1 TIMOTIUS 4:1 - Nanduk Ngget Tul Pidnak Wene

¹ Konak Indi-nen mondok nam-et yosolar-e: ”Abok woragolar-e, ap ereb-e inndi angin tubu yidnak keya buruk, ap kabak tak unpugwi inndi langgal luk mborogolat, kugi-nen mul ondoso wene na langgal luk mborogolat yuwa-o” luk yij-o.

1 TIMOTIUS 4:1 ပူးပေါင်းရင်းမြစ်များ

NDAK WIRIDNAK WENE 3:13

Yosoloma-ge, Nagawan Indo Mbal Pem Nagawan-nen kwe iri na kin wanosolat-nen yosolar-e: ”Kar-e noluk-nen iri kwarigen-o?” yak tosoloma-ge, Awa-nen yosolar-e: ”An-e waro-nen nemberam lasola-nen ninggirig-o” yij-o.

YESAYA 2:2

Nde, abok woragolar-e, ndobo amun Nagawan Indo uwi worak worasu iri na-ge munduruk abu-t lujwarik, ndobo amun min ndobo yok nggok ereba na min anggul pem tugup lak nggasesa menluk keya buwa-o. Nde, iri yosola-ge, ap enlem oboksa-nen nggwid nggwid nggubunuruk at ama iri me mburuwa-o.

YEREMIA 23:26

It ennesiget an nene lomboksa yugwi nap ereba-ge it ondomok inndi-nen pidnak wene ereba na nilirak kabak tak unpuwokluk pem irit yak ondogolat wolma-a?

NDANIEL 10:14

Nde, an lobok yigi-ge kat kelem nap enpem abok kwat ma mende ereba na kwara karu rak peyekluk lobok yigi-o. Nde, nabi nggal pem yik kaigen yu-ge abok-nen kwat ma wene kaigen-o” luk yak nirij-o.

OSEA 3:5

Alat nde, it enlem Isarael nap nden karuk, tuguruk Nagawan Indo Enmbal Pem Nagawan eram lobok yogolat, it-nen idnak nagawan Ndaut-nen wigarak iri na eram lobok yogolat yurak tarem-e wok ma-o. Iri lug-e, ir-e Nagawan Indo aye worak woragolat, kek tak pogolat woragolar-e, at-nen enpem puwa imbiringgat wanogolat wolma-o.

MIKA 4:1

Nde, abok woragolar-e, ndobo Nagawan Indo uwi worak worasu iri na-ge munduruk abu-t lujwarik, ndobo amun min ndobo yok nggok ereba na-ge tebe rak puruk, tugup lak nggasera menluk keya buwa-o. Iri yuwama, yi nap ndi nap oboksa iri me nggubunuruk nggwid nggwid mborogolat wolma-o.

WONARIDNAK WENE 24:14

Mbileyam-nen Mbalak yak tosolar-e: ”Yawo-ge an-e nelem nap endam mburusu-o. Alat nde, an mbirigit lak ma-net Isarael nap-nen kat kelem nap kwat unpuwa wene mbi yak kereyeg-o” yosoluk,

MATIUS 18:7

Nggweyak ma yu me-nen ap meya makluk enarem woraga pil nggoso mende nin tak nan tak worasu me, enabuwa-o. Iri mende-ge mondok wolma-t nde, enarem woraga pil ngguwa nab-e abuwa-o.

LUKAS 17:1

Yesus-nen at owosirak yak ondosolar-e: ”Meya yuwakluk ap enarem woraga pil nggurak mende lak ma-ge lag-o. Irit pempa kwarogolat wolma-o. Alat nde, nin nap meya rak inpili nap enpem mbuma mende bem enabuwa-o!

YOANES 16:13

Alat nde, Konak Indi na lobok yuwarig-e, lud tag-et Mbal Pem Nagawan mirik konposolar-e, lud tak nak kwarugwi mende pidsa mirik kunpuwa-o. Nde, at indi-n pidnak wene-ge yak kunduwa bug-o. Are, at-nen kulidnak wene nak yak kondosolat, abok-nen kwat momtak wene nde yak kondosolat ma-o.

