1 TIMOTIUS 6:18 - Nanduk Ngget Tul Pidnak Wene

¹⁸ ”Kir-e konak nak kwarogolat, konak nak kwarurak nggok tak pogolat, kinndi konak woragolat, kenarengge ap tembet ondogolat wolmer-o” luk nggomo indi-o.

1 TIMOTIUS 6:18 ပူးပေါင်းရင်းမြစ်များ

NDAWI ENGGA 112:9

At arengge-ge we irit insilobulo lak nap tembesa wok undusu-o. Ar-e pempa konak nak kwarosolat me, at nak mondok kek tak obogolat wolma-o.

NDAWI ENGGA 37:3

Kir-e kinndi-ge Nagawan Indo ebem wat tak puruk, konak nak kwarogolat wolmer-o. Kir-e o nggweyak iri na me woragolat, tugup lak irit wolmer-o.

AID WENE YOSO NAP 11:6

Kat-nen uwi pil kasolar-e, kuplila min-et kubu min-et pil kasolat wolmin-o. Ngge-nen nde konak mburuwa iri-ge nir-e nenaru buk me, nit-nen pil kul-e misik umbuk yosolat, misiget nak-nen mburuwa, lak? Are, mberensa-net mburuwa? Iri-ge nenaru bug-o.

AID WENE YOSO NAP 3:12

Nit nenambigir-e nit mot pem nunluk woragolar-e, nenalin nenalen pem woragolat momtak iri ombol pem ap misik worasu-ge lag-o luk an-e naru-o.

YESAYA 32:8

Alat nde, ap indi ngarak konak-nen-e konak nag-et yebet karuk, kwarosolat na konak iri na-t kwaroso-o.

YESAYA 58:7

Kit-nen idnak nunggwi mende-ge ap nere worali nab-e tembesa wok undurag-o. Ap unuwi na lak, enlengen ma na lak nab-e kenma rak onpogolat, ap unsum lak nab-e sum yirik onpogolat, kondomok keneyabi minggirik-nen ’Yongga nundurag-o’ yogola-ge, enne-t kulurag-o.

MATIUS 5:42

Nde, ap-nen nde kat karengge mbi kebem nggi yosola-ge, wok turag-o. Nde, ap-nen nde kat karengge luru tena woramindik wok kirimin-o luk yosola-ge, ene kola keya burak pug-o.

LUKAS 12:21

Nde, ap-nen Mbal Pem Nagawan erengen pem silobulo winde yurak peragit lak-nen at ondomok isilobulo winde yurak perasu nab-e iri nggal-et kwat ma-o” luk yij-o.

LUKAS 3:11

Yogolikma-ge, Yoanes-nen it yak ondosolar-e: ”Sum mberen worak nap-nen-e misig-e sum lak nap wok tosolat, nunggwi mende worak nap-nen na iri nggal-et kwasa tumbururag-o” luk yij-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 11:29

Kwat yosoloma-ge, Yesus ene wanugwi nap-nen-e Yurea woragwi ennggamirak tak inpidnak nap na yongga unduwog-o luk, it komondomok insilobulo ndak ndag-et menggasa enmanggim piga-o.

YIDNAK YIDNAK WENE 9:36

O Yope-nen Yesus ene wanoso kwe unu-ge Tabita irit woragaij-o. At unu-ge Yunani wene bem yogolar-e, Ndorokas-o. Nde, kwe iri-ge konak nak kwarosolat, isilobulo na we irit wok ondosolat woraso-o.

OROMA 12:13

Inndi angin tubu yidnak nap-nen ukwe peraidnak mende-ge yongga ondogolat wolmer-o. Ap sal na kinndi mbek tak pem-et kinmin tak unpuruk kenma rak enper-o.

OROMA 12:8

Ap inndi eyak wururak wok tidnak nde ala-ge, ap inndi eyak worosolat wolmag-o. Nde, at arengge ap tembesa wok undurak wok tidnak nde ala-ge, indi mbek tak pem-et wok ondosolat wolmag-o. Nde, ap lit eneyaruk nurak wok tidnak nde ala-ge, eberari lag-et ap lit eneyaruk nosolat wolmag-o. Nde, ap enabuwa kudtak wok tidnak nde ala-ge, alen min-et ap enabuwa kasolat wolmag-o.

1 KORINTUS 16:2

An lobok yosola tarem nak-nen tol ndok wuru-ge lag-o. Are, pempa pempa Hari Minggu tarem ndok worogolar-e, kit kenarik tak-net kontol wanugwi ndak ndak tol ereb-e menggesa ndok worogolat wolmer-o.

2 KORINTUS 8:12

Kir-e kenalen min-et pugup ala-ge, Mbal Pem Nagawan-nen kit kininggem woraso mende iri ndak ndak irit wanuwa-o. Nde, enarengge lak kagir-et nde, Mbal Pem Nagawan-nen ”Wok niri-o” luk yoso bug-o.

2 KORINTUS 8:9

Nit Nagawan Indo Yesus Kerisut-nen we wok ondoso elem iri-ge kir-e kenaru nar-o: At isilobulo kwarat worag-et nde, kit kenmanggim-nen isilobulo lak nap agaij-o. Iri agaid iri-ge at isilobulo lak yidnak pem-nen kit kinsilobulo kwarat winde rak kenpeyekluk-nen iri yij-o.

NGGALATIA 6:10

Iri bem-e, nir-e ap oboksa konak tak unpurak worala ya-t nanongga konak tak onpogolat wolmomtag-o. Nde, mondok konak tak unpurag-e, totno ninndi angin tubu yidnak pem-nen nonowe nonowot tak inpidnak nap irit konak tak unpuwog-o.

EPESUS 4:28

Nde, yariya wanoso nab-e tuguruk yariya wanurak pug-o. Are, at ondomok inggi-nen yabu amawisa wanuruk, konak nak kwarosolar-e, insilobulo lak nap tembesa wok endeyekluk yabu wanosolat wolmag-o.

1 TIMOTIUS 5:10

konak nak kwaroso bem ap pidsa enaru ala, ilirak kwara ndegel onposo ala, ap sal enal paroso ala, anggamirak inndi angin tubu yidnak nap unuwok maroso ala, anggun panggun woragwi nap yongga ondoso ala, wene poro bem yogolar-e, pempa konak nak kwaroso ala, unnu mbarurag-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

TITUS 3:8

An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.

IBERANI 13:16

Nde, kir-e konak nak kwarogolat, yongga yongga wolmomtak iri-ge meme rak purak pug-o. Iri kwarugwi iri-ge, Mbal Pem Nagawan alen tak pogolat, amanggim wam wosa pugwi nggal-nen yusu-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

1 PETERUS 3:11

Meya mende keya buruk, konak nak kwarosolat wolmag-o. Lambuksa wolmomtak elem kore yosolat, amawi kunduwag-o.

1 YOANES 3:17

Ap misik isilobulo kwarat worala-t nde, at anggam arengge lak me, indi kabak worala karug-et nde, at anggam yongga wirigit lak alar-e, iri yoso nab-e nggesa-nen ”An-e Mbal Pem Nagawan abuwa kasu-o” luk yuwa-o?

3 YOANES 1:11

Nanggam nindi kundik wa-e. Meya kwarugwi na kat-nen nde mul mul meya kwarurak pug-o. Are, konak nak kwarugwi irit nde mul mul kwarurag-o. Konak nak kwarugwi nab-e Mbal Pem Nagawan ilirak-nen yili-o. Nde, meya nak kwarugwi nab-e Mbal Pem Nagawan kagwi buk nap-net yili-o.