1 TIMOTIUS 1:5 - Nanduk Ngget Tul Pidnak Wene

⁵ It nggomo undugun iri-ge it-nen ap enabuwa kagolar-e, enarem marak pem-net kagolat, yebet kagwi inndi yek tak pem-net kagolat, inndi angin tubu yidnak mondok mot mot pem-net kagolat makluk-nen nggomo ondugun-o.

1 TIMOTIUS 1:5 ပူးပေါင်းရင်းမြစ်များ

NDAWI ENGGA 24:4

Ap indi-nen na meya yebet kaso buk min ebe-nen na meya kwaroso buk nap min enesiget owak mbaroso buk nap min kugwiwak erembel wanoso buk nap min

NDAWI ENGGA 51:10

Mbal Pem Nagawan wa-e. Kat-nen an nindi-ge ngget kopkap lak irit kwasa keya nibi-o. An nindi-ge kundik woraso elem iri na bem-nen ngget tak irit nibi-o.

MATIUS 12:35

Konak nap-nen-e at arem-e konak nak kobong tak worasola me, konak wene nak wirik poso-o. Nde, meya yoso nap-nen-e at arem-e meya mende nak kobong tak me, meya wene nak wirik poso-o.

MATIUS 5:8

Nde, inndi marak kopkap lak worali nab-e it-nen Mbal Pem Nagawan kujwa me, enalen kali-o.

YIDNAK YIDNAK WENE 15:9

Mbal Pem Nagawan-nen-e it min nit min neneyasolar-e, arik tak nggal-e mondok lag-o. It inndi angin tubu yidnak pem-et it inndi mbek tak inpidj-o.

YIDNAK YIDNAK WENE 23:1

Nde, Paulus-e wene mbarugwi nap na enpem erengen kere kererak worasolat-nen yosolar-e: ”Nanggamirak wa-e, Mbal Pem Nagawan imbiri bem an-e nanduk-nen na, yawo-nen na an nindi mbek tak nak irit worasu-o” luk yij-o.

YIDNAK YIDNAK WENE 24:16

Iri bem-e, an-e pempa Mbal Pem Nagawan min ap min inmbiri bem an nindi mbek tak worayekluk namawi kundusu-o.

OROMA 10:4

Musa-nen imiri mbarak pidnak wene na-ge Kerisut-nen ndak tak pidnak me, inndi-ge at ebem angin tubu yuwa nap pidsa-ge lud tak nak unpuwa-o.

OROMA 12:9

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

OROMA 14:15

Nde, kat-nen nunggwi mende bem Kerisut ebem kanggam mbi indi abi meya rak posola-ge, at abuwa kasolat-nen yusu-ge lag-o. Kerisut-e ap iri amanggim wat yidnak me, kat-nen nunggwi mende bem at are purak pug-o.

OROMA 9:1

An-e Kerisut arengge me, an-nen yak kundusu wene yu-ge ndemeret yak kundusu-o. Nenesiget yusu-ge lag-o. Konak Indi-nen an nindi mul tosola, an narem yebet kaso iri-nen-e: ”Kar-e ndemeret wene nak yusu-o” luk yak nurusu-o.

1 KORINTUS 13:1

An-nen-e ki nap enne bem ala na irit, aid nap enne bem ala na irit, te irit yimin-et nde, ap enabuwa kagwi elem nde an narem lak-nen-e an-e posid owak lel kagola, ene nggwe yidnak nggal-nen yusu-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

TUGURUK YIDNAK WENE 10:12

Musa-nen yosolar-e: ”Nanggamirak Isarael nap wa-e. Nagawan Indo Kenmbal Pem Nagawan-nen kwarurak wene kenpem pusu yu kwara yebet ker-o. Nagawan Indo Kenmbal Pem Nagawan nak kek tak pogolat, at-nen yidnak yidnak oboksa kwarogolat, ndemeret kinndi-net at nak abuwa karuk, ndegel uburag-o.

1 TIMOTIUS 1:18

Nambara Timotius wa-e. Mbal Pem Nagawan ene lomboksa yugwi nap-nen kat-nen kwarurak urul pidnak iri na yebet karug-e, ndag-et kwarugun kagi luk, an-nen yabu yu kebem pusu-o. Kat kurul pidnak wene iri bem-nen kamawi kondosolar-e, konag-et wim mbarosolar-e,

1 TIMOTIUS 1:19

kindi angin tubu yidnak min karem mbek tak pem min-et wim mbarosolat wolmin-o. Ap erep-nen-e it inndi konak yebet kagwi na-ge keya buruk, it inndi angin tubu yidnak na-ge lak tak piga-o.

1 TIMOTIUS 3:9

It iri-ge it-nen yebet kagwi inndi mbek tak pem-net Mbal Pem Nagawan-nen nam tak pidnak inndi angin tubu yugwi wene iri-ge kwara tena wolmomtak nap mag-o.

