1 TIMOTIUS 4:3 - Nanduk Ngget Tul Pidnak Wene

³ Iri yidnak nap-nen yogolar-e: ”Kwe wanurak pug-o. Nunggwi mende ereb-e norak pug-o” luk yili-o. Alat nde, nunggwi mende iri-ge Mbal Pem Nagawan-nen nujwakluk ndak wiridnak me, inndi angin tubu yidnak nap min ndemeret wene enaru nap min-nen nonggolar-e, Mbal Pem Nagawan wa yak turuk norag-o.

1 TIMOTIUS 4:3 ပူးပေါင်းရင်းမြစ်များ

NDAK WIRIDNAK WENE 9:3

Nggweyak pem yak yoso mende oboksa kat norak mende kwat yid iri na nggal-et, towe mena min urugup worak oboksa ereba-ge kat-nen nanokluk, wok kurusu-o.

MATIUS 14:19

Yurug-e, ap ereba na yak ondosolar-e: ”Tusuwangge bem kore yer-o” luk yak unduruk-nen mburu lima ereya na min keyane mberen ereya min wanuruk yarik, erengen aid arem nggwe lik karok woralat-nen-e Mbal Pem Nagawan wa yak tij-o. Iri luk, mburu ereya na ndek pendeksa at owosirak ininggem pamu-ge, it-nen-e ap ereba na tembesa mak indiga-o.

MATIUS 15:11

Ap enemnde nggwe nggoso mende iri-nen ap kopkap tobok tak onposo bug-o. Are, ap enemnde nggwe-nen wirik pugwi wene iri-net ap kopkap tobok tak onposo-o” luk yak indij-o.

MATIUS 15:36

mburu tuju ereya na min keyane min wanosoluk, Mbal Pem Nagawan wa yak turuk, mbara ligik purug-e, at owosirak iri na wok ondosola, it-nen-e ap kwarat iri na tembesa mak indiga-o.

LUKAS 24:30

Nde, it inmin nokluk, kore lug-e, Yesus-nen oroti wanuruk, Mbal Pem Nagawan wa yak turuk, ndeksa ligik puruk, tembesa mak indij-o.

YOANES 6:23

Nde, e koma ereb-e Tiberias nggwe-nen lobok yarik, Nagawan Indo-nen Mbal Pem Nagawan wa yak turuk, mburu tembet ondosola ningga sa eralu na kondok yil lobok yij-o.

YIDNAK YIDNAK WENE 27:35

Iri yak undurug-e, oroti mburu wanuruk, it pidsa inmbiri bem-et Mbal Pem Nagawan wa yak turuk, ndeksa ninggij-o.

OROMA 14:17

Nde, Mbal Pem Nagawan-nen tenagaidnak wi-ge nunggwi mende min yi min erep kundig-e lag-o. Are, Konak Indi-nen wok ondoso luk tak nak kwarugwi elem min yamuksa woragwi elem min enalin enalen kagwi min erep kundik-nen yusu-o.

OROMA 14:3

Kasa yeba-t naso nap-nen-e naso buk nap iri na pesel uburak pug-o. Nde, mbuu mburungga nak naso nap-nen-e ugun naso nap iri-ge Mbal Pem Nagawan-nen wok ibidnak me, at ebem wene mbarurag-e meya-o.

OROMA 14:6

Hari misik nggulok tak pusu nap iri-ge iri kwarusu iri-ge Nagawan Indo kek tak ubusu-o. Nde, nunggwi mende ugun nasu nab-e, ”Mbal Pem Nagawan wa-o” luk nasu me, Nagawan Indo kek tak posolat-nen nasu-o. Nde, ugun naso buk nap-nen-e ”Mbal Pem Nagawan wa-o” luk keya busu me, Nagawan Indo kek tak posolat-nen ninggit lak yusu-o.

1 KORINTUS 6:13

Nunggwi mende iri-ge unlum amanggim-o. Nde, unlum iri-ge nunggwi mende amanggim-o. Alat nde, Mbal Pem Nagawan-nen-e unlum min nunggwi mende enmberek lak tak puwa-o. Ap enpe iri-ge uwingga mbaruwakluk-nen ndak wirigit lag-o. Are, Nagawan Indo amanggim yidnak-nen yusu-o. Nde, Nagawan Indo-ge enpe amanggim yidnak-nen yusu-o.

1 KORINTUS 7:28

Alat nde, kat-nen kwe wanosolar-e, meya kwarusu-ge lag-o. Nde, kwe ndugum-nen ap wanosolar-e, meya kwarusu-ge lag-o. Alat nde, wok kerak mbidnak kwe min ap min-e nggweyak ma mende bem anggun panggun kali iri nggal kagup naru-nen yigi-o.

1 KORINTUS 8:8

Nde, nunggwi mende iri-nen Mbal Pem Nagawan eram panggo rak nonposo bug-o. Nir-e ninggit lak ala, marak mul-e lag-o. Nde, nonggolat na terak mena nggok mul-e lag-o.

KOLOSE 2:16

Iri bem-e, nunggwi mende bem ala na, yi norak wene bem ala na, inik inik sakwi wene bem ala na, waneya ngget yarosola kwarugwi bem ala na, we woragwi wene bem ala na, ap-nen ”Iri nggal-o” luk yak kondogola-ge, kulurak pug-o.

KOLOSE 3:17

Yi kwatlik ndi kwatlik kwarogolat na, yi wene ndi wene yogolat na, Nagawan Indo Yesus unu bem-net iri pidsa kwarogolar-e, at ebem-nen Nineid Mbal Pem Nagawan imin-e ”Wiwa-o” luk yak togolat woragup na-e.

1 TIMOTIUS 2:4

Ap pidsa inmiri yosolat, lud tak nak kwarugwi elem iri na enaru yogolat yurag-e Mbal Pem Nagawan indi-nen perasu-o.

1 TIMOTIUS 4:4

Mbal Pem Nagawan-nen ndak wiridnak tengge pidsa-ge konak nak-nen yusu-o. Misiget ter-o luk mondok wosama-ge lag-o. Are, pidsa nonggolar-e, Mbal Pem Nagawan wa yak turuk, norag-o.

1 TIMOTIUS 5:14

Iri bem-e, nit ninmin wim mbarak nap-nen nit nonpok pigit lak makluk, it togwe-net nde ndugum ala, ap wanuruk, inlirak ndaguruk, enma woragwi ndegel onpogolat wolmomtak iri-ge an-e nindingen-o.

IBERANI 13:4

Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.