1 YOANES 2:12 - Nanduk Ngget Tul Pidnak Wene

¹² Nilirak wa-e. Kerisut unu bem kit meya yidnak amberam tak pidnak me, engga yu mbal kundusu-o.

1 YOANES 2:12 ပူးပေါင်းရင်းမြစ်များ

YEREMIA 14:7

Iri ala karuk, an nilirak-nen an nemengen mbarogolar-e: ’Nagawan Indo wa-e. Nit-nen meya kwarugwi iri na-nen ninnggiri wurusu-t nde, kat-nen iri nggal-et kwat kinpimin-o luk urul pigen iri na ndak ndak tak posolat, yongga nindi-o. Nit-nen pempa keya keberenak worali iri-ge ndemeret nir-e meya-t kat kimin pem kwat tenak worali-o.

LUKAS 24:47

Nde, wene iri na Kerisut unu bem tomborogolar-e, Yerusalem-nen tel kutluk, yi nap ndi nap enlem oboksa yak ondogolar-e: ’Kondok yer-o. Kondok yogola-ge, Mbal Pem Nagawan-nen kit meya yidnak amberam tak puwa-o’ luk mondok yak undurag-o.

LUKAS 5:20

Mberak obogola-ge, Yesus-nen it inndi angin tubu yidnak yenggerak karug-e, at-nen ap yu na yak tosolar-e: ”La yu-ge wa-e. Kat meya yidnag-e namberam tak pigi-o” luk yak tij-o.

YIDNAK YIDNAK WENE 10:43

Mbal Pem Nagawan ene lomboksa yugwi nap pidsa-nen at owene yogolar-e: ’At ebem indi angin tubu yuwa nab-e at unu bem it meya yogolat woraidnag-e ambaram tak puruk, urugom tak unpuwa-o’ yiga-o” luk yij-o.

YIDNAK YIDNAK WENE 13:38

Nanggamirak wa-e. Wene yu-ge kenaru mer-o. Ap yu na ebem-e kit meya yogolat woraidnag-e ambaram tak puruk, urugom tak kunpurak wene irit yak kundusu-o.

YIDNAK YIDNAK WENE 4:12

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

1 KORINTUS 6:11

Kit ereb-e iri nggal kwarugwi woraigeb-o. Alat nde, Nagawan Indo Yesus Kerisut unu bem-nen Nenmbal Pem Nagawan Indi bem-nen kit mat kunpuruk, mbek tak kenpaga lud tak kinpij-o.

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

EPESUS 4:32

Are, kit na kit-net nanggau kanggau yogolat, kinndi yanggorak wolmer-o. Mbal Pem Nagawan-nen Kerisut ebem kit meya yidnak amberam tak puruk urugom tak kinpid nggal, iri nggal-et kit na kit-net meya rak kinpidnak ala-ge, ”Ob-o. Ereba mag-o” luk yanggosa keya burag-o.

KOLOSE 1:14

At Ambara ebem-nen nit nonnggo posolar-e, nit meya yidnak amberam tak pij-o.

1 YOANES 1:4

Nit nenalen-e iminep mbal maklug-e, engga yu kenmanggim mbatli-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.

1 YOANES 1:9

Mbal Pem Nagawan-e mot mot nak, ndung tak na kwaroso me, nit-nen meya yidnak para yak togola-ge, nit meya yidnag-e at amberam tak puruk, nit meya yugwi mende pidsa marak nunpuwa-o.

1 YOANES 2:1

Nilirak wa-e. Kir-e meya yugup naru, an-e engga yu mbal kundusu-o. Alat nde, ap mbi-nen meya kwarosola-ge, nit nonowene Nineid imin konoso nap, lud tak nak kwaroso nap Yesus Kerisut irit worasu-o.

1 YOANES 2:21

Iri ala-ge, kir-e ndemeret wene kenaru buk ala, engga yu mbal kundusu-ge lag-o. Are, ndemeret yoso Mbal Pem Nagawan iri-ge mondok enesiget yoso bug-o kenaru yili iri bem-nen engga yu mbal kundusu-o.

1 YOANES 2:7

Nanggamirak kenabuwa worak wa-e. Imiri mbarak pidnak wene ngget nin mbal kundusu-ge lag-o. Are, nandug-et yak kindidnak wene, nanduk imiri mbarak pidnak wene na-t mbal kundusu-o. Wene iri-ge kit obi-net kuligep nar-o.