1 TIMOTIUS 5:17 - Nanduk Ngget Tul Pidnak Wene

¹⁷ It ogore yidnak nab-e yabu konak nak wanogolat-nen: ”Iri nggal, yu nggal kwarurag-o” yugwi nap ala-ge, mondok kwara mberen pem tak pidnak nggal-et unnu kek tak purag-o. Nde, nggok lombog-e it aid wene yogolat, ap mul ondogolat inligak mbusu irit kwat unpurag-o.

1 TIMOTIUS 5:17 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 2:9

Ndil laigarik, eyak ele bem woklug-e, Elia-nen Elisa yak tosolar-e: ”Nagawan Indo-nen an nimin luk lagit lak ma-net kat-nen kindi bidnak mende-ge nebem nggi yurag-o” yak tij-o. Yosoloma, Elisa-nen onggo yosolar-e: ”An-e kat kondolma kwat yek-nen kat-nen idnak kamawi wok niri-o” yak tij-o.

YESAYA 40:2

Kit-nen Yerusalem nap inndi wi yabogolat-nen yak ondogolar-e: ’Ininggiyapma rak kunpuruk woragwi mende-ge lak yij-o. Kit-nen meya kwarugwi mende-ge an-nen nemberam tak pigi-o. Kit-nen meya kwarugwi oboksa ereba na bem-et Nagawan Indo an-nen angin worag-e mberen pem nambena kenpem pigi-o’ luk yij-o” yak ender-o.

SAKARIA 9:12

Mbo kinpidnak nap yawo kinndi at ebem mbung mbung tak worali nap wa-e. Tuguruk lobok yer-o! Kit kinmiri yurak sa tuguruk lobok yer-o. Mondok kwara koler-o: Kir-e pempa andi bandi kagolat woragwi bem-e an-nen-e mberen pem nggal nambena imbiringgat tak konposolat woramin-o.

MATIUS 24:25

Kwara kinndi yebet ker-o. Awo kwarigit lak ma-net yak kindigi nar-o.

LUKAS 10:7

Kir-e nggugup sa iri me-t woragolar-e, yabu wanidnak nab-e onggo-ge wanugwi me, it-nen mak kunduwa nunggwi mende nonggolat, yi nonggolat irit wolmer-o. Nde, kit-nen o nin me nggwilik, o nin me nggwilik waring kudtak pug-o.

LUKAS 12:42

Yosoloma-ge, Nagawan Indo-nen at yak tosolar-e: ”Mot mot kwaroso, indi nggat nggat worak ndegel oboso nab-e ta nde kali-o? Eid iri nin sa mbereyeklug-e, iri yidnak nap-nen-e yi mende ndi mende lid lud tak puwakluk, at inggem posolat, ndegel ubugwi nap ereb-e norak tarem wok yosola, nunggwi mende mak unduwakluk, at inggem posolat ma nap iri-nen yusu-o.

YOANES 4:38

Kit-nen yabu wanigit lak sa-t nde, mburu ndagobokluk-nen wirik kinpigi-o. Nin nap-nen yabu wanuruk, yagaidnak mburu-ge kir-e kenalen pem we-t ndakub-o” luk yak indij-o.

YIDNAK YIDNAK WENE 11:30

Iri kwasa yigarik, silobulo na pil mborogolar-e, Mbaranabas min Saulus min ininggem pikma, ogore yidnak nap wok indil mbiriga-o.

YIDNAK YIDNAK WENE 20:35

Nde, namawi min-et yabu wanosolat woragi iri-ge nir-e yabu iri nggal wanogolat-nen ap ndeyak mondok yongga undurag-o luk mirik kinpigi-o. Nde, Yesus at ondomok-nen yosolar-e: ’Wanugwi iri-ge marig-et nde, ap wok undugwi iri-ge mondok imbiringgat-nen yusu-o’ luk yidnak iri-ge iri kwarogolat-nen yeberak wulmul-o” luk yak indij-o.

