1 TIMOTIUS 6:17 - Nanduk Ngget Tul Pidnak Wene

¹⁷ Nggweyak ma mende winde nap nggomo ondosolar-e: ”Kenambik kek yurak pug-o. Lak wolmomtak mende iri bem kinndi-ge mbung mbung tak wolmomtak pug-o. Are, nit nenalen kujwakluk, yi mende ndi mende kwarat tak nonposo Mbal Pem Nagawan ebem nak kinndi mbung mbung tak wolmer-o” luk nggomo indi-o.

1 TIMOTIUS 6:17 ပူးပေါင်းရင်းမြစ်များ

NDAK WIRIDNAK WENE 13:2

Nde, Abaram iri-ge arengge kwarat, lomba wam nde kambing wam nde sapi wam nde perak tol nde emas tol nde ombo mondok kek tak irit woragij-o.

NDAWI ENGGA 104:28

Kat-nen wok ondosola-ge, it-nen-e waga pili-o. Kat-nen nunggwi mende lid lud tak posoma, ir-e ndonggosa nili-o.

NGGOMO WENE 23:5

Kat kisilobulo-ge isiyamu worak luk pubu towe wunun teram nggwe mbiridnak nggal kat karengge-ge enlengen sambok yidnak nggal nak lak ma-o.

NGGOMO WENE 27:24

Kek tak onposo yi mende ndi mende iri-ge mondok pem-e wolma bug-o. Iri-nen nagawan-nen o tena woragwi na pem irit o tena wolma bug-o.

NGGOMO WENE 30:9

Nde, an nde yi mende ndi mende ombo woralar-e: ”An-e abu mondok ndak worasu yu-t nde, no manggim-nen Mbal Pem Nagawan ukwe yimin-o?” luk nde yimin kwat ma-o. Alat nde, an-nen nde nisilobulo lak weralar-e, an-nen yariya wanosolat, Mbal Pem Nagawan kat kunu-ge emben to rak pimin nde ma-o.

YEREMIA 2:31

Isarael nap wa-e. An-nen yusu wene yu kwara koler-o. An-e kit kenmanggim-e nembaga usu nggwarak nggal kwat yosolat, nggweyak ndamuk mom ndirik nggal kwat yosolat yigi-a? Alat nde, kit-nen yogolar-e: ’Nir-e weserak nindi-n pidnak yeba-t nul-o. At eram tuguruk mbururag-e ninmbir-o’ yili iri-ge noluk-nen yili-o?

NDANIEL 4:30

at-nen yosolar-e: ”Yik ker-o. Mbabel siri yu-ge mondok wir-o! An namawi min numbunu min an nggok kek tak woraso min iri na yenggerak kudtag-e an-nen tenagidnak wi arem o siri nggok yu wirigi yur-o!” luk yij-o.

OSEA 13:6

Alat nde, kir-e o konak ma woragolat, yi mende ndi mende ndak kinmbitsa woragolar-e, kir-e kinndi kek yogolat, an-e meme rak nibigeb-o.

MATIUS 12:32

Ta-nen nde Ap Ambara imin meya wene yuwa-ge Mbal Pem Nagawan-nen amberam tak puwa-t nde, Konak Indi imin meya wene yuwa-ge, yawo-nen na, abok na abok na-nen na, Mbal Pem Nagawan-nen amberam tak puwa bug-o.”

MATIUS 19:23

Mborosoloma-ge, Yesus-nen at owosirak yak ondosolar-e: ”An yak kendeyeg-o: Insilobulo kwarat winde nab-e Mbal Pem Nagawan-nen tenagaidnak wi nggurag-e angin worak-nen yusu-o.

MATIUS 25:16

Mborosola karuk, at tol lima wanid nap na ndaget nak wene worosola, orol iri na konogolar-e, tol-e lima nde nambena wanij-o.

MATIUS 27:57

O ki yosola-ge, o Arimatea nap, isilobulo worak nap unu-ge Yusup iri na lobok yij-o. At iri na irit Yesus imin noso nab-er-o.

MATIUS 6:32

Iri mende oboksa-ge Mbal Pem Nagawan enaru buk nap-nen yibikngonesa kore yugwi-o. Nde, kit kinndi kabak yidnak mende iri perak nde, Kineid aid arem woraso iri-nen-e aru-o.

MARAKUS 10:24

Yosoloma-ge, at owosirag-e wene iri na kulurug-e, wi yiga-t nde, Yesus-nen tuguruk yak ondosolar-e: ”Nowosirak wa-e. It inndi silobulo nak yebet kali nab-e Mbal Pem Nagawan-nen tenagaidnak wi iri me nggurag-e angin kwarar-o!

LUKAS 19:2

O iri me-ge isilobulo worak nap pemerinta enmanggim tol ndok wurugwi nap enanggul pem kek tak unu-ge Sakius irit woragaij-o.

LUKAS 3:11

Yogolikma-ge, Yoanes-nen it yak ondosolar-e: ”Sum mberen worak nap-nen-e misig-e sum lak nap wok tosolat, nunggwi mende worak nap-nen na iri nggal-et kwasa tumbururag-o” luk yij-o.

YIDNAK YIDNAK WENE 14:17

Irit nde, at na at-net nam yaga mirik konposolat-nen konak mende nin tak nan tak wok kondosolar-e, mbal nggwe-nen talme wok kondosolat, ndilagi woragwi tarem na wok kondosolat, nunggwi mende wok kondosolat, kenalen tak konposolat yoso-o” luk yiga-o.

