1 TIMOTIUS 3:15 - Nanduk Ngget Tul Pidnak Wene

¹⁵ Alat nde, an ndag-et lobok yigit lak nde ala-ge, Mbal Pem Nagawan ama woragwi nap nggal, uruk nak woraso Mbal Pem Nagawan-nen idnak lambuk tak inpidnak nap nir-e ngge nggal woragwi-o luk karu yonokluk-nen mbarusu-o. Nde, lambuk tak inpidnak nab-e ndemeret wene paro min eyogo woraso min-nen yusu-o.

1 TIMOTIUS 3:15 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 2:2

”An wat momtak abu panggo yij-o. Kar-e kindi tugup lak kwiye lak irit wolmomtag-o.

1 NAGAWAN NAGAWAN-NEN KWARIDNAK WENE 2:4

Kat-nen nde Nagawan Indo-nen yidnak yidnag-et kwarosola-ge, at-nen an nimin urul posolat: ’Kat-nen wigarak-nen-e Isarael nap tena unpuruk wolma-o. Mbigija-ge it-nen inndi min enpe min ebis-et tugup lak pempa-nen an-nen yidnak yidnak kwat tenak wolma iri nag-o’ luk yid iri na-ge kwaruwar-o.

2 NAGAWAN NAGAWAN-NEN KWARIDNAK WENE 19:4

Nde, Asiut nagawan iri na-nen-e Mbal Pem Nagawan uruk nak woraso iri na pesel ubuwakluk at-nen idnak san ombo onowe misik ibil lobok yij-o. Iri yamu, erep-nen-e Nagawan Indo Kembal Pem Nagawan-e at pesel ibiga iri-ge kulidnak me, at pesel obogolat wene wirik pidnak nab-e enpem angin worak mberak puwag-o. Iri ala-ge, nit nap unluk worali enmanggim tepan nak yi-o” luk yak tij-o.

NDAWI ENGGA 42:2

An-e Mbal Pem Nagawan uruk nak woraso iri na nere-nen nindi eberek yusu yu-ge mepme-nen at ama mbirimindik, erembel wanimin-o?

NDAWI ENGGA 84:2

An nindi-ge mondok kat kuwi iri na bem mbung mbung tak worasu-o. An nebe min nindi min-e Mbal Pem Nagawan kuruk nak woraso kebem nalin nalen-nen nene nggoksa yusu-o.

YEREMIA 1:18

Yeremia wa-e. Wene yu kwara kuli-o! O yu me woragwi oboksa, Yewura nap nagawan nagawan min ap yok nggok ereba min tepan omborak min we nap min it-nen-e kebem-et mbud yogolat wolma-o. Alat nde, yawo-ge kat-nen it enpem kore yurak amawi irit wok kurusu-o. Kar-e o siri kerep pak leget wa nggal kwat yosolat, mbesi o owak nggal kwat yosolat, tembaga-nen wiridnak kerep pak leget nggal kwat yosolat irit yugun-o. An-e kimin woralat, nggetlel kuburuk woralat kwarimin me, it-nen-e kar-e urugwe nggwe rak kubuwa bug-o. Nagawan Indo an-net wene yu yusu-o” luk yij-o.

YEREMIA 23:36

It-nen wene yogolar-e: ’Nagawan Indo-nen angin worak nenpem pidnag-o’ nak yili iri-ge keya buwag-o. It-nen nde wene iri nggal iri nde kundugu-t woragola-ge, an-nen yidnak wene-ge mondok ndemeret at amanggim-e angin worak tag-et pimin-o. Ap-nen yogolar-e: ’Nagawan Indo-nen angin worak nenpem pidnag-o’ yogolar-e, iri-ge Enmbal Pem Nagawan uruk nak woraso, Nagawan Mondok Namawi Worak nene iri na nden kagolat-nen yili-o.

NDANIEL 6:26

Nde, iri rak purug-e, Nagawan Ndarius-nen engga mbara yi wi ndi wi worali nap enlem oboksa, enne lombok, enlem lombok enmanggim engga mbara wirik posolar-e: ”Naptak wiwa-o!

OSEA 1:10

Nde, Isarael nab-e sisiri nggal kwat yogolar-e, ndak worogolat, wonarogolat yurag-e meya irit ma-o. Nde, yawo Mbal Pem Nagawan-nen it yak ondosolar-e: ”Kir-e an nilirag-e lag-o” luk yak undusu-o. Alat nde, abok at-nen yosolat: ”An-e kit Kenmbal Pem Nagawan nuruk nak woraso-nen yusu-o. Nde, kir-e an nilirak-nen yili-o” luk yurak tarem-e wok ma-o.