YIDNAK YIDNAK WENE 28:10

Iri ala karug-e, ir-e kwarat kek tak nonpogolat, nir-e e koma arem mborogola, nit-nen ukwe kagwi mende pidsa wok nindil lobok yiga-o.

OROMA 12:8

Ap inndi eyak wururak wok tidnak nde ala-ge, ap inndi eyak worosolat wolmag-o. Nde, at arengge ap tembesa wok undurak wok tidnak nde ala-ge, indi mbek tak pem-et wok ondosolat wolmag-o. Nde, ap lit eneyaruk nurak wok tidnak nde ala-ge, eberari lag-et ap lit eneyaruk nosolat wolmag-o. Nde, ap enabuwa kudtak wok tidnak nde ala-ge, alen min-et ap enabuwa kasolat wolmag-o.

OROMA 15:27

Iri kwarurag-e it ondomok inndi peraruk wene iri mbariga-t nde, iri kwarurak iri-ge it-nen kwarurag-er-o. Nde, Yawuri nap-nen-e it-nen idnak aid wene-ge enlem nin nap tembesa wok indidnak pem, it enlem nin nap-nen-e it enarengge nggweyak ma mende na Yawuri nap tembesa wok undurak iri-ge ndag-er-o.

OROMA 16:12

Enmawi min Nagawan Indo ndegel ubugwi kwami Teripena min Teriposa min inmin-e ”Wa yak kindij-o” luk yak undurag-o. An nindi kundik kwe Peresis-nen-e Nagawan Indo eyabu kwarat wanoso kwe iri na imin-e ”Wa yak kirij-o” luk yak turag-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

1 KORINTUS 16:16

Iri nggal kwarugwi nap min it totno yabu wanogolat, ap ndegel onpogolat yugwi nap min-e kit-nen na it-nen yidnak yidnak kwarogolat wolmer-o luk an-e kenmengen mbarusu-o.

1 KORINTUS 3:9

Nir-e Mbal Pem Nagawan imin yabu misiget erep wanili-o. Mbal Pem Nagawan eyabu min Mbal Pem Nagawan uwi worak min-e kit-nen yili-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

NGGALATIA 6:6

Aid wene mul tidnak nap-nen-e at arengge konak mende iri na ereb-e at mul toso nap na wok tosolat wolmag-o.

PILIPI 2:16

unlug-et wolmomtak wene iri-ge it yak ondogolat woragub-o. Kit nde iri nggal kwarugup pem-e, an-nen pong kasolat woragi min anggun panggun kasolat woragi min-e ebe lak mende yigit lak, are, Kerisut-nen idnak Tarem-nen kit kenpem-e an nalen kamin-o.

PILIPI 2:29

At iri-ge Nagawan Indo ebem-et kit konowot tak pidnak me, kenalen min-et wok uburag-o. Nde, at min at-nen kwaroso nggal kwarugwi nap oboksa min-e unnu kek tak pogolat wolmer-o.

PILIPI 4:3

Nde, an tot-no yabu wanosolat, mot mot nak yabu wanoso nanggam Sunsugos wa-e. Kwami mberen iri min Kelemens min an totno yabu wanugwi nap erep na min-e an nimin totno aid wene wigarogolar-e, enmawi kundidnak me, kwami mberen iri-ge kat-nen yongga indi-o luk kemengen mbarusu-o. It iri unnu-ge unlug-et wolmomtak engga bem mbarak worasu-o.

1 TIMOTIUS 3:5

Nde, at-nen-e at ama woragwi nap na kwara yik eneyarok woraso buk ala-ge, nggesa-nen Mbal Pem Nagawan-nen idnak lambuk tak inpidnak nab-e yik eneyarok wolma-o?