2 TIMOTIUS 1:3

Nanduk nonmborak-nen Mbal Pem Nagawan ndegel ibiga na nggal-et an-e yebet kaso nindi mbek tak pem-et ndegel oboso Mbal Pem Nagawan iri na wa yak toso-o. Kubu-nen na, lengge-nen na, an-e pempa kamanggim tepan yoso-o.

2 TIMOTIUS 1:5

Kat ndemeret kwara kindi angin tubu yigen na an yebet yebet tak worasu-o. Nde, kat kowo Lois min kiya Eunike min inndi angin tubu yiga iri na ereb-et kat na iri nggal-et kindi angin tubu yidnak worasu-o luk an-e mondok naru-o.

2 TIMOTIUS 2:22

Ap sugwe-nen ukwe ukwe yugwi mende iri keya buruk, it inndi mbek tak pem-net Nagawan Indo emengen mbarugwi nap inmin-et kwarosolar-e, lud tak nak kwarugwi mende min inndi angin tubu yugwi elem min ap enabuwa kagwi elem min lambuksa woragwi elem min nak langgal luk mbiri-o.

TITUS 1:15

Marak nap enmanggim-e pidsa marak nak worasu-o. Alat nde, meya kwarugwi nap min inndi angin tubu yugwi buk nap min-e it inndi min yebet kagwi indi min kop kap tobok tak-nen yusu me, it enmanggim-e siyag-et ter-o luk marak worasu-ge lag-o.

IBERANI 10:22

Iri bem-e, nit-nen Mbal Pem Nagawan eram panggosa mborogolar-e, ninndi mot mot tak puruk, ninndi ndemeret kwara angin tubu luk, meya yebet kagwi na mbek tak ninpidnak pem-net, kop kap lak yi bem nenpe mat ninpidnak pem-net panggosa mburuwog-o.

IBERANI 13:18

Nit nenmanggim tepan kundugu wolmer-o. Nir-e pempa konak nak kwat tenak wolmomtak nindingen me, nit-nen yebet kagwi ninndi iri-ge konag-et worasu-o luk perali-o.

IBERANI 9:14

Kerisut eyabi-nen-e terak minik irit kwat nonposo-o. Nde, Kerisut-nen at ondomok indi wesera Mbal Pem Nagawan amanggim posolar-e, mondok iminep mbarak mende pid iri-ge urug-et pem-et woralik nalik woraso Konak Indi bem-net pij-o. At eyabi-nen-e nir-e ebe lak mende kwarugwi ninndi iri na mat nunpuruk, nir-e uruk nak woraso Mbal Pem Nagawan na ndegel tenak wolmakluk, marak nunpurag-e ndag-o.

YAKOBUS 4:8

Kit-nen-e Mbal Pem Nagawan eram panggosa mborogola-ge, at-nen-e kit kendam panggosa lobok yuwa-o. Meya yugwi nap wa-e. Kininggi marer-o. Kinndi mberen nap wa-e. Kinndi mbek tak per-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 3:16

Alat nde, kinndi yanggonak, teberak pem-net kit kinndi mbek tak woragolat-nen wene onggo yurag-o. Iri kwarogola-ge, kir-e Kerisut ebem woragolat-nen konak nak kwarugwi me, kit konpok pili nap na innggiri ma-o.

1 PETERUS 3:21

Nde, yi lagaid iri-ge yawo yi ma konpogola kinmiri yusu iri ut mimirik-nen yusu-o. Yi ma kinpili yu-ge kenaboro kusimin mat makluk-nen yi ma kinpili-ge lag-o. Are, kinndi konak mbek tak pem Mbal Pem Nagawan imin kondogolat urul yak tigep iri bem-nen kinmiri yusu iri-ge Yesus Kerisut uruk agaid na bem-net kinmiri yusu-o.

1 PETERUS 4:8

Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.

2 PETERUS 1:7

Nde, Mbal Pem Nagawan-nen kwaroso nggal kwarugwi na lombok tak pogolar-e, konowe konowosi enabuwa kagwi na lambuksa waner-o. Nde, konowe konowosi enabuwa kagwi na min lombok tak pogolar-e, ap pidsa enabuwa kagwi elem lambuksa waner-o.

1 YOANES 3:10

Yu-ge Mbal Pem Nagawan ilirak-nen yili-o luk yenggerak pogolat, yu-ge Sere ilirak-nen yili-o luk yenggerak pogolat yurag-e yu bem-nen yenggerak purag-o. Ta-nen nde lud tak nak kwarigit lak, anggamirak enabuwa kaso buk ala-ge, iri-ge Mbal Pem Nagawan ambara-ge lag-o luk yenggerak purag-o.

1 YOANES 3:23

Nde, at-nen: ”Irit kwarer-o” luk yidnag-e yu-o: At Ambara Yesus Kerisut unu bem nit ninndi angin tubu luk, Kerisut-nen yak nindid ndak ndag-et nabuwa kabuwa yogolat wolmomtag-o.

1 YOANES 3:3

Iri kwat mul-o luk, iri bem indi mbung mbung tak worasu nab-e Kerisut na mbek tag-et woraso nggal, ap iri na at na at-net mbek tag-et wolmomtag-o.