YIDNAK YIDNAK WENE 14:27

Iri na me wok lug-e, lambuk tak inpidnak nap na ndok worak unpuruk, Mbal Pem Nagawan-nen it inmin kwaridnak mende pidsa-t kenggera yak ondogolat, Mbal Pem Nagawan-nen enlem nin nap inndi angin tubu yurak tu kuwarak pidnak wene na yak ondogolat yiga-o.

YIDNAK YIDNAK WENE 17:25

At-nen-e ab-e ap pidsa unluk yaga wok ondosolat, indisep wok ondosolat, yi mende ndi mende wok ondoso me, at-nen lak mende mbi mondok lak me, ap ininggi-nen at ndegel uburag-e lag-o.

OROMA 11:20

Iri-ge ndemeret nde, it iri na-ge inndi angin tubu yigit lak pem-nen mbarak inpij-o. Nde, kit kinndi angin tubu yigep pem-e, kundik tugup lak worali-t nde, iri bem kit kondomok kek yurak pug-o. Are, mondok kwiye min-et wolmer-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

TUGURUK YIDNAK WENE 33:15

Nanduk-nen woraso ondobo ereba bem-e yi mende ndi mende mondok konak mende ereba-t kobong tak wolmag-o.

TUGURUK YIDNAK WENE 8:17

Iri bem-e kit-nen yebet kagolar-e: ’Nit nondomok nenmawi bem-net nenmawi kondogolat yi mende ndi mende ombo yili-o’ luk yebet kudtak pug-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

1 TESALONIKA 1:9

Are, iri wene kuliga nap it ondomok-nen kenggera yak nondogolar-e, nir-e kit kendam wok yogola-nen wok ninpigep wene min kit nanduk kugiwak kwarugwi keya buruk, nden karuk Mbal Pem Nagawan ambigit nggwe lobok yigep wene min ndemeret uruk nak woraso Mbal Pem Nagawan ndegel ibili wene min

1 TIMOTIUS 1:3

Nde, an-e Makeronia nggwe mbereyekluk yosolar-e, ”Kar-e mondok Epesus wolmin-o” luk yak kirigi nar-o. Nde, Epesus woralar-e, iri me-nen ap kabak tak unpugwi wene mul indili nap ereba na inmin-e ”Wene iri yurak pug-o” luk met unpurag-o.

1 TIMOTIUS 3:15

Alat nde, an ndag-et lobok yigit lak nde ala-ge, Mbal Pem Nagawan ama woragwi nap nggal, uruk nak woraso Mbal Pem Nagawan-nen idnak lambuk tak inpidnak nap nir-e ngge nggal woragwi-o luk karu yonokluk-nen mbarusu-o. Nde, lambuk tak inpidnak nab-e ndemeret wene paro min eyogo woraso min-nen yusu-o.

1 TIMOTIUS 4:10

Nde, uruk nak woraso Mbal Pem Nagawan na ebem ninndi kwara mbung mbung tak worali me, nir-e nenmawi kondogolat, yabu kwarat wanili-o. Nde, Mbal Pem Nagawan iri-ge ap oboksa Inmiri Yoso Nab-et nde, nggog-e inndi angin tubu yidnak nap Inmiri Yoso-nen yusu-o.

1 TIMOTIUS 5:21

Mbal Pem Nagawan min Kerisut Yesus min lenak inpidnak aid nap min inmbiri bem-et wene yu-ge nene amawi min-et yak kurusu-o. Mirik kubusu wene yu nak kat-nen kwarosolar-e, ap misig-e kindingen tak puruk, op tak posolat, nde, ap misig-e kisili rak puruk, meya rak posolat yurak pug-o. Are, mot mot nak kwarosolat wolmin-o.

1 TIMOTIUS 6:13

Yi mende ndi mende pidsa unluk wolmomtak mende wok ondoso Mbal Pem Nagawan imbiri bem-et, Pontius Pilatus anggarem ndemeret wene kinggirid nap Kerisut Yesus imbiri bem-et, kiri keresa wene yu yak kurusu-o:

1 TIMOTIUS 6:9

Alat nde, ”Ninsilobulo worak nap yuwog-o” yugwi nab-e it inndi ngaroso mende bem-nen wosa mbogolat, kere ma ngonok yogolat, ebe lak mende, meya rak onposo mende irit ukwe ukwe yili-o. Iri mende-nen-e ap abapno rak onposolat, ap lak tak onposolat yoso-o.

2 TIMOTIUS 4:10

Nde, Ndemas na-ge nggweyak ma mende indingen tak puruk, an yumbuk neyaruk, Tesalonika mbirij-o. Kereskes na-ge Nggalatia mborosolat, Titus na-ge Ndalmatia mborosolat yiga-o.

TITUS 2:12

We wok ondoso elem-nen mul nondosolar-e: ”Mbal Pem Nagawan isili rak pidnak kwarugwi min nggweyak ma mende ukwe ukwe yugwi min iri na mbo buruk, nggweyak ma yu me woragolar-e, kondomok kinndi towarak woragolat, mot mor-et kwarogolat, Mbal Pem Nagawan indi aye worak wolmer-o” luk mul nundusu-o.

TITUS 3:6

Ninmiri Yoso Yesus Kerisut ebem Mbal Pem Nagawan-nen Konak Indi-ge nit nenpem kwarat nggilara mberak pij-o.

2 PETERUS 1:11

Iri kwarak woragola-ge, Nenagawan Indo Ninmiri Yoso Yesus Kerisut-nen tenagaidnak wi, pem-et woralik nalik wolmomtak wi iri me nggurak nap ndak tak kunpuwa-o.