YIDNAK YIDNAK WENE 13:2

Misik tarem ir-e mburu ninggit lak woragolat-nen Nagawan Indo nak erembel wanogolat worakmu-ge, Konak Indi-nen yak ondosolar-e: ”Mbaranabas min Saulus min iri-ge an neyabu wanuwakluk yonggo inpigirik me, an namanggim lenak enper-o” luk yak indij-o.

YIDNAK YIDNAK WENE 17:18

Nde, ap nggomo undugwi nap ereb-e Epikuros nap min Stoa nap min-e Paulus imin wene onggo onggo yogolat-nen it erep-nen imin yogolar-e: ”Indi-ge mbirigit lag-et wene yoso yu-ge no wene yusu-o?” luk yiga-o. Nde, at-nen Yesus owene min at uruk yidnak wene min yak ondosola, it erep-nen yogolar-e: ”Ap yu-ge ap sal unkugi owene yoso-o” luk yiga-o.

YIDNAK YIDNAK WENE 20:23

Konak Indi-nen kenggera yak norosolar-e: ’Kar-e o siri nin me wok nin me wok waring kasola-ge, o kubu me kuburak min andi bandi rak kuburak min kat kabuwok pak tak worasu-o’ luk yak nurusu-o.

YIDNAK YIDNAK WENE 21:11

At iri-ge nit nendam lobok yosolar-e, Paulus esani are wanosolug-e, at ambikpebe inggi ijok kamarosolat-nen yosolar-e: ”Konak Indi-nen yu nggal yusu-o: ”Yerusalem-nen tani are yu ombo-ge Yawuri nap-nen iniksa-t kamat uburuk, kegera enlem nin nap ininggem puwa-o’ ” luk yij-o.

YIDNAK YIDNAK WENE 28:25

Woragolar-e, it inndi arik tak kuri wat luk, ndi yuwokluk yukmu-ge, Paulus-nen wene misik yu yak ondosolar-e: ”Konak Indi-nen-e Mbal Pem Nagawan ene lomboksa yoso nap Yesaya emendam nggwe-nen kit kenlawingga ndemeret wene yak ondosolar-e:

1 KORINTUS 10:20

Mondok lag-o! It enlem nin nap-nen wosa bugwi sa pili mende iri-ge Mbal Pem Nagawan amanggim pili-ge lag-o, kugi amanggim-et pili-o luk iri yosolat-nen yigi-o. Nde, kir-e kugi imin kundik wolmomtak iri-ge an-e nisili-o.

1 KORINTUS 11:19

Nde, mot mot nak kwarugwi nap iri yenggerak iniyujwaklug-e, kit kennggenggerag-e kuri-t wat yusu-o.

1 KORINTUS 12:11

Alat nde, Konak Indi misiget iri na nak-net yu mende pidsa kwarusu-o. At indi-n pidnak pem-et we wok ondoso mende-ge enarik tak tembet undusu-o.

1 KORINTUS 2:10

Alat nde, Mbal Pem Nagawan-nen-e kura bidnak wene na-ge Konak Indi bem-nen mirik ninpij-o. Nde, Konak Indi iri-ge yi mende ndi mende pidsa mbenaroso me, Mbal Pem Nagawan arem-nen yebet kaso mende na irit mbenarusu-o.

2 KORINTUS 11:3

Alat nde, waro indi nggat nggat worak iri bem-nen Awa na ombol pem lagaid nggal, iri nggal kit kinndi kabak tak pogola, kir-e kinndi misiget nak luk Kerisut ariget abuwa kali iri keya bugup naru numud kwarat kasu-o.

TUGURUK YIDNAK WENE 32:29

It nde inndi worak nggal-nen-e it lak momtag-e inndi yebet kaleb-o.

