1 TIMOTIUS 6:4 - Nanduk Ngget Tul Pidnak Wene

⁴ ar-e aru buk, mondok kabak-net nde, ondomok kek yusu-o. At-nen indingen yidnag-e wene lugud tugwi min yi wene ndi wene bem ngguno nak purak indi nak yosolar-e, enlengen ale worak tak posolat, kuri worak tak onposolat, nobokpe kobokpe yogolat, inndi-nen kwaramu-t peragwi min

1 TIMOTIUS 6:4 ပူးပေါင်းရင်းမြစ်များ

NGGOMO WENE 13:7

Ap erep-nen-e: ”An-e yi mende ndi mende ombo-o” luk inmidwak lel kali-t nde, insilobulo-ge lak-net nde yili-o. Nde, ap erep-nen-e yi mende ndi mende ombo-net nde, ”An-e nisilobulo lag-o” luk yili-o.

NGGOMO WENE 25:14

”Irit kwarimin-o” luk urul pidnag-et nde, kwat yigit lak yugwi iri-ge nggan nggan min e kemereya min-e puk kasolar-et nde, talme mboso buk iri nggal-nen yusu-o.

YESAYA 58:4

Kir-e nunggwi mende keya buruk, an nemengen mbarogolat-net nde, kir-e yuk puk mbogolat, yig nggogolat, kinsilepma bem yi kwatlik ndi kwatlik kwatli-o. Kit kinndi-nen peragolar-e: ’Nit nunggwi mende keya buruk, tepan yili iri-nen ndowaga Nagawan Indo-nen kuluwa-o’ luk perali-a?

YIDNAK YIDNAK WENE 15:2

Alat nde, Paulus min Mbaranabas min na-nen ap ereba na inmin ngguno kwarat pogolat, wene mbal tenak woragola karug-e, it-nen Paulus min Mbaranabas min Antiokia woragwi nap erep min lenak unpuruk, yak ondogolar-e: ”Kir-e Yerusalem lagupndig-e, wene yu-ge wirik inpidnak nap min ogore yidnak nap min inmin konurag-o” luk yak indiga-o.

YIDNAK YIDNAK WENE 18:15

Alat nde, wene yu-ge kit-nen yugwi wene bem ala na, kit-nen yugwi unnu bem ala na, kit-nen wanugwi imiri mbarak pidnak wene bem ala-nen nde neyak puk keyak puk yili me, kit na kit-net wene mbenarer-o. An-nen wene yu mbenarimin pug-o” luk yak indij-o.

YIDNAK YIDNAK WENE 8:9

Alat nde, o iri me-ge ap misik unu-ge Simon irit woragaij-o. Nanduk woralar-e, ap iri-nen kwal yosola karug-e, it Samaria woragwi nap pidsa-nen-e kwiye kwarat kagwi ala-ge, at-nen yosolar-e: ”An-e ijar-o” luk iri yoso-o.

OROMA 12:16

Kit kinndi misiget lambuksa wolmer-o. Kit kondomok kek yurak pug-o. Are, teberak yik kagwi mende iri na nggal-et tebe yurag-o. ”An-e nindi tenggerak-nen yusu-o” luk purak pug-o.

OROMA 13:13

Nit-nen-e o lengge-nen kwarugwi konak irit kwarogolat wolmog-o. Meya kwarurak pem nggok sakwi min anggut engen amburu ndonggosa nunggwi min kwami terak ye unpugwi min meya kwarurak nak inndi yugwi min yig pugwi min enlengen ale yugwi iri oboksa-ge kwarurak pug-o.

OROMA 14:1

Kwara indi angin tubu yigit lak nap iri-ge kit-nen konag-et wok obogolar-e, at indi-n peraso iri na bem wene namawi kamawi yurak pug-o.

