1 TIMOTIUS 4:4 - Nanduk Ngget Tul Pidnak Wene

⁴ Mbal Pem Nagawan-nen ndak wiridnak tengge pidsa-ge konak nak-nen yusu-o. Misiget ter-o luk mondok wosama-ge lag-o. Are, pidsa nonggolar-e, Mbal Pem Nagawan wa yak turuk, norag-o.

1 TIMOTIUS 4:4 ပူးပေါင်းရင်းမြစ်များ

NDAK WIRIDNAK WENE 1:31

Mbal Pem Nagawan-nen-e ndak worak pid mende ereba na yik karug-e, alen kwarat kagaij-o. Kubu woraruk, kuplila kwat yid iri-ge enam tak posolat tarem-o.

YIDNAK YIDNAK WENE 10:15

Yuruk worasoma-ge, mberen pem tak posolat-nen ene iri na-nen yak tosolar-e: ”Mbal Pem Nagawan-nen sarik tak pidnak mende-ge kat-nen wosama rak pusu meyog-o” luk yak tij-o.

YIDNAK YIDNAK WENE 15:29

Nde iri-ge, nunggwi mende kugi amanggim pidnak min eyabi min pip ndonggoksa wat yidnak ino min mbabi yugwi min ereya-ge mondok keya burag-o. Nde, ereya mende nde keya bugupndig-e, konag-et kwarugub-o. Irir-o. Naptak wiwa-o” luk engga mbariga-o.

YIDNAK YIDNAK WENE 21:25

Alat nde, enlem nin nap inndi angin tubu yidnak nap enmanggim-e nit-nen mbarige wene na engga bem mbara wirik pogolar-e: ’Nunggwi mende kugi amanggim pidnak min eyabi min pip ndonggoksa wat yidnak ino min mbabi yugwi min mondok keya burag-o’ luk engga mbarige-o” luk yiga-o.

OROMA 14:14

An-e Nagawan Indo Yesus imin kundik woraso me, wene yu-ge an-e ”Irir-o” perasu-o. Yi mende ndi mende pidsa ondomok-net wosama yoso bug-o. Alat nde, ap inndi-nen peraidnak pem-et ”Yu-ge wosama-o” luk perasola-ge, iri mende-ge at amanggim-e wosama yusu-o.

OROMA 14:20

Nde, kar-e nunggwi mende iri-ne ndowaga Mbal Pem Nagawan eyabu na meya rak purak pug-o. Nunggwi mende pidsa-ge nalma nak-nen yusu-t nde, kat-nen nunggun iri-nen ndowaga ap erep meya yogola-ge, kat nasu iri-ge meya irit kwat yusu-o.

OROMA 14:6

Hari misik nggulok tak pusu nap iri-ge iri kwarusu iri-ge Nagawan Indo kek tak ubusu-o. Nde, nunggwi mende ugun nasu nab-e, ”Mbal Pem Nagawan wa-o” luk nasu me, Nagawan Indo kek tak posolat-nen nasu-o. Nde, ugun naso buk nap-nen-e ”Mbal Pem Nagawan wa-o” luk keya busu me, Nagawan Indo kek tak posolat-nen ninggit lak yusu-o.

1 KORINTUS 10:23

”Yi mende ndi mende pidsa nalma-nen yusu-o” yili-t nde, iri kwarurak mende ereb-e terak lesa wok nunduwa-ge lag-o. ”Yi mende ndi mende pidsa nalma-nen yusu-o” luk yili-t nde, yi mende ndi mende iri-nen yongga nunduwa bug-o.

1 KORINTUS 10:25

Ino onggo wanugwi sa-nen onggo pidnak wam-e limbinigit lag-et, we irit norag-o.

1 KORINTUS 10:26

Engga mbarak pem-nen yosolar-e: ”Nggweyak yu min ebem woraso mende pidsa min-e Nagawan Indo arengge nak-nen yusu-o” luk mbaridnak worasu-o.

1 KORINTUS 10:30

An-e Mbal Pem Nagawan wa yak turuk nasola-ge, Mbal Pem Nagawan wa yak turuk iri namin pem noluk an nobok purag-o?” luk yij-o.

TUGURUK YIDNAK WENE 32:4

Nagawan Indo yongga kondoso amawi worak, yabu-ge mondok iminep mbarak nak wanosolat, at-nen kwaril mboroso oboksa-ge mot mot nak kwaroso. Mbal Pem Nagawan iri-ge mondok mot mot nak kwaroso, ap enmberam laso buk-nen yusu-o. Ar-e ndemeret mondok konak nak kwaroso.

1 TIMOTIUS 4:3

Iri yidnak nap-nen yogolar-e: ”Kwe wanurak pug-o. Nunggwi mende ereb-e norak pug-o” luk yili-o. Alat nde, nunggwi mende iri-ge Mbal Pem Nagawan-nen nujwakluk ndak wiridnak me, inndi angin tubu yidnak nap min ndemeret wene enaru nap min-nen nonggolar-e, Mbal Pem Nagawan wa yak turuk norag-o.