1 TIMOTIUS 1:17 - Nanduk Ngget Tul Pidnak Wene

¹⁷ Woralik nalik yoso Nagawan, lak yoso buk Nagawan, ap-nen kagwi buk, misig-et nak woraso Mbal Pem Nagawan iri nak erembel wanogolat, unu kek tak pogolat pem-et woralik nalik mag-o. Amen.

1 TIMOTIUS 1:17 ပူးပေါင်းရင်းမြစ်များ

NEMIA 9:5

Nde, iri tarem Nagawan Indo erembel wanugwi iri-ge it Lewi nap ya-nen tel kwiriga-o: Yesua, Katmiel, Mbani, Asapneya, Serebeya, Ondia, Sebania, Petaya it yu-nen yogolar-e: ”Menluk-nen Nagawan Indo Nenmbal Pem Nagawan nak kek tak puwog-o! Pempa at nak kek tak pogolat wolmog-o! At unu nggok kek tak iri nak mondok kek tak puwog-o. At kek tak ubugwi ereba-ge teberak puruk, At unu-ge terak minik kek tak-net yusu-o” luk yiga-o.

NDAWI ENGGA 145:13

Kat-nen nagawan o tena woragun iri-ge mondok pem irit o tena woragun-o. Kat-nen o tena worasolar-e, pem woralik nalik irit tena woragun-o. Nagawan Indo-ge at-nen urul pidnak oboksa-ge ndak ndak irit kwaroso-o. At-nen kwaroso mende bem-e enabuwa bem-et kwarosolat woraso-o.

NDAWI ENGGA 90:2

Ndobo ndak wirigit lak ma, nggweyak min o yu min kwarak pigit lak ma-ge, kar-e woroksiyem na lak, tel kwiridnak na lak, kar-e pem irit woraso-nen yusu-o.

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

NDANIEL 4:34

Nde, nagawan an-nen yosolar-e: ”Olengen tuju iri na worarug-e, an nerengen-e mbal lik kasola-ge, ap nindi kwat yij-o. Iri yosola-ge, Mbal Pem Nagawan Mondok Kek tak iri na kek tak obosolat, at pem-et woralik nalik woraso iri na erembel wanosolat kek tak pigi-o. Iri yosolar-e: Mbal Pem Nagawan-e pem irit nagawan wolma-o. At-nen tenagidnak wi-ge pem irit wolma-o.

NDANIEL 4:37

Iri yamu, yawo Nebukatnesat an-e aid arem woraso Nagawan iri na nak erembel wanosolat, kek tak obosolat, nggok tak obosolat kwarusu-o. At-nen kwaroso-ge ndemeret mot mot lud tak nak kwaroso-nen yusu-o. Nde, ar-e ap indi kek tak pugwi nap indi teberak purag-e ndak-net yusu-o” luk yigi-o.

NDANIEL 7:14

At iri wok tosolar-e, kek tak obosolat, nagawan o tena wolmomtak amawi irit inggem pidnak me, yi nap ndi nap enlem oboksa, enne lombok, enlem lombok oboksa-nen at ndak ndegel obogolat woraiga-o. Nde, at-nen nagawan woralat, pem irit o tena wolma-o. Nde, o tena wolma iri na-ge mondok lak tak puwa bug-o.

MIKA 5:2

Iri kwarak me, Nagawan Indo-nen-e at ilirag-e keya nak unpuwama, it unuwim nap-nen tebel unpuruk irit worakmu, amawi worak nap iri na ija kwat mag-o luk lenak pidnak iri na-nen-e amawi worak nap iri na ndet ubuwama, at elem nap mbo inpidnak sa worali ereba na-ge it enlem ereba na inmin tuguruk misiget tak unpuwa-o.

MALEAKI 1:14

Kit konowam ereba na enggendumu omok worak usul-et pimin-o luk urul pidnak ereba na worala-t nde, wam-e meya ebe lak, indi ud ereba na nde an namanggim pogolat, an namberam lagwi nap kir-e imbiri lamut mer-o! Nde, an-e nagawan mondok kek tak, ap enlem oboksa-nen kek tak nubugwi-nen yusu-o” luk yij-o.

MATIUS 25:34

Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 5:44

Nde, kit-nen-e: ’Mbal Pem Nagawan misiget nak iri-nen an kek tak nubuwa-o’ perali bug-o. Are, ki nap-nen kek tak kunpurak pem, kit na kit-net kentembel wok kerak mbili me, kir-e nggerak puruk-nen kinndi angin tubu yugub-o?

OROMA 1:20

Mbal Pem Nagawan-nen nggweyak yu ndak wirid kuri-nen yawo kuri-ge Mbal Pem Nagawan abage kagwi buk abage iri-ge at woralik nalik yoso amawi min abage Mbal Pem Nagawan woraso min iri-ge ab-e nam-et kagolar-e, at-nen ndak worak pidnak tengge bem-nen ap-nen-e at yenggerak kali me-ge, it innggiri worosola, it-nen-e onggo yurag-e meya-o.

OROMA 1:23

Iri yili nap-nen-e kek tak woralik nalik woraso Mbal Pem Nagawan na ondolma lak yoso mende amorok ndak worogolar-e, ap ut mimirik min towe ut mimirik min wam ut mimirik min keyok keyok noso mende ut mimirik min ndak wiriga-o.

