1 TIMOTIUS 2:1 - Nanduk Ngget Tul Pidnak Wene

¹ ”Nanduk tak posolar-e, ap pidsa enmanggim Mbal Pem Nagawan emengen mbarogolar-e, tepan yogolat, Mbal Pem Nagawan nggi yak togolat, wa yak togolat wolmer-o” luk an-nen-e kiri keresa yak kundusu-o.

1 TIMOTIUS 2:1 ပူးပေါင်းရင်းမြစ်များ

ESERA 6:10

Mbal Pem Nagawan aid arem kek tak woraso iri na alen tak pogolat, tepan ombo-nen wosa amanggim kan pogolar-e, an min an nambararak min imbiringgat tak nunpuwakluk emengen mbarogolat wolmak-nen mondok wok ondogolat wolmomtag-o,

NDAWI ENGGA 72:19

At unu kek tak pem-et woralik nalik ma iri nak erembel wanurag-o. Yi wi ndi wi oboksa-nen at abinal-nen kobong mag-o! Iri nggal-et kwat mag-o! Amin-o!

YIDNAK YIDNAK WENE 17:30

It enaru buk woraiga tarem-e Mbal Pem Nagawan-nen we yik nak eneyaruk keya inpij-et nde, yawo-nen-e yi wi ndi wi worali nap pidsa ’Kondok yer-o’ luk yak undusu-o.

OROMA 1:8

Nandug-er-e kit kinndi angin tubu yigep konpog-e yi wi ndi wi kuliga iri bem-e an-nen-e Yesus Kerisut ebem kit pidsa kenpem ala, Nembal Pem Nagawan wiwa-o yak toso-o.

OROMA 6:17

Nde, nanduk kir-e meya kwarugwi elem ndegel ubugwi nap woraigeb-et nde, yawo-nen-e mul kindidnak ndemeret wene owak iri na wanogolar-e, kinndi min-et wene na wanili ala karuk, Mbal Pem Nagawan wiwa-o luk yak toso-o.

1 KORINTUS 15:3

An-net wanigi wene owak ndum irit yak kindigi-o: Nde iri-ge, Mbal Pem Nagawan engga bem-nen mbarak iri na ndak ndag-et Kerisut-e nit meya yidnak nenmanggim wat yamu-o.

2 KORINTUS 8:6

Iri bem-e, ap enabuwa kagwi yabu tel kwirid nap Titus na-nen kit kendam lobok luk, yabu iri na kit kennggendumu iminep mbal makluk at emengen mbarige-o.

EPESUS 3:13

Iri bem-e, an-e kit kenpem-nen anggun worak mende nebem mbusu iri na bem-e kinndi pil suk pil lag-e yurak pug-o luk kenmengen mbarusu-o. Iri-ge nit nunnu kek tak purak pem-net yusu kagi luk peragub-o.

EPESUS 5:20

Yi mende ndi mende pidsa bem kir-e pempa ”Nineid Mbal Pem Nagawan wa-o” yak togolar-e, Nenagawan Indo Yesus Kerisut unu bem-et yak togolat wolmer-o.

EPESUS 6:18

Wanurug-e, tepan yogolat, Mbal Pem Nagawan emengen mbarogolat wolmer-o. Konak Indi ebem woragolar-e, pempa pempa tepan yogolar-e, kunluk kenlengen kwesa woragolar-e, marak nap pidsa enmanggim-e tepan kundugu kundugu yogolat wolmer-o.

PILIPI 1:3

An-e pempa yebet keneyasolar-e: ”Mbal Pem Nagawan wiwa-o” luk yak toso-o.

PILIPI 4:6

Yi mende ndi mende bem-e kunmud kudtak pug-o. Alat nde, tepan yogolar-e, kit kinndi kabak yidnak mende-ge Mbal Pem Nagawan nggi yak togolar-e, pempa pempa ”Wiwa-o” yak togolat-nen nggi yugup na-e.

1 TESALONIKA 3:12

Nit-nen kenabuwa kali iri nggal-et kit na kit-net nabuwa kabuwa wolmomtak elem min nin nap enabuwa kudtak elem min-e Nagawan Indo-nen-e utlud lombok kwarat tak kunpuwag-o.

2 TESALONIKA 1:3

Nenggamirak wa-e. Kit kenpem ala, nir-e mondok pempa Mbal Pem Nagawan wa yak tili-o. Nde, kir-e kwara kinndi angin tubu yili iri bem-nen na, kit na kit-net kwara nabuwa kabuwa yili iri bem-nen na, nir-e ob-et Mbal Pem Nagawan wa yak tili-o.

1 TIMOTIUS 2:4

Ap pidsa inmiri yosolat, lud tak nak kwarugwi elem iri na enaru yogolat yurag-e Mbal Pem Nagawan indi-nen perasu-o.

1 TIMOTIUS 5:5

Togwe terak ndumu ndemeret togwe iri-nen-e indi-ge Mbal Pem Nagawan ebem mbung mbung tak woralar-e, kubu-nen lengge-nen at eram tepan yosolat, at yongga wuruwakluk emengen mbarosolat yoso-o.

2 TIMOTIUS 2:24

Nagawan Indo ndegel poso nap-nen-e ngguno purag-e meya-o. Ap pidsa inmin-e yeget ndeget yosolat, ap mul ondoso aru nap yosolat, mamak poso nap yosolat,

TITUS 2:11

Ap pidsa inmiri yekluk, Mbal Pem Nagawan-nen we wok ondoso elem nam tak pij-o.

TITUS 3:2

Ap onpok purak pug-o. Yuk puk na mburak pug-o. Are, yanggonak konak nak woragolar-e, ap pidsa inmin-e pempa nanggau kanggau wolmer-o” luk yak indi-o.

IBERANI 6:11

Kit kondomok tak-nen kenmawi kondogolat iri worakmu worok tak posolat-nen kit-nen ebem kinndi mbung mbung tak puruk woragwi na mondok wanurak iri-ge mondok nindingen-o.

YAKOBUS 5:16

Iri bem-e, kit ki rak kunpuwaklug-e, kit na kit-net meya yidnak pal kerak mbogolat, kit na kit-net tepan pegerak mbogolat wolmer-o. Lud tak nak kwaroso nap-nen indi angin tubu yosolat-nen tepan yusu iri-ge amawi kwarat-nen yusu-o.