1 TIMOTIUS 1:9 - Nanduk Ngget Tul Pidnak Wene

⁹ Wene yu kwara yebet ker-o: Imiri mbarak pidnak wene iri-ge lud tak nak kwarugwi nap enmanggim yidnag-e lag-o. Are, wene kuruk tugwi nap min Mbal Pem Nagawan ene kulugwi buk nap min Mbal Pem Nagawan enaru buk nap min meya kwarugwi nap min Mbal Pem Nagawan indi-n pidnak kwarugwi buk nap min aid wene enaru buk, it inndi-n pidnak nak kwarugwi nap min ineid iniya undugwi nap min ap undugwi nap min

1 TIMOTIUS 1:9 ပူးပေါင်းရင်းမြစ်များ

2 SEMUEL 16:11

Iri luk, Ndaut-nen tuguruk Abisai min at eyabu wanugwi nap oboksa min yak ondosolar-e: ”An nondomok niyema-nen pigi yu-nen perak an nururak yusu-o. Iri bem-e kir-e Mbenyamin nap yu-nen kwarusu iri karuk noluk-nen kinndi pok yili-o? Nagawan Indo-net an neresa ’Imbiri lamut tak ibi-o’ yamu-nen imbiri lamut tak nubusu-o. Iri bem-e imbiri lamut tak nubuwag-o. Kit-nen at imin-e yi kwatlik ndi kwatlik kwarurak pug-o.

2 NAGAWAN NAGAWAN-NEN KWARIDNAK WENE 19:37

Nde, misik tarem-e Sanegirip iri na-ge at ugugwiwak Nisorok erembel wanugwi o iri na me nggwarik, erembel wanosoma, at ambik ambararak Andaramelek min Sareset min-nen kabo bem wiriga-o. Wutlug-e, it mberen-e o Ararat uwi kwiye mbiriga-o. Mbirikma-ge, at ambara misik Esarandon iri na-ge at ondolma nagawan men yij-o.

MBIRIGA WENE 20:13

Ap wururak pug-o.

MBIRIGA WENE 21:14

Alat nde, insilepma kwarat yogolat-nen indi-net ap misik nde wutluk, Mbal Pem Nagawan amanggim kan pugwi sa kurak yil mburuwama-ge, wil mbutluk, mondok wururag-o.

NGGOMO WENE 20:20

Ta-nen nde eid ija imbiri lamut tak onposola-ge, mondok at uruk wolmomtag-e o mum pem tal nigi yoso nggal lak ma-o.

NGGOMO WENE 30:11

Ap erep-nen-e ineidtak imbiri lamut tak onpogolat, iniyarag-e kek tak inpigit lak yili-o.

NGGOMO WENE 30:17

Ta-nen eid ija inndi worak ereba na pesel onposola-ge, erengen-e towe ijamu-nen kela keya bosolat, nde, ebe-ge towe ud-nen mbarosolat makluk, mbo uburak ndag-et mbo ubuwa-o.

YEREMIA 23:11

Nagawan Indo-nen yosolar-e: ”An nene lomboksa yugwi nap min tepan omborak min-e an-nen yidnak yidnak kwatli bug-o. An nama-nen na it iri-ge meya kwarogola, eneyasu-o.

MATIUS 10:21

Onowe onowot-net nde, onowe onowot na unduwakluk inminep wisirik pogolat, ineidtak-net nde, inlirak unduwakluk inminep wisirik pogolat, inlirak-net nde ineid iniyarak insilepma enpem puruk, ineid iniyarak unduwakluk inminep wisirik pogolat ma-o.

OROMA 1:30

enesiget wene bem ap unnu meya rak pugwi min Mbal Pem Nagawan imin sirid woragwi min paleksa yugwi min enambik entembel wanugwi min enambik kek yugwi min meya kwarurak pem enpam yugwi min ineid iniya-nen yidnak yidnak kwarugwi buk min

OROMA 4:13

”O nggweyak yu-ge kit-net winde yugub-o” luk Mbal Pem Nagawan-nen Abaram min at-nen ndagaidnak lolo min urul paga yak indid iri-ge ar-e imiri mbarak pidnak wene-nen yidnak yidnak kwaroso bem-nen-e lag-o. Are, at indi angin tubu yidnak pem Mbal Pem Nagawan-nen at lud tak nak ibidnak ala-nen urul paga yak indij-o.

OROMA 5:20

Alat nde, wene kuruk tugwi iri ligik lujwakluk, Mbal Pem Nagawan-nen imiri mbarak pidnak wene nambena pij-o. Nde, meya kwarat yugwi sa-ge Mbal Pem Nagawan-nen we wok ondoso elem na kobong kobong lasu-o.

OROMA 6:14

Nde, kir-e imiri mbarak pidnak wene-nen urugwe nggwe rak kinpidnag-e lag-o. Are, Mbal Pem Nagawan we wok ondoso elem-nen urugwe nggwe rak kinpidnak me, meya kwarugwi elem-ne urugwe nggwe rak kunpurag-e lag-o.

NGGALATIA 3:19

Iri ala-ge, imiri mbarak pidnak wene iri-ge ngge kwarurak pem-nen nam tak pij-o? Meya kwarugwi nam tak puwakluk-nen nambek tak pid iri-ge Abaram-nen wigarak lobok yuwa-o luk urul yak tidnak nap na lobok yigit lak worala-ge, imiri mbarak pidnak wene iri-ge woragaij-o. Nde, imiri mbarak pidnak wene iri-ge aid nap enpem pamu, ap misig-e ngarak koro na inggem pij-o.