OROMA 11:36

Nde, yi mende ndi mende pidsa-ge at nak-nen ndak worak posolat, at-nen nak yidnag-o, nde, at amanggim nak worasu-o. At unu-ge kek tak irit woralik nalik mag-o. Amen.

OROMA 16:27

Ariget nak indi pindong tak woraso Mbal Pem Nagawan iri-ge Yesus Kerisut ebem-nen pempa woragolat nagolat at nak kek tak pogolat wolmog-o! Amen.

OROMA 2:10

Alat nde, it konak nak kwarugwi nap oboksa wok ondosolar-e, Mbal Pem Nagawan-nen-e it unnu kek tak posolat, entembel wanosolat, yamuksa woragwi rak onposolat ma-o. Nanduk tak posolar-e, Yawuri nap kwat unpuruk, abog-e enlem nin nap na kwat unpuwa-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

KOLOSE 1:15

Kerisut na-ge kagwi buk Mbal Pem Nagawan na abage-net yusu-o. Ndak worak pidnak tengge oboksa-ge teberak-nen yusu-o. Nde, at Ambara manggu iri perak nde mondok kek tak-nen yusu-o.

IBERANI 11:27

Nde, Musa na indi angin tubu yidnak pem-net Pirayon isilepma at ebem posola-t nde, kwiye lag-et Mesira wi keya buruk mbirij-o. Enlengen-nen kagwi buk Mbal Pem Nagawan iri-ge at-nen-e kaidnak nggal kwarosolar-e, at indi-n pidnak sa irit mboroso komo nak yij-o.

IBERANI 2:7

We mariget tarem nak kat-nen-e nggweyak ma nab-e aid nap indipma nggal tak pigen-o. Nde, kat-nen nagawan tak posolar-e, kek tak ibigen-o.

1 PETERUS 5:11

At arig-et nak amawi worak pem-et woralik nalik wolma-o. Amen.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.

1 YOANES 4:12

Ap misiger-o luk tet Mbal Pem Nagawan mondok kagwi bug-o. Nde, Nit-nen nde nabuwa kabuwa yogola-ge, Mbal Pem Nagawan-e nit nenarem woralat, nit nenarem-e at-nen enabuwa kaso elem na-ge iminep mbarak irit wolma-o.

YURAS 1:25

arig-et woraso Mbal Pem Nagawan, nit Ninmiri Yoso Nap iri amanggim-e nit Nenagawan Indo Yesus Kerisut na ebem-nen-e abinal min kek tak woraso elem min amawi elem min at-nen tenagoso elem min-e obi ereba kuri-net, yawo-nen na, woragolat nagolat na at amanggim-et wolmag-o. Amen.

NAM PARA WENE 15:3

It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.

NAM PARA WENE 17:14

It iri-nen-e Lomba Wam Marik iri na min wim puwa-o. Alat nde, Lomba Wam Marik min at-nen wene mbo unpuruk, len enpaga at imin nugwi nap at-nen yidnak yidnak kwarugwi nap inmin-nen-e nagawan nagawan ereba na-ge urugwe nggwe rak unpuwa-o. Nde, iri yuwa iri-ge Lomba Wam Marik iri-ge ap yok nggok onmbol pem Nagawan Indo, nggweyak ma nagawan oboksa onmbol pem Nagawan me, urugwe nggwe rak unpuwa-o” luk yij-o.

NAM PARA WENE 19:1

Iri luk, an kuliginggal-e, ap kwarat aid arem-nen enne-ge o nggu nggal yogolar-e: ”Mbal Pem Nagawan erembel wanuwog-o! Nit Nenmbal Pem Nagawan iri-ge ninmiri yoso kek tak amawi worak-nen yusu-o!

NAM PARA WENE 19:16

Nde, at usum pem min at awak pem min-e at unu-ge ”Nggweyak ma nagawan oboksa onmbol pem Nagawan-o. Ap nggok oboksa onmbol pem Nagawan Indo-nen yusu-o” luk mbarag-o.

NAM PARA WENE 19:6

Iri yosola, an kuliginggal-e, ap kwarat kamarak enne-ge yi ebe wasolat enne lu nggal, o nggu lunggu mborosolat nggal irit kuligi-o. It-nen yogolar-e: ”Nit-nen idnak Mondok Amawi worak Mbal Pem Nagawan, Nagawan Indo iri-ge nit Nenagawan kwat yid me, Mbal Pem Nagawan nak erembel wanuwog-o!

NAM PARA WENE 7:12

yogolar-e: ”Amin-o! Nit Nenmbal Pem Nagawan iri-ge erembel wanogolat, at nak kek tak pogolat, indi nggat nggat worak-nen yusu-o. Nit Nenmbal Pem Nagawan iri-ge at nak wiwa-o yak togolat, at ambigit nak tebe yogolat yurak Mbal Pem Nagawan iri-ge o tena buruk wolmomtak amawi min amawi worak pem-et woralik nalik woraso Mbal Pem Nagawan-nen yusu-o. Amin-o!” luk yiga-o.