1 TIMOTIUS 1:20 - Nanduk Ngget Tul Pidnak Wene

²⁰ Iri kwarugwi nap ennggendumu-nen-e Imeneus min Aleksandet min worali-o. Nde, it mberen-e Mbal Pem Nagawan obak pili iri keya buwakluk, an-nen-e Sere eram kegera inpigi-o.

1 TIMOTIUS 1:20 ပူးပေါင်းရင်းမြစ်များ

MATIUS 18:17

Alat nde, at-nen nde it iri na enne na kuligit lak ala-ge, wene iri-ge lambuk tak inpidnak nap inmbiri bem-net yurag-o. Yukmu nde, at-nen-e lambuk tak inpidnak nap na enne na kuligit lag-et ala-ge, at iri na-ge Mbal Pem Nagawan aru buk nap nggal, pemerinta enmanggim tol ndok woroso nap nggal irit yik kagolat wolmomtag-o.

YIDNAK YIDNAK WENE 13:45

Ndok worogola-ge, it Yawuri nap-nen ap kwarat ndok wiridnak karug-e, enlengen ale yogolat-nen Paulus-nen yidnak wene eyak worogolat, mbilaro ngin tak piga-o.

YIDNAK YIDNAK WENE 19:33

Yogolikma-ge, Yawuri nap-nen Aleksandet na wene yuwakluk mendak pogola-ge, ap kwarat-nen-e: ”Wene yu yak nindi-o” luk yak togolikma-ge, at-nen wene iri nggal-o luk wesera yak endeyeklug-e, inggi warok pem ”Kenne meyog-o” yij-o.

1 KORINTUS 11:32

Alat nde, nggweyak ma nap enpem wene mbarosolar-e, it inmin lambuksa nenpem wene mbaruwa naru, Nagawan Indo-nen-e angin worak mende nenpem pusu iri-ge mul nondosolat-nen yusu-o.

2 KORINTUS 10:6

Kir-e nit-nen yidnak nak kwarugwi nde iminep mbal yosola-ge, lugud tak kwarugwi nap na anggun worak mende enpem purag-e lid lud tak puruk worali-o.

2 KORINTUS 13:10

Iri bem-nen an-e erepma woralar-et nde, engga yu mbal kundusu-o. Kit kendam wok yimindig-e, Nagawan Indo-nen wok niridnak amawi iri na bem nene amawi min yak kindimin naru, yawo-net engga mbal kundusu-o. Amawi wok nirid iri-ge, kit mbud tak kunpurak pem-e lag-o. Kit mendak kunpurak pem-et wok niridnak amawi-nen yusu-o.

2 TESALONIKA 3:15

Alat nde, at iri-ge kit kinmin sirid nap kwat inpidnak nggal kwat uburak pug-o. Are, kat kanggam-net yusu me, nggomo wururag-o.

1 TIMOTIUS 5:15

Kweyap togwe ereb-e kabak luk, Sere langgal luk mbitli-o.

2 TIMOTIUS 2:14

Wene yu-ge kweyap yeberak inpi-o. Mbal Pem Nagawan imbiri bem-et kene amawi min-et yak ondosolar-e: ”Yi wene ndi wene bem-e ngguno purak pug-o” luk yak indi-o. Iri kwarugwi iri-ge ebe lak wene kulili nap iri na inndi kabak tak unpurak wene-nen yusu-o.

2 TIMOTIUS 2:17

It-nen mul undugwi wene iri-ge lak yoso buk ndigiril laso mbijap nggal-nen yusu-o. Nde, Imeneus min Piletus min iri na iri kwarugwi worali-o.

2 TIMOTIUS 3:2

Iri tarem-e ap-nen-e ondomok enabuwa nak kagolat, uwang nak nggok tak pogolat, enambikpebe kek yogolat, inndi kek tak pem wene yogolat, ap pesel onpogolat, ineid iniya enne tarogolat, wa na yugwi buk, aid wene insili rak pogolat,

IBERANI 12:5

Nde, ineidtak-nen inlirak nggomo undugwi nggal Mbal Pem Nagawan-nen ilirak kit nggomo kindid na meme rak purak pug-o. At-nen yosolar-e: ”Nambara wa-e. Nagawan Indo-nen kindi wanonok-nen korosola-ge, te rak purak puk na-e. At-nen met kobosola-ge, kindi pok yurak puk na-e.

NAM PARA WENE 13:1

Iri luk, an yik kaginggal-e, yi koma arem-nen ndakngge isilepma worak misik nam yosola kagi-o. At iri anggul ambo-ge sepulu, nde, anggul-e tuju woragaij-o. Nde, anggul ambo ereya na bem iritsa nagawan-nen yurugwi topi pago, nde, anggulwak ereya na bem iritsa unnu-ge Mbal Pem Nagawan obok pugwi na mbarag-o.

NAM PARA WENE 3:19

An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.