1 TIMOTIUS 3:8 - Nanduk Ngget Tul Pidnak Wene

⁸ Iri nggal-et lambuk tak inpidnak nap yik eneyarok woragwi ogore yidnak nab-e mot mot na woragwi nap, enne ndogwal mberen yugwi buk nap, anggut engen amburu ndonggosa nunggwi buk nap, uwang nggok tak pugwi buk nap irit mag-o.

1 TIMOTIUS 3:8 ပူးပေါင်းရင်းမြစ်များ

OROMA 3:13

It ontonggo lem-e ap yapma inpidnak sa tu kuwarak nggal-nen yusu-o. It enma nggwe-nen-e enesiget wene nak wirik pili-o. Lese arem woraso ninggis mende nggal iri-ge meya wene-ge it enemende bem worasu-o.

PILIPI 1:1

Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.

1 TIMOTIUS 3:12

Ogore yidnak nab-e ogwe misiget worak nap, at ilirak min ama woragwi nap min kwara ndegel onposo nap mag-o.

1 TIMOTIUS 3:2

Nde, lambuk tak inpidnak nap yik eneyarok woraso nab-e meya kwaroso buk nap, ogwe misiget worak nap, ondomok indi mamak poso nap, indi nggat nggat worak nap, indi lid puruk-nen kwaroso nap, ”Ap sal nama nggumer-o” yoso nap, ap mul ondoso aru nap,

1 TIMOTIUS 3:3

anggut engen amburu ndonggosa naro buk nap, isilepma yoso buk nab-et nde, indi yangonak nap, ap lambuk tak onposo nap, uwang nggok tak poso buk nap,

1 TIMOTIUS 5:23

Kar-e pempa ud nak kaso me, yi nag-e norak pug-o. Are, kindi ud iri amanggim-e anggut engen amburu siyak nilik kwari-o.

TITUS 1:7

Lambuk tak inpidnak nap yik eneyarok woraso nab-e Mbal Pem Nagawan eyabu winde me, mondok ebem ambut lak irit wolmomtag-o. At iri-ge at ambikpebe kek yoso buk nap, ndag-et nak isilepma yoso buk nap, anggut engen amburu ndonggosa nok tenak woraso buk nap, yig na poso buk nap, silobulo na terak mena wanoso buk nap,

TITUS 2:3

Nde, iri nggal-et kweyap indi worak yak ondosolar-e: ”Mbal Pem Nagawan indi aye worak kweyap-nen woragwi irit woragolar-e, kenpage marak irit wolmer-o. Ap erep unnu meya rak purak pug-o. Anggut engen amburu na ndonggosa norak pem iri ndegel pugwi kweyap yurak pug-o.

YAKOBUS 3:10

Nenemnde misiget nggwe nak-net nde, imbiringgat wene mborosolat, imbiri lamut wene mborosolat yoso-o. Nanggamirak wa-e. Iri nggal kwarurag-e mondok meya-o.

1 PETERUS 5:2

Mbal Pem Nagawan-nen kininggem pidnak lomba wam iri na towarak woragolar-e, Mbal Pem Nagawan indi-n pidnak ndak ndag-et kwarogolar-e, kinsili lag-et, kenalen min-et yik karok wolmer-o. Nde, yik karok woragolar-e, onggo wanurak pem nak-nen yik karok wolmomtag-e lag-o. Are, ndemeret kinndi-nen ndegel enpeyeg-o peraruk-nen ndegel unpurag-o.