1 TIMOTIUS 2:9 - Nanduk Ngget Tul Pidnak Wene

⁹ Nde, kwami-nen na yurugwi mende yorogolar-e, insiri min entangge min innggiri min-et yurugwi yeba-t yururag-e nindingen-o. Nde, enanggul sigil yakolat, emas posid mutiara kerep min yorogolat, yurugwi sum konak onggo nggok pugwi mende na yorogolat momtak pug-o.

1 TIMOTIUS 2:9 ပူးပေါင်းရင်းမြစ်များ

NDAK WIRIDNAK WENE 24:53

Iri luk, sum min unmuruk pugwi mende emas min perak min-nen konidnak enabi sumbanok, eneyanggo sumbanok ereba na-ge kwe Iripka wok turuk, onggo nggok pugwi mende erep min-et ija min kwe iri irid min kenangga wok indij-o.

ESET 5:1

Nde, tepan yogolat woragolar-e, kenan pem tak pogolar-e, kwe Eset iri na-ge kweyap nagawan-nen yurugwi sum yutluk, nagawan woraso sa o mborom arem nggwe wok yij-o. Wok yarik, o mborom iri na me worasola-ge, nde, nagawan iri na-ge at koreyak woraso sa iri na me-nen erengen-e tu wirik koreyak worasoma-ge, Eset iri na-ge tumende bem men yil mbirij-o.

NGGOMO WENE 31:22

Ar-e at ondomok inggi-nen konosolar-e, yemarugwi mende konak min konosolat, iri-nen at usum konak linen-nen yagidnak wiyungen sum (ungu) irit yoroso-o.

NGGOMO WENE 31:25

Oboksa kwe na inggem nak worala, kek tak ubugwi irit woraso-o. Ar-e abok-nen wolmomtak pem-e mondok umud lak irit woraso-o.

NGGOMO WENE 7:10

Nde, kwe iri-ge yebosa mamak puruk woraso buk kwe-o. Yanem-et nak tulabiyem mborosolat, silmu mborosolat, yanem-et nak tula nandogol kandogoltak ma mborosolat, abage-ge inggiri tet kaso buk, kwiye lak-nen yusu-o. Nde, an yik kaginggal-e, kwe iri na-ge sum-e kweyap terak nogolat-nen yurugwi sum yutluk, kwe na mborosolar-e, ap sujwe iri na min lambuk luk, at iri na mberak purak indi yemnak puruk lobok yosola kagi-o.

YESAYA 61:4

It-nen-e o siri obi-nen tud yil lobok yidnak o siri ereba na tuguruk mendak pogolat, obi-nen it woragwi sa o kugun yidnak ereba na tuguruk worogolat kwaruwa-o.

YEREMIA 2:32

Kwe ndugum-nen-e at umurug-e meme rak poso-a? Ap wanurak kwe-nen-e ap wanosolat-nen yururak sum-e meme rak poso-a? Alat nde, kir-e obi-net an-e meme rak nibigeb-o. Meme rak nuburuk woragolat-nen woraigeb-e wonarurag-e meya-o.

MATIUS 11:8

Are, no mende nde kujwokluk mbirigeb-o? Usum konik konak yiridnak nap nde kil mbirigep, lak? Nde unsum konak yurugwi nab-e nagawan woragwi sa nak woragwi-o.

1 TIMOTIUS 2:10

Are, sum yiridnak nggal, it-nen konak nak kwarogolar-e, Mbal Pem Nagawan indi aye worak kweyap-nen kwarugwi irit kwarurag-o.