OROMA 2:8

Alat nde, ap erep-nen-e it enambik enambigit nak kek tak pogolar-e, Mbal Pem Nagawan-nen yidnak yidnak keya buruk, meya kwarugwi mende langgal luk mbitli nab-e Mbal Pem Nagawan isilepma-ge iri kwatli nap enpem puwa-o.

1 KORINTUS 11:16

Alat nde, ta-nen nde wene yu eyak wururak indingen ala-ge, nit na irit, Mbal Pem Nagawan-nen idnak lambuk tak inpidnak nap na irit, nit-nen kwarugwi mende nin mbi worasu-ge lag-o.

1 KORINTUS 11:18

Nanduk tak posolar-e, kir-e lambuk tak kinpidnak nap nggal ndok witli-t nde, kuri worak nggal-et worali-o yogola konpok kuligirik me, iri yidnak wene ereb-e ndemerer-o luk an-e perasu-o.

1 KORINTUS 3:18

Ap-nen-e at ambik ombol pem ludtag-e meya-o. Kit kenggendumu-nen ap mbi-nen perasolar-e: ”Nggweyak ma nap inndi tenggerak iri na bem-nen an-e nindi tenggerak yusu-o” luk perasu nab-e, ndemeret indi tenggerak maklug-e, wid nggal irit yurag-o.

1 KORINTUS 3:3

Kir-e nggweyak ma nap enpage worak me, yawo na irit kir-e tara nunggwi mende norag-e awo worali-o. Iri bem-nen kit kennggendumu-ge kit na kit-net kenlengen ale yogolat, kuri wat kerak mbogolat yugwi me, kir-e nggweyak ma nab-et woragolat, nggweyak ma nap-nen kwarugwi irit kwatli iri-ge kali bug-a?

2 KORINTUS 11:20

Nde, ap-nen unlugwe nggwe rak konpogola-t nde, kenarengge mberek togola-t nde, yemen kunpuruk woragola-t nde, tebek tak konpogola-t nde, ininggi nggambu kentare lel kagola-t nde, kit-nen iri kwat kunpugwi nap inmin-e kinndi luruk puruk worali-o.

NGGALATIA 5:15

Alat nde, kit na kit-net neyak puk keyak puk mbogolat, suwal kerak mbogolat yugup ala-ge, kit na kit-net kenambikpebe lak yugub-o luk mondok kwara wolmer-o.

NGGALATIA 5:26

Nde, nit na nit-net kek yogolat, ninndi kalel kerak mbogolat, nin nap iri na nggok yusu-a? luk nisilepma kisilepma yogolat wolmomtak pug-o.

NGGALATIA 6:3

Ap misik-nen perasolar-e, ar-e konag-e lag-et nde, ”An-e ijar-o” luk perasu iri-ge at na at ambikpebe ombol pem lasu-o.

PILIPI 1:15

It erep-nen Kerisut owene yili iri-ge enlengen ale min an-nen yidnak wene eyak wuruwokluk-nen yili-t nde, it erep-nen-e inndi mbek tak pem-et Kerisut owene yili-o.

PILIPI 2:14

Yi kwatlik ndi kwatlik kwarogolar-e, ujwagujwa yogolat, ngguno pebe yogolat momtak pug-o.

PILIPI 2:3

Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

KOLOSE 2:18

Enesiget nde, it ondomok inndi tebe luk, aid nap entembel wanogolat, nabi nggwe nggal kaidnak nggulok tak pogolat kwarugwi nap-nen-e urugwe nggwe rak kunpuwakluk, nggeyok yurak pug-o. Iri kwarugwi nab-e ki nap inndi-n yebet kagwi bem it ondomok kek yugwi-nen yili-o.

2 TESALONIKA 2:4

At iri-ge at ondomok kek yosolar-e, ap-nen erembel wanugwi mende pidsa min Mbal Pem Nagawan nggal lik kagwi min imin wim mbarak woralar-e, iri mende oboksa-ge at-nen urugwe nggwe rak puruk, Mbal Pem Nagawan ama kore lug-e, ”An-e Mbal Pem Nagawan-net yusu-o” luk yuwa-o.