TUGURUK YIDNAK WENE 4:30

Kit kenpem lak tak onposo mende mbosola-t nde, anggun panggun arem woragolar-e, nden karuk Nagawan Indo Kenmbal Pem Nagawan eram mbutluk, at-nen yidnak yidnak kwarugub-o.

KOLOSE 2:18

Enesiget nde, it ondomok inndi tebe luk, aid nap entembel wanogolat, nabi nggwe nggal kaidnak nggulok tak pogolat kwarugwi nap-nen-e urugwe nggwe rak kunpuwakluk, nggeyok yurak pug-o. Iri kwarugwi nab-e ki nap inndi-n yebet kagwi bem it ondomok kek yugwi-nen yili-o.

2 TIMOTIUS 3:13

Nde, meya yugwi nap min ap onmbol pem lagwi nap min-e meya kwarat ebem lud lud kwarogolar-e, ap onmbol pem lali-t nde, it na enambik onmbol pem lali-o.

2 TIMOTIUS 4:4

It-nen-e ndemeret wene kulurag-e eneyanggo ngguluwa-t nde, wene lom kulurak pem-e eneyanggo paluruk nuwa-o.

YAKOBUS 3:15

Inndi nggat nggat elem iri nggal iri-ge aid arem-nen mbuwaidnag-e lag-o. Are, nggweyak ma mende-nen yusu-o. Konak Indi-nen idnag-e lag-o. Sere-nen idnak-nen yusu-o.

1 PETERUS 1:20

Kerisut iri na-ge o ndak wirigit lak ma-net Mbal Pem Nagawan-nen lenak ebamu-o. Nde, woroksiyem yawo tarem-nen-e kit kenmanggim nam tak pid irir-o.

2 PETERUS 2:1

Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

2 PETERUS 3:3

Mondog-et kit-nen yeberak wolmomtak wene nggulog-e yu-o. Woroksiyem woragolar-e, it ondomok inndi-n pidnak ukwe akwe yugwi nak kwarogolar-e, ap nggweyel unpugwi nap na men yogolar-e, kit nggweyel kunpuwa-o.

1 YOANES 2:18

Nilirak wa-e. Woroksiyem-e panggo yij-o! ”Kerisut imin sirid nab-e lobok yuwa-o” luk yak kindiga na-ge yawo-ge Kerisut imin sirid nab-e kwarat men yigarik me, iri bem-nen worok tak purak tarem panggo yusu-o luk nenaru yili-o.

1 YOANES 4:6

Alat nde, nir-e Mbal Pem Nagawan ilirak-nen yili-o. Mbal Pem Nagawan enaru nap-nen-e nit nenne kulili-o. Nde, Mbal Pem Nagawan ilirak kwat yigit lak nap-nen-e nit nenne kulili bug-o. Iri kwatli iri bem-nen ndemeret Konak Indi min kabak tak onposo indi min-e yenggerak pili-o.

YURAS 1:18

It-nen yak kondogolar-e: ”Woroksiyem wok yosola-ge, kit pesel kunpurak nab-e nam luk, it enaboro-nen ukwe ukwe yugwi mende, meya mende iri nak langgal luk mburuwa-o” luk yak kindiga nar-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

NAM PARA WENE 13:14

At iri na-ge ndakngge isilepma worak nanduk na-nen wok tid amawi bem-et at imbiri bem-et kwiye worak mende kwarat kwarosolar-e, nggweyak ma woragwi nap oboksa onmbol pem lagaij-o. Nde, at ene amawi bem watsa nggweyak ma woragwi nap oboksa yak ondosolar-e: ”Yalawi bem wiridnag-et nde, urug-et worasu ndakngge isilepma worak iri na erembel wanuwoklug-e, at nggal ndak worak puruk, erembel waner-o” luk yak indij-o.

NAM PARA WENE 16:14

Kugi iri na-ge kwiye worak mende kwarugwi kugi inndi-nen yili-o. It kenan iri na-ge yi wi ndi wi oboksa tena woragwi nagawan endam mbirigarig-e, Amawi Mondok Kwarat worak Mbal Pem Nagawan-nen idnak tarem nggulok iri tarem-nen wim nggurak pem ndok worak inpiga-o.

