili-o. Iri kwarugwi keya bigep pem-e met kinpili-o.

1 YOANES 3:8

Nde, Sere na-ge nanduk nanduk-net meya nak kwat tenak woraso me, meya nak kwat tenak woragwi nab-e Sere ilirak-net yili-o. Nde, Sere-nen kwaroso iri na lak tak peyekluk Mbal Pem Nagawan Ambara na nggweyak ma yu me lobok yij-o.

YURAS 1:11

It iri-ge Kain-nen mbiridnak tu na nggwe mbiriga-o. Iri-nen Mbileam-nen onggo waneyekluk enesiget wene yid nggal, it-nen na iri nggal kwariga-o. Iri-nen Kora-nen Mbal Pem Nagawan-nen yidnak wene kuruk tidnak pem at lak tak ibid nggal, it-nen na Mbal Pem Nagawan ene kuruk togola, lak tak inpid nap iri-ge enabuwa-o!

NAM PARA WENE 17:6

Nde, an yik kaginggal-e, kwe iri na-ge Mbal Pem Nagawan ilirak min Yesus-ne yidnak yidnak kwarugwi bem-nen indidnak nap min eneyabi ndonggosa ninggidnak pem indi wawa yosola kagi-o. Nde, kwe iri na karug-e wir-o luk yigi-o.