1 TIMOTIUS 5:8 - Nanduk Ngget Tul Pidnak Wene

⁸ Alat nde, at lolo min at ambik ama woragwi nap min ndegel onposo buk nab-e at indi angin tubu yidnak iri nak keya busu-o. Nde, inndi angin tubu yigit lak nab-et meya kwarugwi-t nde, at-nen meya kwarusu iri-ge terak minik-net yusu-o.

1 TIMOTIUS 5:8 ပူးပေါင်းရင်းမြစ်များ

NDAK WIRIDNAK WENE 30:30

An lobok yigit lak ma-ge, nimi karengge-ge marig-et woragij-et nde, yawo-ge an nebem-nen Nagawan Indo-nen imbiringgat tak kobosolar-e, karengge kwarat tak pij-o. Nde, yawo-ge an-e nogwela enmanggim yabu wanimin-o” luk yak tij-o.

YESAYA 58:7

Kit-nen idnak nunggwi mende-ge ap nere worali nab-e tembesa wok undurag-o. Ap unuwi na lak, enlengen ma na lak nab-e kenma rak onpogolat, ap unsum lak nab-e sum yirik onpogolat, kondomok keneyabi minggirik-nen ’Yongga nundurag-o’ yogola-ge, enne-t kulurag-o.

MATIUS 18:17

Alat nde, at-nen nde it iri na enne na kuligit lak ala-ge, wene iri-ge lambuk tak inpidnak nap inmbiri bem-net yurag-o. Yukmu nde, at-nen-e lambuk tak inpidnak nap na enne na kuligit lag-et ala-ge, at iri na-ge Mbal Pem Nagawan aru buk nap nggal, pemerinta enmanggim tol ndok woroso nap nggal irit yik kagolat wolmomtag-o.

MATIUS 7:11

Iri ala-ge, kir-e meya yugwi nab-et nde, konak mende nak kinlirak wok undugwi kenaru me, Kineid aid arem woraso-nen-e at ebem nggi yuwa nap iri na konak mende wok unduwa irir-o!

YOANES 15:22

Nde, an-e lobok yigirik, wene yak indigit lak yiginggal-e, it meya yidnag-e enpem pigit lak yeleb-o. Alat nde, yawo-ge it meya yidnak lumuruwokluk tu kore yurak na meya-o.

1 KORINTUS 6:6

Are, anggam misik-nen anggam na ebem wene mbaruwakluk, inndi angin tubu yigit lak nap endam mburugwi-a?

2 KORINTUS 12:14

Yawo kenan pem tak posolar-e, an-e kit kendam lobok yurak pem lid lud tak puruk worasu-o. Nde, kit kenarengge wanosolat, angin tak kinpimin pug-o. An-e kit kenarengge ukwe-nen yusu-ge lag-o. Kenpe perak nde nindingen keneyasu-o. Nde, li marik-nen it ineid iniya enmanggim silobulo ndok wurugwi bug-o. Are, ineid iniya-nen perak nde inlirak enmanggim silobulo ndok wurugwi-o.

2 KORINTUS 6:15

Kerisut min Sere min-e nggesa-nen inndi misiget ma-o? Nde, indi angin tubu yidnak nap min indi angin tubu yigit lak nap min-nen no mende lambuksa kwaruwa-o?

NGGALATIA 6:10

Iri bem-e, nir-e ap oboksa konak tak unpurak worala ya-t nanongga konak tak onpogolat wolmomtag-o. Nde, mondok konak tak unpurag-e, totno ninndi angin tubu yidnak pem-nen nonowe nonowot tak inpidnak nap irit konak tak unpuwog-o.

2 TIMOTIUS 2:12

Nde, nir-e neneyak linggirik nde wulmulndig-e, at imin nagawan wulmul-o. Nde, nit-nen nde at imin-e ’Naru bug-o’ luk yogola-ge, at-nen na nit ninmin-e ’Naru bug-er-o’ luk yuwa-o.

2 TIMOTIUS 3:5

Enaboro nak-nen aid wene wanili-t nde, aid wene amawi-ge it enarem nggurag-e insili ma-o. Iri nggal kwarugwi nab-e kombol wok indi-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

2 PETERUS 2:1

Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

NAM PARA WENE 2:13

Kit worali sa iri-ge an-e naru-o. Sere-nen tena woraso sa iri me-t worali-t nde, kir-e an puksa tena nuburuk worali-o. An-nen yidnak wene mot mot nak konggoroso nap Antipas na-ge kit kennggendumu-nen Sere woraso sa iri me-nen wiriga-t nde, kir-e kinndi an nebem angin tubu yidnag-e keya bigit lag-o.

NAM PARA WENE 3:8

Kit-nen kwatli iri-ge an-e naru-o. Kit kenmawi marig-et alat nde, an-nen mul kindidnak wene wanogolar-e, an-nen yidnak yidnak kundugu kwarogolat woraigeb-o. Nde, an-nen kit kenmanggim tu misik kuwarak pigi iri-ge ap misiger-o luk-nen lerak purag-e meya-o.