NAM PARA WENE 18:2

At-nen ene ngguloksa yosolar-e: ”Tud yij-o! O siri Mbabel nggulok na-ge tud yij-o! Nde, yawo tud yosola-ge, ar-e kugi meya min meya inndi min ondoro kwat yosolar-e, arem-e yi towe ndi towe mbilaro ngin meya insili rak pugwi na worasu-o.

NAM PARA WENE 18:23

O siri iri me-nen-e tal yaya na kujwa bug-o. Nde, kwe wok kerak mbugwi tarem sakolat inni enne na o iri me-nen-e kuluwa bug-o. O iri me woragwi toko winde-ge nggweyak ma yu-nen mondok anggu obok worak woraiga-o. Nde, o iri me woragwi kwal ombo-nen-e nggweyak ma nap enlem pidsa onmbol pem laiga-o” luk yij-o.

NAM PARA WENE 19:20

Ndakngge isilepma worak iri na tenakolar-e, at imbiri bem kwiye worak mende kwarid nap, enesiget Mbal Pem Nagawan ene lomboksa yoso nap iri na min tenaiga-o. (Nde, kwiye worak mende kwaridnak iri bem-nen ar-e ndakngge isilepma worak-nen idnak yenggerak purak mende enpem worak nap min ndakngge isilepma worak abage nggal ndak worak erembel waniga nap min onmbol pem lagaij-o.) Iri luk, ndakngge isilepma worak iri na min enesiget Mbal Pem Nagawan ene lomboksa yoso nap iri na min unluk nggengge emben worak kule (belerang) laso kan mare arem inpil nggwij-o.

NAM PARA WENE 2:11

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, mberen pem tak posolat wat momtak elem iri-nen-e andi bandi rak unpuwa bug-o.”

NAM PARA WENE 2:17

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, an-nen-e kura woraidnak no mende mburu (manna) na mak timin-o. Iri luk, kerep loro misik wok indimin-o. Nde, kerep loro iri na bem-e unu ngget yarak mbarag-o. Nde, unu iri-ge ap nin-nen enaru buk, wanuwa nap enarik nak-nen enaru ma-o.”

NAM PARA WENE 2:29

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o!”

NAM PARA WENE 2:7

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, unluk nak wolmomtak e Mbal Pem Nagawan Eyapmu-nen mbiridnak engen iri na mak timin-o.”

NAM PARA WENE 20:10

Iri rak puruk, it onmbol pem laso Sere iri na-ge emben worak kule (belerang) laso kan mare arem mbo bil nggwid iri-ge ndakngge isilepma worak min enesiget Mbal Pem Nagawan ene lomboksa yoso nap min-e nandug-et iri me mbo inpil nggwij-o. It iri andi bandi kagolar-e, lengge-nen kubu-nen pem-et woralik nalik wolma-o.

NAM PARA WENE 20:8

at na mborosolar-e, nggweyak ma yu me woragwi, o kuri ap kuri Nggog min Magog min woragwi ap enlem oboksa na onmbol pem lasolat wolma-o. Nde, wim purak pem Sere-nen it oboksa ndok wat unpuwa nap iri-ge yi ma woraso sisiri nggal, wonarurak puk irit ndok wat unpuwa-o.

NAM PARA WENE 3:13

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o!”

NAM PARA WENE 3:22

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o!”

NAM PARA WENE 3:6

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o!”

NAM PARA WENE 9:20

Nde, andi bandi mende iri-nen indigit lak, keya inpidnak nap-nen-e it ininggi-nen konugwi kugiwak na keya buruk, kondok yigit lak, kundugu kundugu erembel wanogolar-e, kugi min emas pem, perak pem, tembaga bem, kerep pem, e bem-nen konidnak kugiwak ereba na-ge erengen-nen na kaso buk, eyanggo-nen na koloso buk urugup lak woraso-t nde, erembel wanogolat woraiga-o.