1 TIMOTIUS 2:5 - Nanduk Ngget Tul Pidnak Wene

⁵ Mbal Pem Nagawan-e misiget nak-nen yusu-o. Nde, Mbal Pem Nagawan min ki nap min ennggendumu ngarak koro na misiget nag-o. Iri-ge ki nap Kerisut Yesus ar-er-o.

1 TIMOTIUS 2:5 ပူးပေါင်းရင်းမြစ်များ

YESAYA 44:6

Nagawan Indo Mondok Amawi Worak Isarael nap nggetlel onposo Nagawan Indo iri na-nen yid wene-ge yu-o: ”Mbal Pem Nagawan misiget an narik nak tel koroso min woroksiyem min-nen yusu-o. Mbal pem nagawan erep mbi mondok worasu bug-o.

MATIUS 1:1

Engga yu-ge Yesus Kerisut eid ombo nderak lolo mbenasa mbaridnak wene-nen yusu-o. Yesus iri-ge Ndaud-nen wigarak lolo-nen nderag-o. Nde, Ndaud iri-ge Abaram-nen wigarak-nen nderag-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

LUKAS 14:22

Iri kwatluk lobok yosolar-e, ndegel oboso nap-nen eid na yak tosolar-e: ’Neid wa-e. Kat-nen yidnak yidnak kwarigi-t nde, o-ge terag-et worasu-o’ luk yij-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YIDNAK YIDNAK WENE 4:12

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

OROMA 1:3

Wene iri na-ge at Ambara nit Nagawan Indo Yesus Kerisut imin yidnak wene-nen yusu-o. Yesus na ki nap enpage bem-e Ndaud-nen nderak lolo-nen yusu-o.

OROMA 10:12

Nde, Yawuri nab-e arik nggal, enlem nin nap na arik nggal-e lak me, ap pidsa innggiri wuruwa bug-o. Mbal Pem Nagawan misiget iri-ge ap pidsa-nen idnak Nagawan Indo-nen yusu-o. Ap pidsa-nen at ebem nggi yogola-ge, imbiringgat mende kwarat nggilara wok ondoso-o.

1 KORINTUS 8:4

Iri ala-ge, kugiwak amanggim pidnak nunggwi mende nunggwi wene-ge yu nggal-o: Kugi min Mbal Pem Nagawan misik min-e nggweyak yu me-ge mondok lag-o luk nenaru-o. Arig-et nak woraso Mbal Pem Nagawan iri nak nenaru-o.

1 KORINTUS 8:6

nit nenmanggim-e Nineid Mbal Pem Nagawan misiget nak, yi mende ndi mende pidsa ndak wirid nap, at ariget nak worasu me, at amanggim-e nir-e worali-o. Nde, nit nenmanggim-e Nagawan Indo misiget nak, Yesus Kerisut iri-ge yi mende ndi mende pidsa ndak wirid nap at ebem-et nir-e worali-o.

NGGALATIA 3:20

Nde, ap misiget nak worala-nen-e ngarak koro mbi wolmomtag-e meya-o. Nde, Mbal Pem Nagawan-e misiget nak-nen yusu-o.

EPESUS 4:6

ab-e ap oboksa Ineid Mbal Pem Nagawan na misiget-net yusu-o. At iri na-ge yi mende ndi mende pidsa ombol pem kek tak woraso Mbal Pem Nagawan yilik, yi mende ndi mende pidsa ebem woralik, yi mende ndi mende pidsa arem woralik yusu-o.

TUGURUK YIDNAK WENE 6:4

Isarael nap wa-e. Kwara koler-o. Nagawan. Indo-ge nit Nenmbal Pem Nagawan, Nagawan Indo misiget iri nak worasu-o.

1 TIMOTIUS 6:13

Yi mende ndi mende pidsa unluk wolmomtak mende wok ondoso Mbal Pem Nagawan imbiri bem-et, Pontius Pilatus anggarem ndemeret wene kinggirid nap Kerisut Yesus imbiri bem-et, kiri keresa wene yu yak kurusu-o:

IBERANI 12:24

Ngget tul pidnak wene imin kundik ninpidnak nap Yesus eram wok yogolat, nde at eyabi nggweyel kaidnak na eram wok yigeb-o. Nde, Abel eyabi iri-nen wene te nggal yij-et nde, Yesus eyabi iri-nen mondok terak minik konak wene irit yij-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

IBERANI 8:6

Nde, it tepan omborak erep-nen wanugwi eneyabu-ge teberag-et nde, Yesus-nen wanoso eyabu-ge terak minik kek tak-net yusu-o. Nde, at-nen-e ki nap min Mbal Pem Nagawan min ennggendumu ngarak koro kwat yosolat-nen urul pidnak wene-ge mondok terak minik kek tak-net yusu me, nanduk tul pidnak wene iri-ge teberag-et nde, at-nen urul pidnak wene-ge mondok terak minik konak wene-o.

IBERANI 9:15

Iri bem-e, Kerisut-nen-e ki nap min Mbal Pem Nagawan min ennggendumu ngarak koro yosoluk, urul pidnak wene ngget misik kwat yid iri-ge, it Mbal Pem Nagawan-nen wene mbo inpidnak nap-nen-e Mbal Pem Nagawan-nen imbiringgat pem-et wolmomtak urul pidnak iri wanuwakluk kwat yij-o. Nde, nanduk tul pidnak wene na tena woragolat-nen meya yogolat woraidnak iri na lak tak posolat-nen Kerisut wat yid iri bem-nen pidsa ndak kwat yusu-o.

1 YOANES 2:1

Nilirak wa-e. Kir-e meya yugup naru, an-e engga yu mbal kundusu-o. Alat nde, ap mbi-nen meya kwarosola-ge, nit nonowene Nineid imin konoso nap, lud tak nak kwaroso nap Yesus Kerisut irit worasu-o.

NAM PARA WENE 1:13

Nde, tal iri na enggenggerag-e ap nggal-et misik mendak kagi-o. Nde, usum-e lorok sum ijok kuri irit yirik, nde, emas-nen konidnak kere-nen-e imigwak ngonoksa yirik kagi-o.