1 TIMOTIUS 4:16 - Nanduk Ngget Tul Pidnak Wene

¹⁶ Kat-net kondomok kwil kwal korasolat, kat-nen mul ondoso wene kwara yik karok woralat min-o. Yu mende pidsa kwara kwarosolat wolmin-o. Nde, iri yugun pem-e, kat kondomok kimiri yosolat, kat-nen yidnak wene kuluwa nap na inmiri yosolat yugun-o.

1 TIMOTIUS 4:16 ပူးပေါင်းရင်းမြစ်များ

MBIRIGA WENE 23:13

Nagawan Indo an-nen yak kindigi wene-ge kwara yebet ker-o. Kir-e Mbal Pem Nagawan nin mbi erembel wanurak pug-o. Mondok unnu anggambut tet yurak pug-o” yij-o.

YESAYA 55:11

an nemndam nggwe-nen wirik pidnak wene-ge we ebe lag-et an neram tuguruk luma bug-o. Alat nde, an nindi-nen pidnak ereba na kwat yosolat, an nindi-nen ’Kwat mag-o’ yidnak ereba na ebe kwarak posolat yoso-o.

YEREMIA 23:22

It-nen nde an nindi arem worasu enaru nggal-nen-e an nemndam-nen wirik pidnak wene-ge an nilirak yak endelepma, an nilirag-e it-nen meya kwarugwi min it enpage meya min ereba-ge mondok keya buruk, kondok yeleb-o.

MARAKUS 13:9

Alat nde, kir-e mondok kwara wolmer-o. Tenaga lit kunpuruk mburuwarik, wene mbarugwi nap ininggem konpogolat, Yawuri nap tepan yugwi ma-nen mbut kondogolat, an nebem ala, pemerinta nap min nagawan nagawan min ininggem kunpuwa-o. Nde, iri kunpuwa iri-ge an-nen yidnak wene it kenggera yak undurak tarem nanongga-nen yusu-o.

LUKAS 21:34

Yuruk, Yesus-nen yosolar-e: ”Kir-e kinndi-ge nunggwi mende nggok sakwi min enanggul nden kaso yi ndonggosa nunggwi min nak ebem pogolat, kit-nen kwarurak mende nak kunmud kagolat woragolar-e, kir-e lid lud tak pigit lak worakmu mimo wok yimin-o luk kir-e mondok kwil kwalsa wolmer-o.

YIDNAK YIDNAK WENE 26:22

Alat nde, Mbal Pem Nagawan-nen yongga norosola me, yawo na an-e yu me mendak woralar-e, ap marik na irit, nggulok na irit oboksa kenggera yak undusu-o. Nde, an-nen kenggera yak ondoso wene iri-ge nin wene-ge lag-o. Are, Mbal Pem Nagawan ene lomboksa yugwi nap min Musa min-nen-e awo ma-net: ’Abog-e iri nggal-et kwaruwa-o’ luk yidnak wene-ge an-nen na iri na-t yusu-o.

YIDNAK YIDNAK WENE 6:4

Nde, nir-e tepan nak yilik, aid wene mul indilik kwarogolat wulmul-o” luk yak indiga-o.

OROMA 11:14

An iri kwarusu iri-ge an nelem nap enlengen ale rak posolat, it erep inmiri yekluk-nen iri kwarusu-o.

OROMA 16:17

Nowe nowosi wa-e. Ap kuri worak onpogolat, inndi angin tubu yidnak lak tak pogolat, mirik kinpidnak wene owak na kuruk togolat kwarugwi nap enabiyem-o luk kir-e kwil kwalsa wolmer-o luk an-e kiri keresa kenmengen mbarusu-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

1 KORINTUS 9:22

It ndeyak nap wok enpeyekluk, it ennggendumu woralar-e, an-e ndeyak nap nggal kwat yoso-o. It erep inmiri yeklug-e, an-e ap pidsa-nen kwarugwi nggal yi kwarugwi ndi kwarugwi pidsa kwarukmu-o.

1 KORINTUS 9:27

An-nen aid wene-ge nin nap yak indidnag-et nde, an mbo nubuwa naru, an nebe tebesa wolmaklug-e, an na an-net wat korasu-o.

EPESUS 4:14

Iri nggal yulndig-e, nir-e li marik nggal, yi ombolwak pem abung abung waring kagwi nap nggal, ennesiget yugwi nap-nen mul undugwi wene obube nggal iri-nen puk eneyagwi nap nggal yul-e lag-o. Ennesiget yugwi nap-nen enmberel puruk, ap kabak tak unpugwi-o.

