1 TIMOTIUS 3:1 - Nanduk Ngget Tul Pidnak Wene

¹ Wene yu-ge ndemerer-o: ”Lambuk tak inpidnak nap yik eneyarok woraso nap teyeg-o” luk yusu nab-e konak yabu waneyekluk-nen yusu-o.

1 TIMOTIUS 3:1 ပူးပေါင်းရင်းမြစ်များ

LUKAS 15:10

An yak kendeyeg-o. Iri nggal, meya yoso nap misik at meya yidnak keya buruk, kondok yosola-ge, Mbal Pem Nagawan-nen idnak aid nap-e kijik kijak kwarat witli-o” luk yij-o.

YIDNAK YIDNAK WENE 1:20

Ndawi Engga bem-nen mbarosolar-e: ’At uwi-ge o wa mag-o. Nde, ap-nen na iri me woragit lak mag-o’ lug-e, ’At eyabu na nin nap-nen wanuwag-o’ luk mbaridnak worasu-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

OROMA 11:13

Yawo-ge kit enlem nin nap yak kundusu-o. An-e enlem nin nap kit kendam wirik nibidnak nap woralar-e, an neyabu iri-ge nggok tak pimin-o.

EPESUS 4:12

Iri rak inpid iri-ge, marak nap oboksa-ge aid wene na ndegel puwakluk, Kerisut ebe na o wiridnak nggal wuruwakluk, lid lud tak onposolat-nen yij-o.

PILIPI 1:1

Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.

1 TESALONIKA 5:14

Nennggamirak wa-e. Kir-e wene kuruk tugwi nap iri nggomo ondogolat, inndi terak yugwi nap iri inndi uwi ya bogolat, ndeyak woragwi nap iri na yongga ondogolat, ap oboksa inmin kinndi luruk puruk wolmer-o luk kenmengen mbatli-o.

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

1 TIMOTIUS 4:9

Wene yu-ge ndemeret wene-o luk mondok kwara yebet kudtak-nen yusu-o.

2 TIMOTIUS 2:11

Wene yu-ge mondok ndemerer-o: ”Nir-e at imin wat yidnak nde ala-ge, at imin-et nunluk mul-o.

TITUS 1:7

Lambuk tak inpidnak nap yik eneyarok woraso nab-e Mbal Pem Nagawan eyabu winde me, mondok ebem ambut lak irit wolmomtag-o. At iri-ge at ambikpebe kek yoso buk nap, ndag-et nak isilepma yoso buk nap, anggut engen amburu ndonggosa nok tenak woraso buk nap, yig na poso buk nap, silobulo na terak mena wanoso buk nap,

TITUS 3:8

An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.

IBERANI 12:15

Kit kennggendumu-nen ap misik-nen-e Mbal Pem Nagawan-nen we wok ondoso elem keya buwa naru kwil kwalsa wolmer-o. Kit kennggendumu-nen ap misik-nen ngari worak emengen nggal lasolar-e, ninggis mende-nen ap kwarat meya rak unpuwa naru, kwil kwalsa wolmer-o.

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.

1 PETERUS 4:15

Kit kennggendumu ap misiger-o luk tet ap wiridnak pem ala na, yariya wanidnak pem ala na, meya kwaridnak pem ala na, ap onowene abare lombok tidnak pem ala na, andi bandi kudtag-e meya-o.

1 PETERUS 5:2

Mbal Pem Nagawan-nen kininggem pidnak lomba wam iri na towarak woragolar-e, Mbal Pem Nagawan indi-n pidnak ndak ndag-et kwarogolar-e, kinsili lag-et, kenalen min-et yik karok wolmer-o. Nde, yik karok woragolar-e, onggo wanurak pem nak-nen yik karok wolmomtag-e lag-o. Are, ndemeret kinndi-nen ndegel enpeyeg-o peraruk-nen ndegel unpurag-o.