1 TIMOTIUS 6:11 - Nanduk Ngget Tul Pidnak Wene

¹¹ Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.

1 TIMOTIUS 6:11 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 13:1

Nde, iri tarem-e Mbal Pem Nagawan ene lomboksa yoso nap misig-e o Yewura woragij-o. Worasoma-ge, Nagawan Indo-nen-e: ”Mbetel mbiri-o” yak tij-o. Yosoloma, mberarik Mbetel wok yidnggal-e, Yerobeam iri na-ge wam wosa kan peyekluk kan pugwi sa lagarik worasoma wok yij-o.

1 NAGAWAN NAGAWAN-NEN KWARIDNAK WENE 17:18

Wat yosoloma, kwe togwe iri na-nen Elia yak tosolar-e: ”Mbal Pem Nagawan ndegel oboso nap wa-e. Nab-o. Kar-e noluk-nen yu nggal kwat nigiben-o? Kat an neram lobok yigen yu-ge an meya yidnak ereba na Mbal Pem Nagawan-nen nimbiri parosolat, an-nen meya kwaroso iri na-nen ndowaga nambara yu wat yuwakluk lobok yigenma, lak?” luk yak tij-o.

1 NAGAWAN NAGAWAN-NEN KWARIDNAK WENE 17:24

Yosoloma, kwe togwe iri na-nen yosolar-e: ”Yawo-nen perak mondok naru yusu-o. Kar-e ndemeret Mbal Pem Nagawan ndegel oboso nab-er-o. Kat-nen yusu wene-ge ndemeret Nagawan Indo-nen yidnak wene-t yusu-o” luk yak tij-o.

2 NAGAWAN NAGAWAN-NEN KWARIDNAK WENE 1:13

Iri rak inpij-et nde, tugurug-et nagawan iri na-nen-e ap san ombo wari misik owosirak enpe lima pulu inmin wirik pamu, ndobo bem lagarig-e, Elia eram wok yosolar-e, endaru yunggusa kore yosolat-nen yosolar-e: ”Mbal Pem Nagawan ndegel oboso nap wa-e. An nowosirak inmin yu-ge nenabuwa kasolat-nen ninmiri yi-o!

2 NAGAWAN NAGAWAN-NEN KWARIDNAK WENE 1:9

Yosolug-e, at-nen-e ap san ombo wari misik owosirak lima pulu (50) inmin-e Elia tenaguwakluk wirik pamu, san ombo wari iri na mbiridnggal-e, Elia iri na-ge ndobo misik pem koreyak worasoma, eram wok yosolat-nen yosolar-e: ”Mbal Pem Nagawan ndegel oboso nap wa-e. Nagawan-nen yosolar-e: ’Mbuwasug-o’ yak kirij-o” yak tij-o.

2 NAGAWAN NAGAWAN-NEN KWARIDNAK WENE 23:17

at-nen kin wanosolar-e: ”Yu-ge ta yapma ibidnag-o?” luk kin wanij-o. Iri yosola, Mbetel nap-nen yogolar-e: ”Iri-ge Mbal Pem Nagawan ene lomboksa yoso nap yapma ibidnag-o. At iri-ge Yewura-nen lobok yarik, yawo kat-nen wam wosa kan pugwi ondoro lak tak pusu yeba-ge at-nen ’Iri kwaruwa-o’ luk urul pidnak ndak ndag-et kwarusu-o” luk yak tiga-o.

2 NAGAWAN NAGAWAN-NEN KWARIDNAK WENE 5:20

Elisa ndegel oboso nap Nggekasi iri na-nen yebet kasolar-e: ”Noluk-nen Naman iri-ge onggo pigit lak keya nak ebamu mbirij-o? An neid Elisa-ge Siria nap iri-nen wok tidnak silobulo-ge wanurag-et nde, keya bij-a? Iri ala-ge, Nagawan Indo uruk nak woraso nggal-o, mondok imbirik muk kamindik, silobulo mbi-ge mondok wog-et nuruwag-o” perasolug-e,

NDAWI ENGGA 34:14

Meya kwarugwi iri keya buruk, konak nak kwarogolat wolmer-o. Lambuksa wolmomtak elem iri nak nggok tak pogolat wolmer-o.

NGGOMO WENE 15:9

Wene tarugwi nap-nen kwarugwi iri-ge Nagawan Indo-nen-e isili kaso-o. Alat nde, Nagawan Indo indi-n pidnak kwatli nab-e enabuwa-t kaso-o.

OROMA 14:19

Iri bem-e nit-nen pempa kwarurag-e, lambuk tak onposo mende min ninndi uwi yak kerak mburak mende min kwaruwog-o.

1 KORINTUS 10:14

Nenggamirak kenabuwa worak wa-e. Iri bem-e, kugiwak erembel wanurak pug-o.