KOLOSE 4:17

Nde, Arakipus na yak togolar-e: ”Nagawan Indo-nen eyabu kebem pidnak na mondok worok tak pugun na-e” luk yak ter-o.

1 TESALONIKA 2:16

Inmiri yurak wene-ge nit-nen enlem nin nap yak unduwa naru, it Yawuri nap-nen larok tak nunpuwokluk yiga-o. Iri nggal kwarogolar-e, it meya yidnag-e mondok kwarat ligik piga-o. Nde, yawo-ge Mbal Pem Nagawan isilepma-ge it enpem mondok pil mbuwasu-o.

1 TIMOTIUS 1:3

Nde, an-e Makeronia nggwe mbereyekluk yosolar-e, ”Kar-e mondok Epesus wolmin-o” luk yak kirigi nar-o. Nde, Epesus woralar-e, iri me-nen ap kabak tak unpugwi wene mul indili nap ereba na inmin-e ”Wene iri yurak pug-o” luk met unpurag-o.

1 TIMOTIUS 4:15

Kat-nen konak nak kwaroso kebage terak mena nggal lasu ap oboksa-nen kujwaklug-e, iri mende pidsa iri-ge mondok kwara kwarosolat wolmin-o.

1 TIMOTIUS 4:6

Kat-nen nde wene yu pidsa nennggamirak mul ondosola-ge, Kerisut Yesus ndegel oboso nap konak irit kwat yugun-o. Kwat yosolar-e, ninndi angin tubu yidnak elem iri-nen na, kat-nen yawo woralat langgal luk mburusu wene owak iri-nen na kat kindi umut nduruwa-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

2 TIMOTIUS 3:14

Alat nde, kar-e ndemeret wene mul korosola, kuluruk ndemerer-o luk wanigen wene iri-ge tena wolmin-o. Kat mul kiriga nap kar-e karu-o.

2 TIMOTIUS 4:2

Aid wene yosolat wolmin-o. Aid wene yosolar-e, kologola na, kuligit lak ala na, it enpem-o luk kar-e lembesa yosolat nak wolmin-o. Ap kwara enaru rak posolat, it meya yidnak nam tak posolat, nggomo ondosolat, kindi mondok luruk puruk mul ondosolat wolmin-o.

TITUS 1:9

At iri na-ge at mul tidnak ndemeret wene na puksa tena worasolar-e, ndemeret wene na bem-et ap kwara nggomo ondosolat, at imin eyak wurugwi nap-nen lugud tak yugwi wene na nam tak posolat ma-o.

TITUS 2:15

Wene yu oboksa mul ondosolat, nggomo ondosolat, meya kwarogola, met onposolat yosolar-e, kene amawi min-et yurag-o. Nde, ap misik-nen kat teberak nggal yik kiyudtag-e meya-o.

TITUS 2:7

Nde, kat na kebage ob-et kiyujwaklug-e, yi mende ndi mende kwarosolar-e, konak nak kwarugun na-e. Kar-e kindi mot mor-et woralat, ndemeret kindi-net mul ondosolat wolmin-o.

PILEMON 1:19

Nde, an nondomok ninggi-net yu mbarusu-o: ”Paulus an-net pidsa uwi yagimin-o.” (Alat nde, an namat kat kebem pidnak iri ”Iniksa kebem worasu-o” luk yak kururag-e lag-o. Nde, namat iri-ge kat kindi ngget wanigen min-et yigi-o.)

IBERANI 12:15

Kit kennggendumu-nen ap misik-nen-e Mbal Pem Nagawan-nen we wok ondoso elem keya buwa naru kwil kwalsa wolmer-o. Kit kennggendumu-nen ap misik-nen ngari worak emengen nggal lasolar-e, ninggis mende-nen ap kwarat meya rak unpuwa naru, kwil kwalsa wolmer-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

YAKOBUS 5:20

engga wene yu kinndi yebet yebet tak wolmer-o: Ta-nen nde meya yoso nap iri na meya tulabiyem-nen nden yaga ibil lobok yosolar-e, meya yoso nap iri na-ge at wat momtak sa-nen indi imiri yosolar-e, at meya yidnak kwarar-et nde, lak tak ubuwa-o.