NGGALATIA 5:18

Alat nde, Konak Indi-nen ndemel kunpuruk waring kasola-ge, kir-e imiri mbarak pidnak wene urugwe nggwe worali-ge lag-o.

NGGALATIA 5:21

at nak nggok yusu-a? luk insilepma yugwi nde, anggut engen amburu ndonggosa nuruk inndi wawa yugwi nde, meya kwarurak pem inik inik sakwi nde, ereba nggal erep min kwarogolat woragwi-o. Nanduk yak kindigi na nggal-et yawo na yak kundusu-o. Iri mende kwarugwi nab-e Mbal Pem Nagawan-nen tenagaidnak wi-ge winde yuwa bug-o.

NGGALATIA 5:23

yamenak woragwi nde, inndi-n lid puruk woragwi nde, iri nggal yoso-o. ”Iri nggal kwarurak pug-o” luk imiri mbarak pidnak worasu-ge lag-o.

2 TESALONIKA 2:8

iri tarem-e Meya nak Kwaroso Nap iri na nam yosola-ge, Nagawan Indo Yesus-nen at emende pu-nen at mondok worosolat, at lobok yosolat abinal-nen at iri lak tak puwa-o.

1 TIMOTIUS 4:7

Alat nde, konmborak-nen yugwi wene lom ebe lak mende meya iri keya bi-o. Keya buruk, Mbal Pem Nagawan indi-n peraso kebage iri wanurak pem wal kasolat wolmin-o.

1 TIMOTIUS 6:20

Timotius wa-e. Kat kebem pidnak mende iri-ge kwara parugu wolmin-o. Nde, ebe lak wene min Mbal Pem Nagawan indi-n peraso buk wene min enaru yugwi mende-o luk yidnag-et nde, iri wene lit lit eyak wat kerak mbugwi wene min erep tenagurak pug-o.

2 TIMOTIUS 2:16

Nde, ebe lak meya wene iri-ge keya bi-o. Iri mende wene-nen-e ap meya elem nak ijak wat yoso-nen yusu-o.

2 TIMOTIUS 3:2

Iri tarem-e ap-nen-e ondomok enabuwa nak kagolat, uwang nak nggok tak pogolat, enambikpebe kek yogolat, inndi kek tak pem wene yogolat, ap pesel onpogolat, ineid iniya enne tarogolat, wa na yugwi buk, aid wene insili rak pogolat,

TITUS 1:10

Ap kwarat-nen yidnak yidnak kwarigit lak yili-t nde, it ennggendumu ap kwarar-e it Yawuri nap iniye ambasap wabugwi wene tena woraiga nap irir-o. It-nen yugwi ebe lak wene iri na-nen-e ap ereb-e kabak tak inpili-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

TITUS 1:6

Ogore yidnak nap iri-ge ebem ambut lak nap, kwe misiget un ala, ilirak na mondok inndi angin tubu yidnak ala, ilirak na mondok mot mot kwarugwi me, onpok pugwi buk ala, ap iri nggal nak mendak unpurag-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

IBERANI 11:31

Nde, terak yebugwi kwe Arakap na indi angin tubu yidnak pem-net o yen wil lobok yiga nap na kona wok inpidnak pem-e it Mbal Pem Nagawan ene kuruk tugwi nap ereba na lak tak onpogolar-e, kwe na wirigit lak yiga-o.

IBERANI 12:16

Nde, kit kennggendumu-nen ap misik-nen mbabi kwarosolat, Esau-nen kwarid nggal konak mende na ebe lak mende nggal tak posolat ma naru, kwil kwalsa wolmer-o. Esau na-ge manggu nderak nak-nen wanugwi imbiringgat mende na-ge misiget pem norak piring iri na min onggo onggo rak pamu-o.

1 PETERUS 2:7

Kerep iri na bem kinndi angin tubu yili nap kit kenmanggim-e ebe worak mende-nen yusu-t nde, at ebem inndi angin tubu yili buk nap enmanggim-e engga wene ya-nen yidnak ndak ndak kwat yusu-o: ”O wurugwi nap-nen mbo biga kerep iri na-ge o unggut paro pidnak kerep irit agaij-o” lug-e,

1 PETERUS 3:20

Inndi aid wene yak indid iri-ge Nu woragaid tarem-nen Mbal Pem Nagawan-nen yidnak yidnak kwarigit lak yiga inndi-o. Nde, Nu-nen e koma na worosola, Mbal Pem Nagawan-e indi luruk puruk woragaij-o. Yi kobong yil lagaij-et nde, e koma na arem-e enpe wonarak delapan nak inmiri yij-o.

1 PETERUS 4:18

Nde, Mbal Pem Nagawan engga bem-nen yosolar-e: ”Lud tak nak kwarugwi nap na inmiri yurag-e angin worag-et ala-ge, lud tak kwarugwi buk nap min meya kwarugwi nap min-e ngge kwat unpuwa-o?” luk yij-o.

YURAS 1:15

ap oboksa enpem wene mbareyekluk lobok yuwa-o. Nde, Mbal Pem Nagawan-nen kwaroso nggal kwarugwi buk nap oboksa-nen Mbal Pem Nagawan-nen kwaroso buk mende kwarogolat woraidnak mende oboksa min Mbal Pem Nagawan-nen kwaroso mende kwarugwi buk meya nak kwarugwi nap-nen Mbal Pem Nagawan imin meya wene yidnak iri bem-nen-e it enpem wene mbaril lobok yuwa-o” luk yij-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.