1 TIMOTIUS 1:4

”Tisiya wene min ineid onmbo nderak lolo pok tak pugwi buk wene iri-ge keya ber-o” luk yak indi-o. Iri wene yogolar-e, suwal suwal ndi wurugwi elem-nen yusu me, ninndi angin tubu yidnak pem Mbal Pem Nagawan-nen ninmiri yoso elem iri na kabak tak pusu-o.

1 TIMOTIUS 1:7

It iri-nen-e imiri mbarak pidnak wene mul undugwi nap yurak yili-t nde, it ondomok-nen yili wene min it-nen enne amawi min yak indili wene min iri-ge ir-e kwara yeber-e kagit lag-et yili-o.

1 TIMOTIUS 3:6

At iri-ge at ambikpebe kek yosola, Sere ebem ween mbarid nggal, at ebem wene mbaruwa naru, nggeret aid wene wanidnak nab-e mendak purak pug-o.

2 TIMOTIUS 2:14

Wene yu-ge kweyap yeberak inpi-o. Mbal Pem Nagawan imbiri bem-et kene amawi min-et yak ondosolar-e: ”Yi wene ndi wene bem-e ngguno purak pug-o” luk yak indi-o. Iri kwarugwi iri-ge ebe lak wene kulili nap iri na inndi kabak tak unpurak wene-nen yusu-o.

2 TIMOTIUS 2:23

Alat nde, ebe lak nil kil tak wene iri-ge erep tenagurak pug-o. Nde, wene iri-ge ngguno pugwi elem-nen yusu-o luk kar-e karu-o.

2 TIMOTIUS 3:4

mirim kwarogolat, inndi mburugwi buk yogolat, enaru bug-et nde, ija bija yogolat, Mbal Pem Nagawan indi pidnak keya buruk, it inndi pidnak nggok tak pogolat ma-o.

TITUS 3:9

Alat nde, ebe lak mende ngguno suwal suwal mbogolat, ndet yidnak lolo unnu mbarak mbenarogolat, imiri mbarak pidnak wene lit lit yuk puk mbogolat, yig pogolat yogola-ge kar-e erep nggaru bug-o. Iri kwaridnak pem-nen lesa wanurak mondok lak, ebe lak mende-nen yoso-o.

YAKOBUS 1:19

Nanggamirak kenabuwa worak wa-e. Wene yu kwara kinndi yebet ker-o. Ap pidsa mondok ndag-et nak kulurug-et nde, kenne orog-et yogolat, orog-et kinsilepma yogolat wolmomtag-o.

2 PETERUS 2:12

Alat nde, it iri na-ge indi lak wam nggal-et kwatli-o. It ap iri-ge tenaguruk, wururak pem nak ndesa mbidnak anggam naso ndakngge nggal-nen yili-o. Ir-e kwara inndi yebet kagit lag-et nggweyel inpili-o. Nde, anggam naso ndakngge wurugwi nggal, it ondomok-nen kwarugwi iri-net it lak tak unpuwa-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

YURAS 1:10

Alat nde, ap iri-nen-e it enaru buk mende nde mbilaro ngin tak pili-o. Nde, indi lak mende ndak wiridnak-nen yebet kaso nggal, it-nen yebet kagwi mende iri-nen-e it lak tak unpusu-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.

NAM PARA WENE 3:17

Kit-nen yogolar-e: ’Nit nenarengge kwarat, yi mende ndi mende ombo-nen yili-o. Nit-nen lak mende misik nendam worasu bug-o’ luk yili-t nde, kir-e kinpinil konmbomo na lak, we kunsu nggwarak worali iri-ge kenaru buk worali-o. Kinsilobulo na lak, kenlengen na ngguru, kunsum na lak, we koro nderak worali-o luk kenaru bug-o.