MATIUS 16:16

Yosoloma-ge, at Simon Peterus-nen wene erep nggarosolar-e: ”kar-e Kerisut, uruk nak woraso Mbal Pem Nagawan Ambara-nen yusu-o” luk yij-o.

MATIUS 18:18

An-nen yak kendeyeg-o: Kit-nen nggweyak ma yu me kamarak pugup mende iri-ge, aid arem-nen na kamarak irit wolma-o. Nde, kit-nen nggweyak ma yu me wisirik pugup mende iri-ge, aid arem-nen na wisirik irit wolma-o.

YOANES 1:17

Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 18:37

Yosoloma-ge, Pilatus-nen at kin wok obosolar-e: ”Iri ala-ge, kar-e nagawan–nen yusu, lak?” yosoloma. Yesus-nen yosolar-e: ”Kat-nen yigen irir-o. Nde, an nggweyak ma yu me lobok yigirik, ndet yigi yu-ge, ndemeret wene-ge irir-o luk kenggereyekluk-net lobok yigi-o. Nde, ndemeret wene imin kundik nap-nen-e an-nen yidnak wene irit kulili-o” luk yij-o.

YOANES 6:69

Mbal Pem Nagawan eram-nen lobok yidnak konak nab-e kat-net yusu-o nenaru luk, kat kebem ninndi angin tubu yili-o” luk yak tij-o.

YIDNAK YIDNAK WENE 1:2

at lagit lak ma-nen at-nen yidnak yidnak oboksa mbatluk, Konak Indi bem-nen at-nen lenak unpuruk wirik inpidnak nap na wene yak indij-o.

YIDNAK YIDNAK WENE 14:15

”Naptak wa-e. Kir-e noluk-nen yu nggal kwatli-o? Nir-e ki nap kit nggal-net yili-o. Nir-e aid wene yak kindil lobok yili yu-ge kir-e ebe lak mende yu nggal konmbol wok turuk, uruk nak woraso Mbal Pem Nagawan-e mbal min nggweyak min yi koma min ebem woraso mende oboksa Ndak Wiridnak Nap na eram lobok yobokluk-nen yak kindili-o.

OROMA 3:2

Lag-o. Iri mende-ge nggulok-nen yusu-o. Nanduk tak posolar-e, Mbal Pem Nagawan-nen-e at owene-ge Yawuri nap ininggem pij-o.

OROMA 9:26

Nde, ’Kir-e an nelem nap-nen yili-ge lag-o’ yak indidnak sa iri me-nen-e ’Kir-e urug-et woraso Mbal Pem Nagawan ilirak-nen yili-o’ luk yak unduwa-o” yij-o.

1 KORINTUS 10:32

Yawuri nap na irit, enlem nin nap na irit, Mbal Pem Nagawan-nen idnak lambuk tak inpidnak nap na irit, inndi mberen tak pili-ge meyog-o.

1 KORINTUS 3:16

Kir-e Mbal Pem Nagawan uwi worak me, Mbal Pem Nagawan Indi-ge kenarem worasu na-ge kir-e kenaru buk, lak?

2 KORINTUS 3:3

Nde, Kerisut-nen mbaridnak engga nit-nen pil mburuwakluk ninggem pid engga iri-ge kit-net yili-o. Engga na-ge amburu bem-e mbarigit lag-o. Are, uruk nak woraso Mbal Pem Nagawan Indi bem-nen mbaridnag-o. Nde, kerepnen konidnak engga mbarugwi bem mbarigir-e lag-o. Are, ap inndi bem mbaridnak-nen yusu-o.

2 KORINTUS 6:16

Mbal Pem Nagawan uwi min kugiwak min erep kundik wolma, lak? Nde, nir-e uruk nak woraso Mbal Pem Nagawan uwi-nen yili-o. Mbal Pem Nagawan-nen yosolar: ”An-e it inmin woralat, it ennggenggerak woralar-e, An-e it Enmbal Pem Nagawan kwat yosolat, Nde, ir-e an nelem nab-et kwat yogolat ma-o” luk yij-o.

2 KORINTUS 6:7

lud tak nak kwarugwi wene yak undugwi bem na, Mbal Pem Nagawan amawi bem na, irit kwarugwi-o. Nde, lud tak nak kwarugwi nensan-e ninnggi kigit nggwe, kware nggwe wanugwi-o.

