1 YOANES 2:10 - Nanduk Ngget Tul Pidnak Wene

¹⁰ Nde, at anggam abuwa kaso nab-e yaya arem worasu me, at arem-e ap enare purak mende mbi worasu bug-o.

1 YOANES 2:10 ပူးပေါင်းရင်းမြစ်များ

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

MATIUS 13:21

Alat nde, ap iri na enarem-e emengen kundigit lak me, we mariget nak op woragwi-o. Nde, aid wene iri na bem ala angin pangin mende enpem mbosolat lel mberel onpogola-ge, ereya na-net wene keya bugwi-o.

MATIUS 18:7

Nggweyak ma yu me-nen ap meya makluk enarem woraga pil nggoso mende nin tak nan tak worasu me, enabuwa-o. Iri mende-ge mondok wolma-t nde, enarem woraga pil ngguwa nab-e abuwa-o.

YOANES 11:9

Yogolikma-ge, Yesus-nen yosolar-e: ”O misik nda yidnag-e duabelas jam nde kali bug-a? Nde, ap-nen-e lengge yaya bem waring kasolar-e, at ijok abis mbaroso bug-o.

YOANES 12:35

Yak togolikma-ge, Yesus-nen it yak ondosolar-e: ”Yaya iri-ge marig-et tarem nak kinmin wolma-o. Ndamug-e kendam mbuma naru, yaya kinmin worala ereya-t yaya na bem waring kagolat wolmer-o. Nde, ndamuk arem waring kaso nab-e ngge me nde mburusu-o luk kabag-et waring kaso-o.

YOANES 8:31

Iri ala-ge, Yesus-nen at ebem inndi angin tubu yidnak Yawuri nap na yak ondosolar-e: ”Kit-nen-e an-nen yidnak yidnag-et kwarogola-ge, ndemeret an nimin nugwi nap kwat yugub-o.

OROMA 14:13

Iri bem-e, nit na nit-net nenpem wene mbal kerak mbili iri-ge keya buwog-o. Are, yu nggal mog-o luk wene amburu mbarer-o: Nonowe nonowot enare purak kerep tulabiyem pogolat, inndi kabak tak onpogolat momtak pug-o.

PILIPI 1:10

Iri nggal marig-e, kit-nen-e konak mende nak lena wanurag-e ndak ma-o. Iri lena wanogola-ge, Kerisut lobok yuwa tarem-nen-e kir-e mondok marak, meya na kenpem lak irit woragub-o.

2 PETERUS 1:10

Nanggamirak wa-e. Iri bem-e Mbal Pem Nagawan-nen wene mbo kunpuruk, len kinpid iri na bem tugup lak worabokluk, mondok kwara kenmawi konder-o. Kit nde iri nggal kwarogolar-e, kunuwok pijaksa wosa mbugup pug-o.

1 YOANES 2:11

Alat nde, at anggam isili rak poso nab-e ndamuk arem-et worasolar-e, ndamuk arem waring kasolar-e, ndamuk iri-nen at erengen ngguru rak pidnak me, at mburusu sa na an-e iri me mburusu-o luk yenggerak pusu bug-o.

1 YOANES 3:14

Nde, nennggamirak enabuwa kali iri bem-nen nir-e wat yugwi elem keya buruk, nunlug-et wolmomtak elem tenaige-o luk nenaru yili-o. Ap enabuwa kaso buk nab-e wat yugwi elem arem iri na-t worasu-o.