1 YOANES 1:8 - Nanduk Ngget Tul Pidnak Wene

⁸ Nit-nen nde: ”Nit meya yugwi bug-o” luk yogolar-e, nenambikpebe nonmbol pem lali-o. Nde, ndemeret wene-ge nit nenarem-e mondok lag-o.

1 YOANES 1:8 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:46

Ab-e meya kwarigit lak konak nag-e woragwi buk me, kat kilirak-nen nde meya kwarogola-ge, kat kisilepma luk keya unpugunmu, wim nap-nen urugwe nggwe rak unpuruk, kugun wok unpuruk erepma ala na irit, koroga ala na irit wok unpuruk mburuwarik woragola-ge,

2 NAGAWAN NAGAWAN-NEN KWARIDNAK WENE 20:15

Yosoloma, Yesaya-nen kin wok obosolar-e: ”Kat woraso sa-nen-e it-nen-e no mende kaiga-o?” luk yosoloma, Isikia-nen onggo yosolar-e: ”Yi mende ndi mende oboksa kaiga-o. An woraso sa woraso mende misiger-o luk mbi kagit lag-e lag-o. Oboksa-t mirik inpigi-o” luk yij-o.

AYUP 14:4

Meya kwarugwi nap-nen-e konak iminep mbarak mende mbi-ge mondok kwarugwi bug-o.

NGGOMO WENE 20:9

Ap erep-nen yogolar-e: ”An-e meya kwaroso buk me, mondok nindi-ge marak-nen yusu-o” luk yurag-e ndag-er-a?

YESAYA 53:6

Nit oboksa lomba wam kabak yidnak nggal woragolat, tu-ge nindi-n pidnak ndomok mburugwi-o. Alat nde, Nagawan Indo-nen-e nit-nen meya kwarugwi-ge oboksa at ebem yatku bamu-o.

YESAYA 64:6

Nit oboksa-ge kopkap tobok tak woragwi-o. Iri-nen nit-nen konak kwarugwi min-et kopkap tobok tak mondok meya-nen yusu-o. Nir-e engga lera mbidnak umbuk o wija-nen puk kuruk mburusu iri na nggal, nir-e meya kwarugwi bem-et lak mul-o.

YEREMIA 2:35

kit-nen yogolar-e: ’Nir-e meya yugwi buk me, Nagawan Indo-nen-e isilepma nenpem puwa bug-o’ yili-o. Alat nde, kit-nen-e: ’Nir-e ndemeret meya-t kwarugwi-o’ luk para yili buk pem-e Nagawan Indo an-nen-e angin worak mende kenpem pimin-o.

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

OROMA 3:10

Mbal Pem Nagawan engga mbarak pem-nen yosolar-e: ”Lud tak nak woraso nap ap misiget ter-o luk mondok lag-o.

OROMA 3:23

Ap oboksa-ge meya nak kwarugwi me, kek tak woraso Mbal Pem Nagawan na imin-e mbok tak woragwi-o.

1 KORINTUS 3:18

Ap-nen-e at ambik ombol pem ludtag-e meya-o. Kit kenggendumu-nen ap mbi-nen perasolar-e: ”Nggweyak ma nap inndi tenggerak iri na bem-nen an-e nindi tenggerak yusu-o” luk perasu nab-e, ndemeret indi tenggerak maklug-e, wid nggal irit yurag-o.

NGGALATIA 6:3

Ap misik-nen perasolar-e, ar-e konag-e lag-et nde, ”An-e ijar-o” luk perasu iri-ge at na at ambikpebe ombol pem lasu-o.

1 TIMOTIUS 6:5

yebet kagwi mende lak yidnak nap min ndemeret wene kabak tak pidnak nap min-nen pempa kundugu neyak puk keyak puk tenak worali-o. It-nen peragolar-e, aid wene iri bem-e silobulo terak lesa wanugwi-o luk perali-o.

2 TIMOTIUS 3:13

Nde, meya yugwi nap min ap onmbol pem lagwi nap min-e meya kwarat ebem lud lud kwarogolar-e, ap onmbol pem lali-t nde, it na enambik onmbol pem lali-o.

YAKOBUS 1:22

Nde, kit-nen aid wene iri-ge kulurak nag-e lag-o. Kuluruk, kulidnak iri ndak ndag-et kwarurag-o. Nde, kit-nen iri nggal kwarigit lak yogolar-e, kenambikpebe konmbol pem lali-o.

YAKOBUS 1:26

Ap-nen-e ”An-e Mbal Pem Nagawan erembel wanoso-nen yusu-o” luk perasolat-net nde, indi-ge konigit lak, wene-ge we ama bem perek nak yosola-ge, at-nen at ambik ombol pem lasu-o. Mbal Pem Nagawan erembel wanusu iri-ge we kasa ereba-t wanusu-o.

YAKOBUS 3:2

Kit pidsa-ge pempa lugud tak nak kwarugwi-o. Ta-nen nde ene yoso bem meya kwaroso buk nab-e iminep mbarak-nen yusu-o. At iri-ge at ebe oboksa tena woraso-o.

2 PETERUS 2:13

It-nen meya kwarugwi iri na onggo-ge andi bandi kujwa-o. It enalen yurak mende kwarogolar-e, it enaboro-nen ukwe ukwe yugwi teyok tak pogolar-e, lengge-t nde, yi kwatlik ndi kwatlik kwatli-o. Nde, ir-e yi meya ndi meya kwarogolat inndi lak tak kwarugwi me, it-nen nde kit kinmin lambuksa nonggolar-e, kit kunnu emben to rak pogolat, mbilaro ngin tak pili-o.

1 YOANES 1:10

Nde, nit-nen nde: ”Nit meya yugwi bug-o” luk yogolar-e, nit-nen-e Mbal Pem Nagawan na enesiget yoso nap tak pili-o. Nde, at-nen yidnak wene-ge nit nenarem-e mondok lag-o.

1 YOANES 1:6

Nde, nir-e ndamuk arem woragolar-et nde, nir-e Mbal Pem Nagawan imin kundik worali-o luk yogolar-e, nenne bem yogolat na, nininggi-nen kwarogolat na nennesiget yili-o.

1 YOANES 2:4

Nde, ap misik-nen nde: ”Mbal Pem Nagawan-e an naru-o” luk yosolar-et nde, at-nen yidnak yidnak kwarigit lak yosolar-e, iri yusu nab-e enesiget wene yoso-nen yusu-o. At iri na arem-e ndemeret wene-ge mondok lag-o.

1 YOANES 4:20

Nde, ap misik-nen-e: ”An-e Mbal Pem Nagawan abuwa kaso-o” luk yosolar-et nde, at anggam mbi isili rak poso ala-ge, iri yoso nab-e enesiget wene yoso-nen yusu-o. At anggam na at erengen-nen nam kaso-net nde, abuwa kaso buk-nen-e at erengen-nen kaso buk Mbal Pem Nagawan na abuwa kujwa bug-er-o.

2 YOANES 1:2

Nde, ndemeret wene-ge nit nenarem woralat, nit nin-min pem-et woralik nalik wolma iri bem-nen kenabuwa kali-o.

3 YOANES 1:3

Nde, nenggamirak erep lobok yigarik, kat kimin yogolar-e: ”Lag-o. At iri-ge ndemeret wene nak wanusu-o” luk yogola kulurug-e, an nalin nalen kwarat kagi-o. Nde, kar-e pempa lud tak nak kwarosolat worasu-o.