NGGALATIA 2:9

Iri ala-ge, it-nen-e Mbal Pem Nagawan-nen we wok ondoso mende an wok niridnak na karug-e, ap sarok Yakobus min Peterus min Yoanes min-nen-e an min Mbaranabas min nininggi tena buruk, wa yak kerak mbogolar-e, nit ninndi misiget yogolar-e, yu nggal yige-o: Nit nenmbereg-e enlem nin nap endam mborogolat, nde, ir-e Yawuri nap endam mborogolat mul-o luk yige-o.

NGGALATIA 3:1

Wid inndi worak Nggalatia nap wa-e! No mende kenarem nggwij-o? Yesus Kerisut na e lang pang tak pem wat yidnak wene kinmbiri bem nam-et yak kindidnak nar-o!

EPESUS 4:21

Nde, kir-e ndemeret at owene kuligep me, ndemeret wene iri-ge Yesus ebem worasu iri na-t mul kindiga-o.

TUGURUK YIDNAK WENE 31:23

Nde, Nagawan Indo-nen Yosua Nun ambara iri na yak tosolat-nen yosolar-e: ”Kar-e mondok kindi tugup lak, kwiye lak irit wolmin-o. Yosua kar-e Isarael nap iri lit unpuruk o an-nen ’Wok kindimin-o’ luk urul yak indigi iri na me nggugun-o. Iri yosola, an-nen-e yongga-t kirimin-o” luk yak tij-o.

KOLOSE 1:5

Kit kenmanggim aid arem lid lud tak pidnak mende iri bem kinndi mbung mbung tak worasu-o. Nde, iri wene-ge kir-e nanduk-net ndemeret wene aid wene iri na bem-nen kuligeb-o.

1 TESALONIKA 1:9

Are, iri wene kuliga nap it ondomok-nen kenggera yak nondogolar-e, nir-e kit kendam wok yogola-nen wok ninpigep wene min kit nanduk kugiwak kwarugwi keya buruk, nden karuk Mbal Pem Nagawan ambigit nggwe lobok yigep wene min ndemeret uruk nak woraso Mbal Pem Nagawan ndegel ibili wene min

1 TIMOTIUS 3:14

An-e yanem-et kiyil lobok yurak nindi puruk worasu-t nde, engga yu-ge kamanggim mbarusu-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

1 TIMOTIUS 3:2

Nde, lambuk tak inpidnak nap yik eneyarok woraso nab-e meya kwaroso buk nap, ogwe misiget worak nap, ondomok indi mamak poso nap, indi nggat nggat worak nap, indi lid puruk-nen kwaroso nap, ”Ap sal nama nggumer-o” yoso nap, ap mul ondoso aru nap,

1 TIMOTIUS 3:5

Nde, at-nen-e at ama woragwi nap na kwara yik eneyarok woraso buk ala-ge, nggesa-nen Mbal Pem Nagawan-nen idnak lambuk tak inpidnak nab-e yik eneyarok wolma-o?

1 TIMOTIUS 4:10

Nde, uruk nak woraso Mbal Pem Nagawan na ebem ninndi kwara mbung mbung tak worali me, nir-e nenmawi kondogolat, yabu kwarat wanili-o. Nde, Mbal Pem Nagawan iri-ge ap oboksa Inmiri Yoso Nab-et nde, nggog-e inndi angin tubu yidnak nap Inmiri Yoso-nen yusu-o.

1 TIMOTIUS 6:16

At arig-et nak wat yoso buk-nen yusu-o. Ap-nen panggosa eram wok yugwi buk yaya bem woraso-nen yusu-o. Ap misiger-o luk tet mondok eyagwi bug-o. Iri-nen na ap-nen at eyudtak na meya-o. At unu nak kek tak pugwi min at amawi min-e pem-et worasolat nasolat mag-o! Amen.

2 TIMOTIUS 2:19

Alat nde, Mbal Pem Nagawan-nen pidnak o paro iri-ge mondok tugup lak, sil kudtak puk-nen yusu-o. Nde, paro iri bem-e wene yu mbarak worasu-o: ”Nagawan Indo-nen-e at arengge rak inpidnak nap iri-ge ar-e aru-o” luk ” ’An-e Nagawan Indo arengge-nen yusu-o’ luk yoso nab-e at-nen meya kwaroso iri-ge keya buwag-o.”

2 TIMOTIUS 2:20

O nggulok arem-e piring min togolwak min kwarat worasu-o. Ereb-e emas min perak min pem-nen konidnak nak worasu-ge lag-o. Are, e min nggweyak min pem-nen konidnak na worasur-o. Nde, ereb-e nggulok sakwi tarem-nen wanogolat, nde, ereb-e we tarem-nen wanugwi-o.

