1 YOANES 2:24 - Nanduk Ngget Tul Pidnak Wene

²⁴ Iri bem-e, nandug-et kuligep wene na-ge kwara parugu wolmer-o. Nde, nandug-et kuligep wene iri na kit kenarem puksa parugu woragola-ge, kir-e pempa Ambara min Eid min inmin kundik woragub-o.

1 YOANES 2:24 ပူးပေါင်းရင်းမြစ်များ

NGGOMO WENE 23:23

Ndemeret mul undugwi wene min indi worak elem min nggomo undugwi min yebet kagwi min iri mende oboksa-ge mondok onggo purag-o. Alat nde, nggok lombok me, onggo wanurag-e lag-o.

LUKAS 1:2

It-nen mbarogolar-e, nanduk-nen kwarogola, enlengen-nen karuk wugariga wene yak nindidnak iri na ndak ndag-et mbariga-o.

LUKAS 9:44

”An-nen yak kundusu wene yu-ge keneyanggo-nen kuluruk, kwara yebet ker-o. Ap Ambara na iminep wesera ki nap ininggem ubuwa-o” luk yij-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

YOANES 15:7

Kit-nen nde an narem puksa woragolat, an-nen yidnak wene na kit kenarem woralat-nen kit kindingen mende mbi Neid eram nggi yogola-ge, wog-et kunduwa-o.

YOANES 6:56

An nebe min neyabi min nasu nab-e at-nen an narem worala, an-nen na at arem-et worasu-o.

YOANES 8:25

Yak ondosoloma-ge, it-nen at kin wok obogolar-e: ”Kar-e ta-o?” luk yogolikma-ge, Yesus-nen it yak ondosolar-e: ”An-e no amanggim-nen tuguruk wene yak kindimin-o?

PILIPI 4:15

Nde, kit Pilipi nab-e wene yu perak kenaru nar-o. An-e Makeronia-nen mborosolar-e, mondog-et aid wene tomboroso tel korosola-ge, lambuk tak inpidnak nap o misiger-o luk tet-nen uwang an wok nirigit lag-et nde, kit nak-nen perak nde yongga nirigeb-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

IBERANI 2:1

Iri bem-e, nit wok nunpuruk, nin tula nggwe ninpil mburuwa naru, Mbal Pem Nagawan-nen mul nindidnak wene kulige iri-ge kwara puksa tena wolmog-o.

IBERANI 3:14

Nir-e nanduk-net ebem ninndi mbung mbung tak pige wene na puksa tena irit worakmu, woroksiyem-nen-e nit pidsa-ge Kerisut arengge na at totno winde mul-o.

1 YOANES 1:3

Nir-e Nineid min at Ambara Yesus Kerisut min inmin-e erep kundik worali-o. Nde, kir-e nit ninmin lambuksa erep kundik woraboklug-e, nit nenlengen-nen kaidnak min neneyanggo-nen kulidnak min iri na-t yak kindili-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.

1 YOANES 2:7

Nanggamirak kenabuwa worak wa-e. Imiri mbarak pidnak wene ngget nin mbal kundusu-ge lag-o. Are, nandug-et yak kindidnak wene, nanduk imiri mbarak pidnak wene na-t mbal kundusu-o. Wene iri-ge kit obi-net kuligep nar-o.

1 YOANES 3:24

Nde, Mbal Pem Nagawan-nen yidnak yidnak kwarusu nab-e ar-e Mbal Pem Nagawan arem-et worasu-o. Nde, Mbal Pem Nagawan na at arem worasu-o. Nde, Mbal Pem Nagawan-e nit nenarem worasu iri-ge at-nen wok nindidnak Konak Indi nenarem worasu iri bem-net nenaru yili-o.

1 YOANES 4:13

Mbal Pem Nagawan-nen at Indi-ge nit wok nindidnak me, nir-e Mbal Pem Nagawan arem woragolat, nde, ar-e nit nenarem worasu-o luk nenaru yili-o.

1 YOANES 4:15

”Yesus-e Mbal Pem Nagawan Ambara-nen yusu-o” luk para yuwa nab-e, Mbal Pem Nagawan-e iri yidnak nap na arem woralat, nde, at na Mbal Pem Nagawan arem worasu-o.

1 YOANES 4:16

Mbal Pem Nagawan-e nit nenabuwa kaso na-ge nir-e nenaru yogolat, ebem ninndi angin tubu yogolat yili-o. Mbal Pem Nagawan-e enabuwa kaso elem-nen yusu-o. Ta-nen nde ap erep enabuwa kererenak woraso ala-ge, ar-e Mbal Pem Nagawan arem woralat, nde, Mbal Pem Nagawan na at arem worasu-o.

2 YOANES 1:2

Nde, ndemeret wene-ge nit nenarem woralat, nit nin-min pem-et woralik nalik wolma iri bem-nen kenabuwa kali-o.

2 YOANES 1:9

Kerisut-nen mul indidnak wene iri na puksa tena woragit lak, are, Kerisut-nen mul indidnak keya buruk mburuwa nab-e Mbal Pem Nagawan imin kundik worasu bug-o. Alat nde, Kerisut-nen mul indidnak wene iri na puksa tena worasu nab-e Eid min Ambara min inmin kundik worasu-o.

3 YOANES 1:3

Nde, nenggamirak erep lobok yigarik, kat kimin yogolar-e: ”Lag-o. At iri-ge ndemeret wene nak wanusu-o” luk yogola kulurug-e, an nalin nalen kwarat kagi-o. Nde, kar-e pempa lud tak nak kwarosolat worasu-o.

NAM PARA WENE 3:11

An-e ndag-et nak lobok yimin-o. Nde, kit-nen ombol nggwe yidnak pem onggo wok kundurak mende na nin nap-nen mengga wanuwa naru, kit-nen wanigep mende iri-ge puksa tena wolmer-o.

NAM PARA WENE 3:3

Iri bem-e, kit-nen-e nanduk mirik kinpidnak wene kuligep na-ge tuguruk kwara yebet ker-o. Yebet karug-e, wene iri-nen yidnak yidnak kwarogolar-e, kit meya yidnak keya buruk, kondok yer-o. Nde, kir-e kunluk yigit lak ala-ge, an-e yariya wanugwi nap nggal kendam lobok yimin tarem iri-ge kir-e kabag-et woragub-o.