1 TIMOTIUS 4:10

Nde, uruk nak woraso Mbal Pem Nagawan na ebem ninndi kwara mbung mbung tak worali me, nir-e nenmawi kondogolat, yabu kwarat wanili-o. Nde, Mbal Pem Nagawan iri-ge ap oboksa Inmiri Yoso Nab-et nde, nggog-e inndi angin tubu yidnak nap Inmiri Yoso-nen yusu-o.

1 TIMOTIUS 4:14

Konak Indi-nen we wok kiridnak mende iri-ge kar-e liring liring tak purak pug-o. Nde, we wok kiridnak mende iri-ge lambuk tak inpidnak nap-nen idnak ogore yidnak nap ininggi kanggul pem piga tarem-nen ”At iri nggal kwaruwa-o” luk kurul pidnak tarem-nen wok kirid nar-o.

1 TIMOTIUS 4:16

Kat-net kondomok kwil kwal korasolat, kat-nen mul ondoso wene kwara yik karok woralat min-o. Yu mende pidsa kwara kwarosolat wolmin-o. Nde, iri yugun pem-e, kat kondomok kimiri yosolat, kat-nen yidnak wene kuluwa nap na inmiri yosolat yugun-o.

1 TIMOTIUS 4:6

Kat-nen nde wene yu pidsa nennggamirak mul ondosola-ge, Kerisut Yesus ndegel oboso nap konak irit kwat yugun-o. Kwat yosolar-e, ninndi angin tubu yidnak elem iri-nen na, kat-nen yawo woralat langgal luk mburusu wene owak iri-nen na kat kindi umut nduruwa-o.

1 TIMOTIUS 5:19

Ogore yidnak nap ebem wene mbi pogola-ge, kulurak pug-o. Alat nde, ap mberen ala, kenan ala-nen ”Ndemerer-o” luk yogola-nen perak kulurag-o.

1 TIMOTIUS 5:3

Kweyap togwe-ge ndemeret togwe ala-ge enabuwa kasolat wolmin-o.

2 TIMOTIUS 2:6

Yabu wanoso nap-nen yabu wanosolat irigak mbidnak pem-e ebe yidnag-e at-net nanduk mbaroso-o.

2 TIMOTIUS 4:2

Aid wene yosolat wolmin-o. Aid wene yosolar-e, kologola na, kuligit lak ala na, it enpem-o luk kar-e lembesa yosolat nak wolmin-o. Ap kwara enaru rak posolat, it meya yidnak nam tak posolat, nggomo ondosolat, kindi mondok luruk puruk mul ondosolat wolmin-o.

IBERANI 13:17

Kit kennggendumu enne kolobokluk mendak inpidnak nap-nen yidnak wene wanogolat, it-nen yidnak yidnak nak kwarogolat wolmer-o. It-nen-e kit kinndi yik karok woragolar-e, perari yili bug-o. Iri yili iri-ge ap inndi yik karok woraidnak pem Mbal Pem Nagawan-nen an nebem wene mbaruwa-o peragoluk-nen yik keneyarok worali-o. Nde, kit-nen nde it-nen yidnak yidnak kwarogola-ge, it eneyabu-ge enalen min-et wanogolat wolma-o. Nde, kit-nen iri kwarigit lak yogola-ge, it inndi puru min-et eneyabu wanuwa iri-nen kit kenmanggim-e ebe worak mende ma-ge lag-o.

IBERANI 13:24

Kit kennggendumu enne kolobokluk mendak inpidnak nap oboksa min Mbal Pem Nagawan ilirak oboksa min-e ”Wiwa-o yak kindiga-o” luk yak undugup na-e. Kennggamirak Italia woragwi nap-nen na wa yak kindiga-o.

IBERANI 13:7

Nandug-et Mbal Pem Nagawan-nen yidnak wene yak kunduwakluk mendak inpidnak nab-e yebet yebet tak wolmer-o. It unluk woragolat-nen kwarugwi enpage iri-ge kwara lombot puruk, it-nen inndi angin tubu yidnak iri-ge iri nggal-et kit-nen na kinndi angin tubu yogolat wolmer-o.