IBERANI 10:21

Nit nentepan ombo nggulok kek tak iri-ge Mbal Pem Nagawan ilirag-e at inggem wolmakluk mendak ibidnak nap-nen yusu-o.

IBERANI 12:22

Alat nde, iri-ge kit-nen wok yogolar-e, Sion ndobo bem urug-et woraso Mbal Pem Nagawan uwi siri, aid arem wi Yerusalem iri me-ge aid nap kere kwarat woragwi sa iri me-t wok yigeb-o.

IBERANI 3:12

Nanggamirak wa-e. Kit kennggendumu ap misik-nen indi meya yosolat, indi angin tubu yigit lak yuwarik me, urug-et woraso Mbal Pem Nagawan urula keya buwa naru, kir-e kwara wolmer-o.

IBERANI 9:14

Kerisut eyabi-nen-e terak minik irit kwat nonposo-o. Nde, Kerisut-nen at ondomok indi wesera Mbal Pem Nagawan amanggim posolar-e, mondok iminep mbarak mende pid iri-ge urug-et pem-et woralik nalik woraso Konak Indi bem-net pij-o. At eyabi-nen-e nir-e ebe lak mende kwarugwi ninndi iri na mat nunpuruk, nir-e uruk nak woraso Mbal Pem Nagawan na ndegel tenak wolmakluk, marak nunpurag-e ndag-o.

YOSUA 3:10

Kit-nen nde kunuwim nap enpem-et kore yogola-ge, Nagawan Indo-nen-e Et nap min Ewi nap min Peris nap min Nggirigasi nap min Amori nap min Yebus nap min ereba-ge Nagawan Indo-nen-e mondok maga wirik unpuwa-o. Nde, Nagawan Indo mbal min nggweyak min ombol pem kek tak iri-nen idnak urul pidnak wene labu mbarak iri nde nandug-et Yi Yareren mbatluk ndil lasola-ge, ’Nagawan Indo uruk nak woraso iri na-ge nennggendumu worasu-o’ luk kenaru yugub-o.

1 PETERUS 2:5

Kir-e kunlug-et woragwi kerep-nen yili me, kit wok kunpuruk Mbal Pem nagawan uwi indi amanggim o iri wat momtak kerep iri kinndi mer-o. Iri nggal kwarogolar-e, kir-e tepan ombo marak kwat luk, Yesus Kerisut ebem kir-e Mbal Pem Nagawan amanggim wam wosa kan pogola-ge, Mbal Pem Nagawan-nen-e kit-nen pidnak mende bem-e alen kujwa-o.

1 PETERUS 4:17

Ap enpem wene mbarurak tarem-e pi wok yij-o. Nde, nanduk nandug-er-e Mbal Pem Nagawan ilirak nit nenpem nandug-et wene mbaruwa-o. Nde, nandug-er-e nit nenpem wene mbarosolug-e, abog-e Mbal Pem Nagawan-nen idnak aid wene keya bugwi nap enpem wene mbarosola, ngge nggal kwat ma-o?

NAM PARA WENE 7:2

Nde, yik kaginggal-e, mo luwaso sa nggwe-nen aid nap misig-e, uruk nak woraso Mbal Pem Nagawan-nen idnak lop nok tak pugwi mende waruk lobok yosola, kagi-o. Nde, at iri na-nen-e nggweyak min yi koma min meya rak purak amawi Mbal Pem Nagawan-nen ininggem pidnak aid nap empat ereya na ene nggoksa wene mbo inpij-o.

1 SEMUEL 17:26

Yogola, Ndaut-nen yosolar-e: ”Elem nin nap Pilisin nap yu-ge Mbal Pem Nagawan Uruk nak Woraso-nen idnak esan ombo inmin amawi wal kudtak pem kwiye lag-et nggweyel unpusu yu-ge ngge-o?” luk at-nen san ombo misik kin wok obosolar-e: ”Pilisin nap iri worosola, Isarael nap pesel unpusu iri lak tak puwa nap iri-ge onggo-ge no mende wok tuwa-o?” luk kin wanij-o.

1 SEMUEL 17:36

Ndegel koboso nap an-e isilepma worak singa na irit mberuang na irit mondok worosolat woraso-o. Nde, Mbal Pem Nagawan aru buk Pilisin nap iri-ge kwiye lag-et Mbal Pem Nagawan Uruk nak Woraso iri na-nen idnak san ombo ereba na erengenma nggal tak unpusu me, singa ndakngge min mberuang min wurusu ereba na nggal-et mondok wirimin-o.