1 YOANES 2:16 - Nanduk Ngget Tul Pidnak Wene

¹⁶ Nggweyak ma woraso mende pidsa-ge yu-o. Enaboro-nen ukwe ukwe yugwi mende min enlengen-nen karuk ukwe ukwe yugwi mende min nggweyak ma mende bem ap-nen ondomok entembel wanugwi mende min iri-ge Nineid eram-nen lobok yidnak mende-nen yusu-ge lag-o. Nggweyak ma-nen idnak mende-net yusu-o.

1 YOANES 2:16 ပူးပေါင်းရင်းမြစ်များ

NDAK WIRIDNAK WENE 3:6

Yak tosoloma, kwe na-nen e konak iri na yik kasolar-e: ”Engen konak irit undu kayeg-o” luk perasolar-e: ”An-e oboksa naru yosolar-e ob-er-o” luk peragij-o. Perarug-e, e iri na engen mbararik, ninggij-o. Nuruk, ereb-e un wok tamu, un iri na ninggij-o.

NDAK WIRIDNAK WENE 6:2

Mbal Pem Nagawan elirak-nen yik eneyagolar-e, mondok ndugum kigirik nak yik eneyagoluk, it Mbal Pem Nagawan elirak ereba na-nen-e it inndi-nen nak nggweyak ma nap-nen ndiridnak ndugum ereba na yena wanogolat woraiga-o.

AYUP 31:1

An-nen mondok watsa owak mbarosolar-e: ”Kweyap ndugum yik eneyasolar-e, mondok nindi-nen nok inpimin pug-o” luk owak mbarigi-o.

NDAWI ENGGA 73:6

Iri-nen ndowaga ir-e inndi kek tak pem woragolar-e, it-nen yi kwatlik ndi kwatlik kwarogolar-e, insilepma min nak kwatli-o.

NGGOMO WENE 27:20

Ap watluk ndok wurugwi sa-ge ondoro o-ge terak nak woraso-o. Iri nggal-et ki nap-nen ukwe ukwe yugwi iri-ge kuri wat tak purag-e meya-o.

NGGOMO WENE 6:25

It entare konak iri-nen kindi lak tak purak pug-o. It enlengen kebem puwa iri na bem-nen kindi enpem mbutlurak pug-o.

NDANIEL 4:30

at-nen yosolar-e: ”Yik ker-o. Mbabel siri yu-ge mondok wir-o! An namawi min numbunu min an nggok kek tak woraso min iri na yenggerak kudtag-e an-nen tenagidnak wi arem o siri nggok yu wirigi yur-o!” luk yij-o.

WONARIDNAK WENE 11:34

Nde, it-nen uno bem nimi nomosa nenggarik iri na-nen ndowaga o iri na unu-ge ”Uno bem nimi nomosa nenggarik yapma inpidnak sa-o” luk yariga-o.

WONARIDNAK WENE 11:4

Nde, Isarael nap mbitli ereba na ennggendumu-ge ereb-e erem nin nab-et mbiriga-o. It ereba na-nen ”Uno nere-o” yogola ge, Isarael nap-nen yogolar-e: ”A! Nit na uno nggal neleb-a!

MATIUS 4:8

Iri rak puruk, Sere na-nen tuguruk Yesus na imin luk ndobo nggulok pem teram imin lagarik, at mirik obosolar-e, nggweyak ma yu me ap-nen tenagaidnak wi oboksa min nggweyak ma woraso mende min iri na mirik ibij-o.

MATIUS 5:28

Alat nde, an-nen yak kendeyeg-o: Ap-nen-e kwe mbi yik karuk, indi-net kwe na ukwe eberasola-ge, at indi-nen kwe na yebusu-o.

LUKAS 4:5

Iri lug-e, Sere-nen Yesus waruk ndobo anggul pem ibil lasolug-e, nggweyak ma yu me-nen tenagaidnak wi pidsa-ge enlengen sambok yugwi nggal ndaget nak mirik ibij-o.

OROMA 13:14

Alat nde, kit-nen mondok kwarurak iri-ge nagawan Indo Yesus Kerisut nak-nen mirik kunpuwag-o. Nde, ki nap enpage meya inndi-nen ukwe ukwe kwarugwi iri-nen yidnak nag-e kwarurak pug-o.

