1 YOANES 2:9 - Nanduk Ngget Tul Pidnak Wene

⁹ Ta-nen nde: ”An-e yaya bem-et worasu-o” luk yosolar-et nde, anggam isili rak posolar-e, yawo-nen na irit ndamuk arem worasu-o.

1 YOANES 2:9 ပူးပေါင်းရင်းမြစ်များ

TEPAN OMBO-NEN KWARURAK WENE 19:17

Kit-nen-e kit kwat kinpidnak onggo purak pug-o. Are, kir-e nin nap enpem-nen meya yugup naru, kit-nen kuri worak woragwi-ge mondok lak tak puruk wolmomtag-o.

YOANES 9:41

Yesus-nen it yak ondosolar-e: ”Kir-e kenlengen ngguru woragwi nggal-nen-e kit meya yidnak lak woraleb-o. Alat nde, kit-nen-e: ’Nit nenlengen-e ob-o’ luk yugwi me, kir-e meya min-et worali-o” luk yak indij-o.

YIDNAK YIDNAK WENE 1:15

Misik tarem-e inndi angin tubu yidnak nab-e seratus dua pulu (120) nggal ndok worak worakmu-ge, Peterus na it ennggendumu men luk-nen yosolar-e:

2 PETERUS 1:9

Alat nde, iri mende iri wanigit lak nab-e at erengen ngguru, lumu kumu rak me, at nanduk-nen meya yosolat woraidnak na marak ibidnak iri-ge meme rak pusu-o.

1 YOANES 1:6

Nde, nir-e ndamuk arem woragolar-et nde, nir-e Mbal Pem Nagawan imin kundik worali-o luk yogolar-e, nenne bem yogolat na, nininggi-nen kwarogolat na nennesiget yili-o.

1 YOANES 2:11

Alat nde, at anggam isili rak poso nab-e ndamuk arem-et worasolar-e, ndamuk arem waring kasolar-e, ndamuk iri-nen at erengen ngguru rak pidnak me, at mburusu sa na an-e iri me mburusu-o luk yenggerak pusu bug-o.

1 YOANES 2:4

Nde, ap misik-nen nde: ”Mbal Pem Nagawan-e an naru-o” luk yosolar-et nde, at-nen yidnak yidnak kwarigit lak yosolar-e, iri yusu nab-e enesiget wene yoso-nen yusu-o. At iri na arem-e ndemeret wene-ge mondok lag-o.

1 YOANES 3:10

Yu-ge Mbal Pem Nagawan ilirak-nen yili-o luk yenggerak pogolat, yu-ge Sere ilirak-nen yili-o luk yenggerak pogolat yurag-e yu bem-nen yenggerak purag-o. Ta-nen nde lud tak nak kwarigit lak, anggamirak enabuwa kaso buk ala-ge, iri-ge Mbal Pem Nagawan ambara-ge lag-o luk yenggerak purag-o.

1 YOANES 4:20

Nde, ap misik-nen-e: ”An-e Mbal Pem Nagawan abuwa kaso-o” luk yosolar-et nde, at anggam mbi isili rak poso ala-ge, iri yoso nab-e enesiget wene yoso-nen yusu-o. At anggam na at erengen-nen nam kaso-net nde, abuwa kaso buk-nen-e at erengen-nen kaso buk Mbal Pem Nagawan na abuwa kujwa bug-er-o.