1 KORINTUS 14:1

Iri bem-e, ap enabuwa kagwi iri-ge muk ker-o. Konak Indi-nen tembet ondoso mende irit wanurak pem kit na kit-net kenmawi kondogolar-et nde, nggok lombog-e Mbal Pem Nagawan-nen yidnak wene lomboksa yurak iri wanurak kenmawi konder-o.

1 KORINTUS 6:18

Ap onkwe yebugwi iri mondok keya ber-o. Yi meya ndi meya mende kwarogolar-e, ap enpe meya rak onposo bug-et nde, at mbabi yusu nab-e at ondomok ebe meya rak ubusu-o.

TUGURUK YIDNAK WENE 33:1

Musa na-ge wat yigit lak ma-net Mbal Pem Nagawan-nen len ibidnak nap Musa-nen Isarael nap inmbirmggat tak onposolar-e, wene-ge yu nggal yij-o:

1 TIMOTIUS 1:14

Nde, Nenagawan Indo-nen-e we wok ondoso elem kwarat tak nobosolar-e, Kerisut Yesus ebem-nen-e inndi angin tubu yugwi elem min enabuwa kagwi elem min wok nirij-o.

1 TIMOTIUS 4:12

Kar-e ap sugwe me, ap misiger-o luk-nen te rak kuburag-e meya-o. Are, kat-nen inndi angin tubu yidnak nap kat kebage mirik onposolar-e, wene yoso bem-nen na, kat-nen kwaroso bem-nen na, enabuwa kaso bem-nen na, mot mot nak kwaroso bem-nen na, mbek tak woraso bem-nen na kat kebage irit it-nen kwaruwakluk mirik onposolat wolmin-o.

1 TIMOTIUS 5:10

konak nak kwaroso bem ap pidsa enaru ala, ilirak kwara ndegel onposo ala, ap sal enal paroso ala, anggamirak inndi angin tubu yidnak nap unuwok maroso ala, anggun panggun woragwi nap yongga ondoso ala, wene poro bem yogolar-e, pempa konak nak kwaroso ala, unnu mbarurag-o.

1 TIMOTIUS 6:20

Timotius wa-e. Kat kebem pidnak mende iri-ge kwara parugu wolmin-o. Nde, ebe lak wene min Mbal Pem Nagawan indi-n peraso buk wene min enaru yugwi mende-o luk yidnag-et nde, iri wene lit lit eyak wat kerak mbugwi wene min erep tenagurak pug-o.

2 TIMOTIUS 2:21

Ta-nen nde at meya yidnak keya buruk, at ondomok mat korasu nab-e nggok sakwi tarem-nen wanugwi piring nggal kwat ma-o. Piring iri ombo-nen arengge indi kundik woraso kwat luk, konak mende pidsa kwarurak lid lud tak pidnak piring nggal kwat ma-o.

2 TIMOTIUS 2:22

Ap sugwe-nen ukwe ukwe yugwi mende iri keya buruk, it inndi mbek tak pem-net Nagawan Indo emengen mbarugwi nap inmin-et kwarosolar-e, lud tak nak kwarugwi mende min inndi angin tubu yugwi elem min ap enabuwa kagwi elem min lambuksa woragwi elem min nak langgal luk mbiri-o.

2 TIMOTIUS 3:10

Alat nde, kar-e an-nen mul ondoso min an-nen woraso nebage min an-nen yebet karuk kwaroso min an nindi angin tubu yidnak min an-nen mamak puruk woraso min an-nen ap enabuwa kaso min an-nen tugup lak woraso min

2 TIMOTIUS 3:17

Mbal Pem Nagawan ndegel ubugwi nap-nen-e yi kwatlik ndi kwatlik kwarogolat konak nak kwaruwakluk Mbal Pem Nagawan engga-nen-e iminep mbarak lid lud tak unpusu-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

1 PETERUS 3:11

Meya mende keya buruk, konak nak kwarosolat wolmag-o. Lambuksa wolmomtak elem kore yosolat, amawi kunduwag-o.

1 SEMUEL 2:27

Nde, misik tarem-e Nagawan Indo ene lomboksa yoso nap mbi Eli eram lobok yosolat-nen Eli yak tosolar-e, Nagawan Indo-nen wene wosa pidnak wene yu-t yak tij-o: ”Konmbo Arun min at ama woragwi nap inmin-e Mesira nagawan iri na ndegel ubugwi nap kwatluk ndegel obogolat woragola-ge, an-e Arun imbiri bem nam yukmu-o.

1 SEMUEL 9:6

Yak tosoloma-ge, ndegel oboso nap iri na-nen onggo yosolar-e: ”Pug-o, nab-o. O siri yu me-ge Mbal Pem Nagawan ndegel oboso nap misik worasu-o. Nde, at-nen iri nggal kwat ma-o yidnag-e mondok iri na-t kwat yoso me, at iri-ge kek tak ubugwi-o. Iri ala-ge, at eram nde mburuwog-o. Kelerai lak yid ereba na worasu wene-ge at-nen yak nunduwa nde ma-o” luk Saul yak tij-o.