1 KORINTUS 10:6

Nde, it-nen kwaridnak pidsa iri-ge nit nggomo nindidnak nggal kwarij-o. It-nen meya mende ukwe ukwe yiga na nggal nit-nen ukwe ukwe yuwa naru,

NGGALATIA 5:17

Nde, ki nap-nen ukwe ukwe yugwi mende-nen-e Konak Indi-nen isili kaso mende irit indingen-o. Nde, Konak indi-nen indingen kaso mende-ge ki nap-nen ukwe ukwe yugwi mende iri-nen isili-o. It enmbereg-e wim mbarak me, kit-nen ”Iri nggal kwaruwog-o” luk kinndi-n peraidnak iri na kwarurag-e meya-t yusu-o.

NGGALATIA 5:24

Nde, Kerisut Yesus arengge kwat yidnak nap-nen-e ki nap-nen kwarugwi mende min at-nen ukwe ukwe yoso min, kwarurak ukwe peraso min-e e lang pang tak pem-et worak pid nar-o.

EPESUS 2:3

Nde, ndemeret nit oboksa-nen na nandug-e it worali nggal-et woraige-o. Iri nggal woragolar-e, nit nenpe-nen ukwe ukwe yugwi mende nak kwarogolar-e, nit nenpe min nit ninndi meya iri-nen ukwe yidnak mende na kwarogolat woraige-o. Iri kwarogola-ge, Mbal Pem Nagawan isilepma-ge it erep enpem pusu iri nggal, nit nenpem na purag-et woraige-o.

TITUS 2:12

We wok ondoso elem-nen mul nondosolar-e: ”Mbal Pem Nagawan isili rak pidnak kwarugwi min nggweyak ma mende ukwe ukwe yugwi min iri na mbo buruk, nggweyak ma yu me woragolar-e, kondomok kinndi towarak woragolat, mot mor-et kwarogolat, Mbal Pem Nagawan indi aye worak wolmer-o” luk mul nundusu-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

YAKOBUS 3:15

Inndi nggat nggat elem iri nggal iri-ge aid arem-nen mbuwaidnag-e lag-o. Are, nggweyak ma mende-nen yusu-o. Konak Indi-nen idnag-e lag-o. Sere-nen idnak-nen yusu-o.

YAKOBUS 4:16

Alat nde, yawo kir-e kondomok kentembel wanogolat, kinndi kek yili-o. Inndi-nen kek yugwi iri nggal iri-ge lugud tak kwatli-o.

YOSUA 7:21

Silobulo minggige ereba enggendumu-ge sum leyok sum konak Mbabilonia-nen yagidnak misik min perak angin-e dua kilo iri min emas mbarak angin-e setenga kilo min irit mondok nindi nggosola karuk, wanigirik, an nuwi lije ma nggweyak yala kura bigirik worasu-o. Nde, perak iri-ge nggweyak arem nggal-et pukmu-o” luk yij-o.

1 PETERUS 1:14

Kir-e Mbal Pem Nagawan-nen yidnak yidnak nak kwarogolat wolmer-o. Nde, kit nanduk Mbal Pem Nagawan kenaru buk woragolat-nen kinndi-nen ukwe ukwe yoso-nen yidnak yidnak kwarugwi na kwarurak pug-o.

1 PETERUS 2:11

Nenggamirak kenabuwa worak wa-e. Kir-e nggweyak ma yu me woragolar-e, ap sal nggal, ap enma woragwi nap nggal yili me, ap-nen ukwe ukwe yugwi na-nen kinndi min wim poso iri-ge keya ber-o luk an-nen kiri keresa yak kundusu-o.

2 PETERUS 2:10

Iri len unpuwa iri-ge it ondomok kopkap tobok tak onposo ukwe ukwe yugwi iri-nen yidnak yidnak kwarogolar-e, Mbal Pem Nagawan ene kulurak insili nap iri-ge len unpusu irir-o. Enesiget siget mul undugwi nap iri-ge kwiye lag-e, ondomok kek yogolar-e, teram woragwi enabinal worak nap iri na kwiye lag-et pesel inpili-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.