1 YOANES 2:22 - Nanduk Ngget Tul Pidnak Wene

²² Iri bem-e, enesiget yoso nab-e ta-o? Iri-ge ”Yesus iri-ge Kerisut-nen yusu-ge lag-o” luk yoso nap irir-o. Iri yoso nab-e Kerisut imin sirid nap-nen yusu-o. At iri-nen-e: ”Eid na irit, Ambara na irit, naru bug-o” yoso-o.

1 YOANES 2:22 ပူးပေါင်းရင်းမြစ်များ

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

MATIUS 24:5

Ap kwarar-e an nggal kwasa lobok yuwarig-e: ’Kerisut na-ge an-er-o’ luk yogolar-e, ap kwarat onmbol pem lujwa-o.

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

1 YOANES 1:6

Nde, nir-e ndamuk arem woragolar-et nde, nir-e Mbal Pem Nagawan imin kundik worali-o luk yogolar-e, nenne bem yogolat na, nininggi-nen kwarogolat na nennesiget yili-o.

1 YOANES 2:18

Nilirak wa-e. Woroksiyem-e panggo yij-o! ”Kerisut imin sirid nab-e lobok yuwa-o” luk yak kindiga na-ge yawo-ge Kerisut imin sirid nab-e kwarat men yigarik me, iri bem-nen worok tak purak tarem panggo yusu-o luk nenaru yili-o.

1 YOANES 2:23

Ta-nen nde: ”Ambara na naru bug-o” yusu nab-e Eid na wok ubusu bug-o. Nde, ta-nen nde: ”Ambara iri-ge naru-o” yusu nab-e Eid na wok ubusu-o.

1 YOANES 2:4

Nde, ap misik-nen nde: ”Mbal Pem Nagawan-e an naru-o” luk yosolar-et nde, at-nen yidnak yidnak kwarigit lak yosolar-e, iri yusu nab-e enesiget wene yoso-nen yusu-o. At iri na arem-e ndemeret wene-ge mondok lag-o.

1 YOANES 4:20

Nde, ap misik-nen-e: ”An-e Mbal Pem Nagawan abuwa kaso-o” luk yosolar-et nde, at anggam mbi isili rak poso ala-ge, iri yoso nab-e enesiget wene yoso-nen yusu-o. At anggam na at erengen-nen nam kaso-net nde, abuwa kaso buk-nen-e at erengen-nen kaso buk Mbal Pem Nagawan na abuwa kujwa bug-er-o.

1 YOANES 4:3

Alat nde, ”Yesus Kerisut iri-ge ki nap nggal luk lobok yij-o” luk yusu buk nab-e Mbal Pem Nagawan-nen idnak Konak Indi-ge at arem worasu-ge lag-o. Nde, at arem-e Kerisut uwim nap indi worasu-o. Nde, iri yidnak indi lobok yuwa-o luk kuligep na-ge yawo nggweyak ma yu me wok yarik worasu-o.

1 YOANES 5:1

Ta-nen nde Yesus-e Kerisut-nen yusu-o luk ebem inndi angin tubu yili nab-e Mbal Pem Nagawan ilirak-nen yili-o. Nde, Eid abuwa kasu nab-e at ambara iri na-t abuwa kasu-o.

2 YOANES 1:7

Nde, ap onmbol pem lagwi nap kwarar-e yi wi ndi wi waring kali-o. Nde, it iri-nen yogolar-e: ”Yesus Kerisut iri-ge nggweyak ma nap nggal lobok yij-o” luk yili bug-o. Nde, iri yugwi nap iri-ge Kerisut uwim nap, ap onmbol pem lagwi-nen yili-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

NAM PARA WENE 3:9

Kenaru wolmer-o! Sere ilirak iri-ge ir-e Yawuri nab-e lag-et nde ennesiget: ’Nir-e Yawuri nab-o’ luk yili-o. An-nen it iri kwat onposolar-e, kit kendam lobok luk, kentalu tud luk, kentembel wanugwi nap tak inpimin-o. Iri kwarogolar-e, an-nen kit kenabuwa kaso iri-ge enaru yuwa-o.