1 YOANES 1:9 - Nanduk Ngget Tul Pidnak Wene

⁹ Mbal Pem Nagawan-e mot mot nak, ndung tak na kwaroso me, nit-nen meya yidnak para yak togola-ge, nit meya yidnag-e at amberam tak puruk, nit meya yugwi mende pidsa marak nunpuwa-o.

1 YOANES 1:9 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:47

kat-nen-e it-nen tepan yuwa-ge kulurag-o. Nde, inmin mburuwarik wolma sa iri me woragolat-nen nde it meya kwaridnak keya buruk, kondok yogolat-nen nde kat keram tepan yogolat: ’An-e ndemeret meya-t kwarigi-o’ luk para yogola-ge, Nagawan Indo wa-e. It enne-ge kulurag-er-o.

NEMIA 1:6

Yik niyi-o, Nagawan Indo wa-e. Kat ndegel kubugwi kilirak Isarael nap enmanggim kubu-nen lengge-nen kat keram tepan yusu yeba-ge kwara kuli-o. Nam-et para yak kereyeg-o. Nit Isarael nab-e ndemeret meya-t kwarige-o. Iri-nen an min nomborak min-e meya-t kwarige-o.

NDAWI ENGGA 19:12

Ap-nen-e it-nen meya kwatli ereba na-ge kwara kali-ge bug-o. An-nen meya kwarigi-t nde, yebet kagit lak worasu-ge kat-nen lak tak puruk, marak nibi-o.

NDAWI ENGGA 32:5

Iri ala karuk, an meya yidnag-e mbi kura bigit lak, oboksa kat kimbiri bem parigi-o. An-nen meya kwaroso mbi narem kura bigit lak yigi-o. An-nen-e: ”An meya yidnag-e Nagawan Indo eram pareyeg-er-o” luk parosola-ge, kat-nen-e an meya yidnag-e oboksa kamberam tak pigen-o.

MBIRIGA WENE 34:7

An-nen enabuwa kasolar-e, ap nderak pem lud kwarat enabuwa yosolat, it meya yidnak nemberam tak inpimin-o. Alat nde, meya lugud tak kwatli nab-e mondok abu abu angin worak enpem posolar-e, ineidtak-nen meya yidnak pem-e at ilirak-nen na, oworak omborak-nen na, ap tap kenan pem ala na, tap empat pem ala na, mondok angin worag-et enpem posolat woramin-o” luk yij-o.

YESAYA 45:21

Kit-nen konowene nam-et nak yak nerer-o. Ndemerer-o luk yurak wene-ge para nam-et nak yer-o. It ereba-ge lambuksa wene mbaruwag-o. Ta-nen nanduk-net wene iri-ge wigarosolat, kenaru rak posolat kwaramu-o? Nagawan Indo an-net kwarukmu-o. Kugwiwak Mbal Pem Nagawan an nggal misik mbi worasu-ge lag-o. An-e mot mot kwarosolat, inmiri yosolat Mbal Pem Nagawan-nen yusu-o. An nggal nin mbi worasu bug-o.

YESKIEL 36:25

Iri rak kunpurug-e, yi kopkap lak pem nggweyel yaga kenpem pimin iri-ge kit-nen erembel wanugwi kugwiwak oboksa min kik tak onposo mende-nen kit kopkap tobok tak kinpidnak ereba min oboksa masa labuk yobokluk-nen kwarimin-o.

YESKIEL 37:23

Nde, it iri-ge meya kwarogolat, kugwiwak mbilaro ngin mende ereba na erembel wanogolat, it enpe kopkap toboksa labuk yugwi iri na-ge kwat ma bug-o. It-nen meya lugud tak kwarugwi mende oboksa kwarogolar-e, an keya nubugwi elem iri na inggem-nen wisirik inpimin-o. An-nen it marak onposola-ge, it iri-ge an nelem nap kwat ma-o. Nde, an-e it Enmbal Pem Nagawan kwat yimin-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

MATIUS 3:6

it nen meya yidnak parogola-ge, Yoanes-nen yi Yorodan arem yi ma onposolat woragaij-o.

MARAKUS 1:5

Yosoloma-ge, Yurea nggweyak pem woragwi nap min o Yerusalem woragwi nap min pidsa at eram lobok yogolar-e, it meya yidnak parogola-ge, yi Yorodan arem yi ma onposolat woragaij-o.

LUKAS 22:57

Yosoloma-ge, Peterus-nen yubul posolat-nen yosolar-e: ”Ap iri-ge an-e mondok kaso bug-o” luk yij-o.

YOANES 17:25

Lud tak nak Kwaroso Neid wa-e. Nggweyak ma nap-nen-e kat enaru buk worali-t nde, an perak nde kat naru-o. Nde, kat-nen an wirik nibil lobok yij-o luk it yu-nen perak nde enaru-o.

YIDNAK YIDNAK WENE 19:18

Nde, it inndi angin tubu yidnak nap, ap kwarat-nen lobok yogolar-e, it-nen na meya iri nggal kwaridnak na para nam tak piga-o.

OROMA 3:26

Alat nde, yawo-nen-e Mbal Pem Nagawan-e at lud tak nak kwaroso nam tak posolar-e, inndi-ge Yesus ebem angin tubu yuwa nab-e Mbal Pem Nagawan-nen lud tak nak onposo-o luk mirik nunpusu-o.

1 KORINTUS 1:9

At Ambara Yesus Kerisut, nit Nenagawan Indo iri imin kundik worabokluk wene mbo kinpidnak Mbal Pem Nagawan iri-ge mot mot nak kwaroso-nen yusu-o.

1 KORINTUS 6:11

Kit ereb-e iri nggal kwarugwi woraigeb-o. Alat nde, Nagawan Indo Yesus Kerisut unu bem-nen Nenmbal Pem Nagawan Indi bem-nen kit mat kunpuruk, mbek tak kenpaga lud tak kinpij-o.

EPESUS 5:26

Ar-e ondomok indi wisirik pid iri-ge, marak wolmakluk, at-nen korak onposolar-e, yi bem min at ene bem min-nen yi mat inpij-o.

TUGURUK YIDNAK WENE 7:9

Nde, Nagawan Indo kit Kenmbal Pem Nagawan iri-ge Mbal Pem Nagawan misiget nak, ar-e pempa mot mot lud tak nak kwaroso-nen yusu-o luk yebet ker-o. Nagawan Indo-nen at-nen urul pidnak iri na ndak ndak tak posolar-e, at abuwa kagolat, at-nen enpem pidnak wene ereba na kwatli nap enabuwa kasolar-e, ap tap seribu-t (1.000) enabuwa kasolat wolma-o.

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 10:23

Mbal Pem Nagawan-nen-e at-nen urul pidnag-e mondok kwaroso-t me, ”Irit kwat nunpuwa-o” luk peragwi na bem ninndi mbung mbung tak woragwi iri-ge puksa tena wolmog-o.

IBERANI 11:11

Nde, Sara na irit at indi angin tubu yidnak pem-net ar-e kwe arowe li yidnag-et nde, la ndagurak ndak kwat agaij-o. At-nen perasolar-e, urul paga yak tid nap Mbal Pem Nagawan iri-ge mot mot nak kwaroso me, kwaruwar-o luk peragaij-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.

NAM PARA WENE 15:3

It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.